11-Nov-2022

ଧର୍ମଗଡ_(କ୍ରିଷ୍ଣା ଦାସ ନାଏକ)
 ଗୋଚର ଜମି ଜବର ଦଖଲ ନେଇ ତଦନ୍ତ ରେ ଆସିଥିବା ଧର୍ମଗଡ଼ ତହସିଲଦାର ହରେ କୃଷ୍ଣ ବରିହା ଓ ଗୋଷ୍ଠୀ ଉନ୍ନୟନ ଅଧିକାରୀ ଶରତ କୁମାର ସେଠୀ ଙ୍କୁ ଅଟକ ରଖିଥିଲେ ବେହେରା ଗ୍ରାମ ପଞ୍ଚାୟତ ଦଳସର୍ଗି ଗ୍ରାମବାସୀ  ।ସୂଚନା ଅନୁସାରେ ଗତ ଅକ୍ଟୋବର ୨୮ ତାରିଖ  ଶୁକ୍ରବାର ଦିନ ଦଲସର୍ଗି ଗ୍ରାମବାସୀ ତହସିଲଦାର  ଙ୍କ ନିକଟରେ  ଅଭିଯୋଗ କରିଥିଲେ ।ଦଲସର୍ଗି ର ୨୦ ଏକର ଗୋଚର ଜମି ରୁ ୧୮ ଏକର ରୁ ଅଧିକ ଜମି କୁ ବାଙ୍କୀମୁଣ୍ଡା ଗ୍ରାମର ବୈକୁଣ୍ଠ ଭରତିଆ ,ଧ୍ରୁବ ଚରଣ ଭରତିଆ, ଗୋଲାପୀ ଭରତିଆ,ଗୁଣନିଧି ଭରତିଆ ମିଳିତ ଭାବରେ ଅନାଧିକାର ଭାବରେ ଜବର ଦଖଲ କରି ଆସୁଛନ୍ତି । ସେହି ବାଟ ଦେଇ ଶ୍ମଶାନ ଭୂଇଁ, ଗାଧୁଆ ଘାଟ ଯିବାକୁ ପଡୁଥିବା ବେଳେ ଗ୍ରାମବାସୀ ଙ୍କୁ ରୋକଠୋକ ମନାକରିବା ସହ ଝଗଡା କରୁଥିବା ଗ୍ରାମବାସୀ ଅଭିଯୋଗ କରିଛନ୍ତି । ଏନେଇ ଗତବର୍ଷ ଧର୍ମଗଡ଼ ତହସିଲଦାର ଙ୍କୁ ଗ୍ରାମବାସୀ ଅଭିଯୋଗ କରିଥିଲେ, ତହସିଲଦାର ନିଜେ ତଦନ୍ତରେ ଆସି ଉକ୍ତ ଗୋଚର ଜମି ରେ ୧୪୪ ଧାରା ଲଗାଇ ଲାଲ ପତାକା ଲଗାଇ ନିଷିଦ୍ଧ ଘୋଷଣା କରିଥିଲେ । କିନ୍ତୁ ଉକ୍ତ ବ୍ୟକ୍ତିମାନେ ୧୪୪ ଧାରା କୁ ଅବମାନନା କରି ପୁଣି ଥରେ ଜବରଦଖଲ କରି ଗୋଚର ଜମିକୁ ଅକ୍ତିଆର କରିନେଲେ ।  ଏ ବିଷୟରେ ତହସିଲଦାର ଙ୍କୁ ଗ୍ରାମବାସୀ ପୁଣିଥରେ  ଅବଗତ କରିଥିଲେ ହେ ସେ କୌଣସି ପଦକ୍ଷେପ ନେଇଁ ନ ଥିଲେ । ବର୍ତ୍ତମାନ ପର୍ଯ୍ୟନ୍ତ ଜବର ଦଖଲ କରୁଥିବାରୁ ଗ୍ରାମବାସୀ ଅଧିଷ୍ଟ ହୋଇ ପୁଣି ଥରେ ତହସିଲଦାର ଙ୍କ ଦ୍ୱାରସ୍ଥ ହୋଇଥିଲେ। ଅଭିଯୋଗ ର ୧୩ ଦିନ ପରେ ତହସିଲଦାର ହରେକୃଷ୍ଣ ବରିହା ଓ ବିଡ଼ିଓ  ଶରତ କୁମାର ସେଠୀ  ଦଲସର୍ଗି ସ୍ଥ ଉକ୍ତ ଗୋଚରଜମି ରେ ପହଞ୍ଚି ବେହେରା ଆର ଆଇ ଙ୍କ ଦ୍ଵାରା ଉକ୍ତ ଗୋଚର ଜମିକୁ ଡିମାର୍କେସନ ପାଇଁ ଆଦେଶ ଦେଇ ଫେରିଯିବାକୁ କରୁଥିବା ସମୟ ରେ ଗ୍ରାମର ଶତାଧିକ ମହିଳା ତଦନ୍ତକାରୀ ଅଫିସର ଦ୍ୱୟଙ୍କୁ ଅଟକ ରଖି ଥିଲେ । ବେହେରା ସମିତି ସଭ୍ୟ କିଶୋର ଚନ୍ଦ୍ର ନାଗ, ଗ୍ରାମର ଗୋନ୍ତିଆ ଚିତ୍ତରଞ୍ଜନ ପୁଝରୀ,ପ୍ରଶାନ୍ତ ତିୱାରୀ ,ଭବେଶ ଗଈନ୍ତା ଗ୍ରାମବାସୀ ଙ୍କୁ ବୁଝାସୁଝା କରିବା ପରେ ତହସିଲ ଦାର ଙ୍କୁ ଛାଡି ଦେଇ ବିଡ଼ିଓ ଙ୍କୁ ଦୀମାର୍କେସନ ସରିବା ପର୍ଯ୍ୟନ୍ତ ଅଟକ ରଖିଥିଲେ । ଏହାର ସ୍ଥାୟୀ ସମାଧାନ ନହେଲେ ଆଗାମୀ ଦିନରେ ତହସିଲ ଅଫିସ ଘେରାଉ କରିବା ପାଇଁ ଗ୍ରାମବାସୀ ଚେତାବନୀ ଦେଇ ଥିଲେ