11-Nov-2022

ବଲାଙ୍ଗିର, - ପୂର୍ବତନ ସୈନିକ ରାଧେଶ୍ୟାମ ବଗର୍ତ୍ତି ତଥା ଗାନ୍ଧୀ ପାଠାଗାରର ସ୍ଥାୟୀ ସଦସ୍ୟ ବିୟୋଗରେ ତାଙ୍କର ସ୍ମୃତି ଉଦ୍ଦେଶ୍ୟରେ ଗାନ୍ଧୀ ପାଠାଗାର ଠାରେ ସମସ୍ତ ସଦସ୍ୟଙ୍କ ଉପସ୍ଥିତିରେ ତଥା ଅବସରପ୍ରାପ୍ତ ସୈନିକ ସଂଘର ମିଳିତ ଆନୁକୁଲ୍ୟରେ ଏକ  ଶୋକସଭାର ଆୟୋଜନ କରାଯାଇଥିଲା । ଗାନ୍ଧୀ ପାଠାଗାରର ସମସ୍ତ ସଦସ୍ୟ ତଥା ଅବସର ସୈନିକ ସଂଘ ମିଳିତ ଭାବରେ ସ୍ୱର୍ଗତ ରାଧେଶ୍ୟାମ ବଗର୍ତ୍ତିଙ୍କ ଅମର ଆତ୍ମାର ସଦଗତି ପାଇଁ ଦୁଇ ମିନିଟ ନିରବ ପ୍ରାର୍ଥନା କରାଯାଇଥିଲା ।  ସର୍ବ ପ୍ରଥମେ ଗାନ୍ଧୀ ପାଠାଗାରର ସଭାପତି ପ୍ରକାଶ ନେପାକ ସ୍ୱର୍ଗତ ରାଧେଶ୍ୟାମ ବଗର୍ତ୍ତିଙ୍କ ଜୀବନର ବହୁମୁଲ୍ୟ ତ୍ୟାଗ ତଥା ଦୃଢ ବ୍ୟକ୍ତିତ୍ୱ କୁ ଉପସ୍ଥାପନ କରିଥିଲେ । ବରିଷ୍ଠ ସଭ୍ୟ ବିକ୍ରମାନନ୍ଦ ବହିଦାର ତାଙ୍କରେ ତାଙ୍କୁ ସହପାଠୀ ତଥା ଜୀବନର ଆରମ୍ଭରୁ ବର୍ତ୍ତମାନ ଯାଏ ବନ୍ଧୁତ୍ୱ ର ବହୁଳ ଉଦାହରଣ ଦେଇଥିଲେ । ନିଳମଣି ମିଶ୍ର ନିଜର ସହପାଠୀ କହି ସ୍ମୃତି ଚାରଣ କରିଥିଲେ । ପୂର୍ବତନ

ସୈନିକ ପ୍ରତାପ ରଥ ଶ୍ରୀ ବଗର୍ତ୍ତିଙ୍କୁ ସୈନିକ ବିଭାଗର ଜଣେ ଦୃଢ ବ୍ୟକ୍ତିତ୍ୱ ଥିଲେ ବୋଲି କହିଥିଲେ । ଭଗବାନ ବଗର୍ତ୍ତି ତାଙ୍କର ବଡଭାଇ ସ୍ୱର୍ଗତ ରାଧେଶ୍ୟାମ ବଗର୍ତ୍ତିଙ୍କ ଦୃଢ ବ୍ୟକ୍ତିତ୍ୱର ଉଦାହରଣ ଦେଇଥିଲେ । ପାଠାଗାର ର ସଂପାଦକ ପ୍ରଦୀପ ସାହୁ, ଉପ-ସଭାପତି ସନ୍ତକ ବହିଦାର ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ବରିଷ୍ଠ ସଭ୍ୟ ବିଶ୍ୱଜିତ ସାହୁ ଏକ ଦେଶଭକ୍ତି ଗୀତ ଗାନ କରିଥିଲେ । ରାଜେନ୍ଦ୍ର ମିଶ୍ର, ବିଧୂଭୂଷଣ ତ୍ରିପାଠୀ, ସଂଗ୍ରାମ ବହିଦାର, ବାଦଲ ସାହୁ, ପ୍ରମୋଦ ପ୍ରଧାନ, ପ୍ରମୋଦ କୁମାର ସାହୁ, ଅଜିତ କୁମାର ପଣ୍ଡା, ସତ୍ୟନାରାୟଣ ବେହେରା, ଅଶୋକ କୁମାର ଚାନ୍ଦ, ରାଜେନ୍ଦ୍ର ପାଣି, ରାଜେଶ ଅଗ୍ରୱାଲ, ଇନୁ, ବୁଲୁ ବାଗ, ରବି ସାହୁ, ଚିତ୍ତ ରଂଜନ ସାହୁ, ନେପାଲ ମହାରଣା, ଅବଦୁଲ ରଜାକ୍‌, ସଂଜିତ  କୁମାର ଦାସ, ଜିତେନ୍ଦ୍ର ନାଗ, ଭରତ ବଗର୍ତ୍ତି, ଏସ୍‌.ପି. ବିଶ୍ୱାଲ, ଜି.ପି.ବେହେରା, ଏସ୍‌.ଆର.ପଟେଲ, ଅଶୋକ କୁମାର ରାଉତ, କୃଷ୍ଣଚନ୍ଦ୍ର ପଟେଲ, ବୈଷ୍ଣବ ଚରଣ ସାହୁ, ଅଶୋକ କୁମାର ନନ୍ଦ, ବନମାଲି ମିଶ୍ର ଓ ବୁଲୁ ସତପଥି ପ୍ରମୁଖ ସ୍ମୃତି ଚାରଣ କରିଥିଲେ ।