11-Nov-2022

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ  ଜଟେସିଂହା ପଞ୍ଚାୟତ ଅନ୍ତର୍ଗତ ଡୁମ୍ପୁରୀଛକ ଏବେ ଅନ୍ଧାରରେ ଘେରରେ ରହିଛି। ଏହି ଛକ ଉପରେ ଅନେକ ଗ୍ରାମର ବହୁ ସଂଖ୍ୟକ ଜନସାଧାରଣ ନିର୍ଭର କରିଥାନ୍ତି। ସକାଳ ଠାରୁ ମଧ୍ୟ ରାତ୍ରୀ ପର୍ଯ୍ୟନ୍ତ ଏହି ଛକ ନିକଟରେ ବିଭିନ୍ନ ସ୍ଥାନକୁ ଯିବା ପାଇଁ ଯାତ୍ରୀ ମାନେ ଅପେକ୍ଷା କରିଥାନ୍ତି। ଦିନ ବେଲା ଯାତ୍ରୀ ମାନେ ଏଠାରେ ଥିବା ଦୋକାନ ପାଖରେ ଆଶ୍ରୟ ନେଇ ବସ କୁ ଅପେକ୍ଷା କରିଥାନ୍ତି। ଖରା, ବର୍ଷା,କାକରକୁ ସମ୍ମୁଖୀନ କରି  ନିଜ ଗନ୍ତବ୍ୟ ସ୍ଥଳକୁ ଯିବା ପାଇଁ ବିଭିନ୍ନ ଯାନବାହାନ କୁ ଅପେକ୍ଷା କରିଥାନ୍ତି।‌ ହେଲେ ବହୁତ ଦୁଃଖର କଥା ଏଠାରେ ପିଇବା ପାଣି ର ବ୍ୟବସ୍ଥା ନଥିବାରୁ ଯାତ୍ରୀ ମାନେ ଘୋର ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ ହେଉଛି। ଆଶ୍ରୟ ନେବା ପାଇଁ ବିଶ୍ରାମ ଗୃହ ଥିଲେ ମଧ୍ୟ ତାହା ଜରାଜୀର୍ଣ୍ଣ ଓ ବିପଦପୂର୍ଣ୍ଣ ଅବସ୍ଥାରେ ପଡ଼ିରହିଛି। ଏଠାରେ ନଳକୂପ ଥିଲେ ମଧ୍ୟ ଦୀର୍ଘ ବର୍ଷ ହେବ ଅଚଳ ଅବସ୍ଥାରେ ପଡ଼ିରହିଛି।‌  ଏହି ଅଚଳ ନଳକୂପ ରାସ୍ତା ମଝିରେ ରହିଥିବା ଯୋଗୁଁ ବିଭିନ୍ନ ସମୟରେ ଛୋଟ ବଡ଼ ଦୁର୍ଘଟଣା ଘଟୁଥିବା ସ୍ଥାନୀୟ ଲୋକେ କହିଛନ୍ତି।  ଏଥିପ୍ରତି ସ୍ଥାନୀୟ ପ୍ରଶାସନ ଦୃଷ୍ଟି ଦେବା ପାଇଁ ଅସମର୍ଥ।‌ ଏହି ଛକ ଉପରେ ବିଦ୍ୟୁତ ଆଲୁଅ ବ୍ୟବସ୍ଥା ନଥିବାରୁ ସନ୍ଧ୍ୟା ସମୟରେ ଯାତ୍ରୀ ମାନେ ଅସୁରକ୍ଷିତ ଭାବରେ ରାତ୍ରି ବସ କୁ ଯୋଗି ରହୁଛନ୍ତି। ଏଠାରେ ଅପେକ୍ଷା କରୁଥିବା ଯାତ୍ରୀମାନେ ଅସାମାଜିକ ଯୁବକଙ୍କ ଆକ୍ରମଣ ର ଶିକାର ହେଉଥିବା ବିଭିନ୍ନ ସମୟରେ ଶୁଣିବାକୁ ମିଳିଛି। ଏହି ଛକ ଠାରେ ଗତ ସପ୍ତାହରେ ଭୁବନେଶ୍ୱର ବଡ ମେଡିକାଲକୁ ଯିବାପାଇଁ  ଦୁଇ ଜଣ ଯାତ୍ରୀ ବସକୁ ଅପେକ୍ଷା କରିଥିଲେ।‌ ଅନ୍ଧାରର ସୁଯୋଗ ନେଇ ଦୁର୍ବୃତ୍ତ ମାନେ ଏମାନଙ୍କ ଠାରୁ ଟଙ୍କା ଲୁଟି ନେଇଥିଲେ। ଏହି ଛକ ଦେଇ ପ୍ରତେକ ଦିନ କଟକ,‌ଭୁବନେଶ୍ଵର, ରେଢ଼ାଖୋଲ,‌ସମ୍ବଲପୁର, ବଲାଙ୍ଗିର ତଥା ବିଭିନ୍ନ ସ୍ଥାନକୁ ଯାନବାହାନ ଯିବା ପାଇଁ ଜନସାଧାରଣ ଅପେକ୍ଷା କରିଥାନ୍ତି। ଏହା ପାଖରେ ପ୍ରସିଦ୍ଧ ଶୈବପୀଠ ଗୋଧନେଶ୍ଵର ମନ୍ଦିର ରହିଛି। ଫଲରେ ସକାଳ ହେବା ମାତ୍ରେ ବହୁ ସଂଖ୍ୟକ ଶ୍ରଦ୍ଧାଳୁ ଏହି ଛକ ଦେଇ ଯିବା ଆସିବା କରିଥାନ୍ତି। ଏନେଇ ଆଗରୁ ବହୁ ବାର ସ୍ଥାନୀୟ ପ୍ରଶାସନକୁ ଜଣାଇଥିଲେ ଥିଲେ ମଧ୍ୟ ତାହା ଏପର୍ଯ୍ୟନ୍ତ ‌ସୁଫଳ ମିଲିପାରି ନାହିଁ।‌ ଜିଲ୍ଲା ପ୍ରଶାସନ ଏଥିପ୍ରତି ଦୃଷ୍ଟି ଦେବା ସହ ତୁରନ୍ତ ଏଠାରେ ପିଇବା ପାଣି , ଯାତ୍ରୀ ଅପେକ୍ଷା ଗୃହ ସାଙ୍ଗକୁ ରାତ୍ରି ସମୟ ଆଲୁଅ ବ୍ୟବସ୍ଥା କରିବା ପାଇଁ ଜନସାଧାରଣ ଦାବି ହୁଏ।‌