10-Nov-2022

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡ ର ହରିହର ଯୋର କେନାଲ ତଳ ମୁଣ୍ଡ ରେ ଥିବା ୮ନମ୍ବର ପାଣି ପଞ୍ଚାୟତ ଚାଷ ଜମିକୁ ବୁଲି ଦେଖିଲେ ତେଲ ଡିଭିଜନ ନିର୍ବାହୀ ଯନ୍ତ୍ରୀ ଜିତେନ୍ଦ୍ର ପାଢ଼ୀ l ପାଣିପାଞ୍ଚାୟତ ଅଧୀନରେ ଥିବା ଲତୁରପେଟ, ବାଗମାରୀ, ଚମ୍ପାମାଲ,ଭଳିଆପଦ ର ଝାରକୁମୁଣ୍ଡା, ଗୌରକେଲା, ଉଫୁଲା ର ଜଳସେଚନ ବ୍ୟବସ୍ଥା ଉପରେ ଅବଗତ ହୋଇଥିଲେ l ବିଭିନ୍ନ ଅସୁବିଧା କୁ ଆଗାମୀ ଦିନରେ ସୁଧାର ଆଣି ଚାଷୀ ଙ୍କୁ ପାଣି ପହଞ୍ଚାଯାଇ ପାରିବ ବୋଲି ପ୍ରକାଶ କରିଥିଲେ l ଉକ୍ତ ପାଣିପାଞ୍ଚାୟତ ର ସମୁଦାୟ ୮୪୪. ୧୨ ହେକ୍ଟର ଚାଷ ଜମି ରହିଥିବାବେଳେ ପରିଦର୍ଶନ ସମୟରେ କେନାଲ ଜବରଦଖଲ, ବିଭିନ୍ନ ସୋଠ ଭାଙ୍ଗି ଯାଇଥିବା ଦେଖିବାକୁ ପାଇଥିଲେ l ଉକ୍ତ ପରିଦର୍ଶନ ସମୟରେ ସହକାରୀ ଯନ୍ତ୍ରୀ କୃଷ୍ଣ ଚନ୍ଦ୍ର ଜେନା, ବିଭାଗୀୟ ଯନ୍ତ୍ରୀ ସମୀର କାନ୍ତ ସିଂ, ଚାଷୀ ନେତା କିଶୋର ହୋତା, ପ୍ରମୁଖ ଉପସ୍ଥିତ ଥିଲେ l ଆସନ୍ତା ୧୬ ନଭେମ୍ବର ରେ ଏକ ମିଳିତ ତଦାରଖ କରାଯିବ ବୋଲି ପାଣିପାଞ୍ଚାୟତ ସମ୍ପାଦକ କିଶୋର ହୋତା ସୂଚନା ଦେଇଛନ୍ତି l ଏଥିରେ ଜଳସେଚନ ବିଭାଗ, କୃଷି ବିଭାଗ, ରାଜସ୍ୱ ବିଭାଗ ମିଳିତ ଭାବେ ତଦାରଖ କରିବେ ବୋଲି ଜଣାଯାଇଛି l