15-Nov-2022

ବଲାଙ୍ଗିର (ପ୍ରେରଣା ଖବର) ଗତ କିଛିଦିନ ଟଳେ ପଶ୍ଚିମବଙ୍ଗ ରାଜ୍ୟର ମମତା ବାନାର୍ଜୀ ସରକାରରେ ଜେଲ୍ ବିଭାଗର ମନ୍ତ୍ରୀ ଅଖିଳ ଗିରି ଭାରତ ର ମହାମହିମ ରାଷ୍ଟ୍ରପତି  ତଥା ଦେଶର ସର୍ବୋଚ୍ଚ ନାଗରିକ ଙ୍କ ଉଦ୍ଦେଶ୍ଯରେ ଅଶାଳୀନ ମନ୍ତବ୍ୟ ପ୍ରଦାନ କରିଥିଲେ l  ସଂଘର୍ଷ ର ପ୍ରତୀକ ତଥା ଦଳିତ ଆଦିବାସୀ ଙ୍କ ପ୍ରତିନିଧିତ୍ଵ କରୁଥିବା ଓଡ଼ଶା ମାଟିର ଝିଅ ଦ୍ରୌପଦୀ ମୁର୍ମୁ ସାରା ଦେଶ ପାଇଁ ଗୌରବ ଆଣିଛନ୍ତି l ଏପରି ସ୍ଥଳେ  ମହାମହିମ ରାଷ୍ଟ୍ରପତିଙ୍କ ସୁନ୍ଦରତା କୁ ନେଇ ଜଣେ  ମନ୍ତ୍ରୀଙ୍କ  ଏପରି ଟିପ୍ପଣୀ କେବଳ ଓଡ଼ିଶା ନୁହେ ସାରା ଦେଶ ପାଇଁ ଘୋର ଅପମାନର ବିଷୟ ବୋଲି ବିଜେପି ମହିଳା ମୋର୍ଚ୍ଚା ପକ୍ଷରୁ କୁହାଯିବା ସହ ଜଣେ ଦାୟିତ୍ଵସମ୍ପନ୍ନ ମନ୍ତ୍ରୀଙ୍କ ଏପରି ଅଭଦ୍ରୋଚିତ ଟିପ୍ପଣୀ କୁ ନିନ୍ଦା କରାଯାଇଛି l  ଏପରି ଘଟଣା ସମଗ୍ର ଦେଶବାସୀଙ୍କ ଭାବାବେଗକୁ ଆଘାତ କରିଛି ବୋଲି ବିଜେପି ପକ୍ଷରୁ କୁହାଯାଇଛି l  ପଶ୍ଚିମବଙ୍ଗ ସରକାର ର ମନ୍ତ୍ରୀଙ୍କ ଅଶାଳୀନ ମନ୍ତବ୍ୟକୁ ନିନ୍ଦା କରି ଗତକାଲି ବିଜେପି ମହିଳା ମୋର୍ଚ୍ଚା ପକ୍ଷରୁ ବଲାଙ୍ଗିର ଟାଉନ୍ ଥାନାରେ ଏକ ଲିଖିତ ଅଭିଯୋଗ କରାଯାଇଛି l ବିଜେପି ମହିଳା ମୋର୍ଚ୍ଚାର ବନ ଶ୍ରୀ ଆଚାର୍ଯ୍ୟ, ସଞ୍ଜୁ ନାଏକ, ବସନ୍ତି ଜେନା, ସୌଦାମିନୀ ମିଶ୍ର ପ୍ରମୁଖ ଟାଉନ୍ ଥାନାରେ ଉପସ୍ଥିତ ରହି ଲିଖିତ ଅଭିଯୋଗ ଦାଖଲ କରିଛନ୍ତି l