16-Nov-2022

ଡୁଙ୍ଗୁରିପାଲି,- ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ସରଗୁଲ୍‌ରେ ଗ୍ରାମ୍ୟ ଦେବାଦେବୀ ମନ୍ଦିର ପ୍ରତିଷ୍ଠା ମହୋତ୍ସବ ଅବସରରେ ସ୍ଥାନୀୟ ବାଲୁଙ୍କେଶ୍ୱର ଆଦିବାସୀ ହାଇସ୍କୁଲର ଜୁନିଅର ରେଡକ୍ରସ ୟୁନିଟ ତରଫରୁ ଏକ ସାମାଜିକ ସେବା ଶିବିର ଆୟୋଜିତ ହୋଇଯାଇଛି । ସ୍କୁଲ ପରିଚାଳନା କମିଟୀ  ସଭାପତି ସତ୍ୟନାରାୟଣ ସାହୁ ରେଡକ୍ରସ ପତାକା ଉତ୍ତୋଳନ କରି ଶିବିରକୁ ଉଦ୍‌ଘାଟନ କରିଥିଲେ । ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ମଣ ଭୋଇଙ୍କ ଆଦେଶ କ୍ରମେ ଶିବିରକୁ  ଜୁନିଅର ରେଡକ୍ରସ ଅଫିସର ରବିଚନ୍ଦ୍ର ପଶାୟତ, ପ୍ରଧାନଶିକ୍ଷୟିିତ୍ରୀ କୃଷ୍ଣପ୍ରୀୟା ସହାଣୀ ପରିଚାଳନା କରିଥିବା ବେଳେ ସ୍କୁଲ ଜୁନିଅର ରେଡକ୍ରସ ପରାମର୍ଶଦାତା ନିମାଇଁ ମଲ୍ଲିକ ସଂଯୋଜନା କରିଥିଲେ । ବରିଷ୍ଠ ସାଧନକର୍ମି ଚନ୍ଦ୍ରମଣି ବାଘ, ହୃଷିକେଶ ଡାଙ୍ଗ, ଅନୁପ୍ରୀୟା ମିଶ୍ର, ରକ୍ଷକ ସାଧନକର୍ମି ତପସ୍ୱିନୀ ଦାଶ, ପରାମର୍ଶଦାତା କୁମୁଦ କୁମାର ମଟାରୀ, ଦେବକି ବାଘ, ପ୍ରଭାସିନୀ ଦାଶ , ଦୁର୍ଯ୍ୟୋଧନ ପଶାୟତ

ପ୍ରମୁଖଙ୍କ ନେତୁତ୍ୱରେ ସରଗୁଲ ହାଇସ୍କୁଲ ଜୁନିଅର ରେଡକ୍ରସ  ୟୁନିଟର ପ୍ରାୟ ୬୫ଜଣ ଛାତ୍ରଛାତ୍ରୀ ଶିବିରରେ ଅଂଶଗ୍ରହଣ କରି ମନ୍ଦିର ପ୍ରାଙ୍ଗଣ ସଫେଇ, ସମବେତ ଭକ୍ତଙ୍କୁ ପାନୀୟ ଜଳ ଯୋଗାଣ, ପ୍ରସାଦ ବଂଟନ ଏବଂ ଆଶୁ ରୋଗୀଙ୍କ ପ୍ରାଥମିକ ଚିକିତ୍ସା ସେବା ଭଳି ସେବା କାର୍ଯ୍ୟ ସଂପାଦନ କରିଥିଲେ । ଜୈନିକ ପ୍ରାୟ ୩୨ ବର୍ଷୀୟ ବ୍ୟକ୍ତି ଯାତ୍ରାସ୍ଥଳରେ ଅସୁସ୍ଥତା ଯୋଗୁଁ ବେହୋଶ ହୋଇପଡିଥିଲେ । ରେଡକ୍ରସ କର୍ମିମାନେ ତାଙ୍କୁ ପ୍ରଥମେ ପ୍ରାଥମିକ

ଚିକିତ୍ସା ଦେଇଥିଲେ । ସୁସ୍ଥ  ହେବାରେ ବିଲମ୍ବ ହେବାରୁୁ ୧୦୮ ଆମ୍ବୁଲେନସ କୁ ଡକାଯାଇଥିଲା ଏବଂ ସ୍ଥାନୀୟ ଡୁଙ୍ଗିରିପାଲି ହସପିଟାଲ କୁ ଉକ୍ତ ବ୍ୟକ୍ତିଙ୍କୁ ସ୍ଥାନାନ୍ତରିତ କରାଯାଇଥିଲା । ଜୁନିଅର ରେଡକ୍ରସ ର ମହନୀୟ ସେବା ମନୋଭାବରେ ଖୂସି ହୋଇ ଯାତ୍ରାସ୍ଥଳରେ ଜଳନ୍ଧର ମହାରାଜ ଜୁନିଅର ରେଡକ୍ରସ ୟୁନିଟକୁ ସାର୍ଟିଫିକେଟ ଏବଂ ଟ୍ରଫି ଦେଇ ସମ୍ମାନୀତ କରିଥିଲେ । କାର୍ଯ୍ୟକ୍ରମରେ ସ୍କୁଲର ଶିକ୍ଷକ ଚୈତନ୍ୟ ମଲ୍ଲିଜ, ସୋମାନାଥ ହାତୀ, ସୁନିଲ କୁମାର ସାହୁ, ଜାଦବ ବେହେରା, ସନ୍ତୋଷ ମେହେର, ବଳଦେବ ସ୍ୱାଇଁ, ଧନପତି ସାହୁ ପ୍ରମୁଖ  ସହଯୋଗ କରିଥିଲେ ।