10-Nov-2022

ଗୋଳାମୁଣ୍ଡା_ (କ୍ରିଷ୍ଣା ଦାସ ନାଏକ )
ରାଜ୍ଯସରକାର ନାରୀମାନଙ୍କୁ ସଶକ୍ତିକରଣ କରିବା ପାଇ ମିଶନ ଶକ୍ତିଯୋଗେ  ସରକାରଙ୍କ ଅନେକ ଯୋଜନା ରେ ସାମିଲ କରି ସେମାନଙ୍କର ଆର୍ଥିକ,ସାମାଜିକ, ଦକ୍ଷତା ବୃଦ୍ଧି କରି ସରକାରି କାର୍ଯ୍ୟ ରେ ମହିଳା ଗୋଷ୍ଠୀ ଗୁଡ଼ିକକୁ  ଅଗ୍ରାଧିକାର  ଦେଉଥିବା ବେଳେ ଏହା ର ବ୍ୟତିକ୍ରମ ଦେଖିବାକୁ ମିଳୁଛି ଗୋଳାମୁଣ୍ଡା ବ୍ଲକ ଧାମନପୁର ପଞ୍ଚାୟତର ବୋରଗୁମା କୃପା ସାଗରକୁ ମାଛଚାଷ ପାଇଁ ବିଂଜ୍ଞପ୍ତିର ଦିନକ ପରେ ଗ୍ରାମର ଜଣେ ଲୋକଙ୍କୁ ଲିଜ ଦେଇଥିବାରୁ ଗ୍ରାମବାସୀ ଓ ଜୟ ଦୁର୍ଗା ମହିଳା ସ୍ୱୟଂ ସହାୟକ ଦଳ ପକ୍ଷରୁ ବିରୋଧ କରିଥିବା ଅଭିଯୋଗ ହେଉଛି । ସୂଚନାରୁ ପ୍ରକାଶ ଯେ ଗତ ୨୨/୦୬/୨୦୨୨ ରିଖ ଦିନ ସନ୍ଧ୍ୟାରେ ସମୟରେ ପଞ୍ଚାୟତ କାର୍ଯ୍ୟାଳୟରୁ ଲିଜ ପାଇଁ ବିଂଜ୍ଞପ୍ତି ପ୍ରକାଶ ପାଇ ତା ୨୩/୦୬/୨୦୨୨ ରିଖ ଦିନ ଅପରାହ୍ନ ୩ଟା ସମୟରେ ବୋରଗୁମା ଗ୍ରାମର ପୂର୍ଵତନ ଜିଲ୍ଲାପରିଷଦ  ସହଦେଵ ମାଝୀଙ୍କୁ ମାଛ ଚାଷ କରିବାକୁ ୫ ବର୍ଷପାଇଁ  ଲିଜ ଦେଇଥିବାରୁ ଗ୍ରାମବାସୀ ଓ ଜୟ ଦୁର୍ଗା ମହିଳା ସ୍ୱୟଂ ସହାୟକ ଗୋଷ୍ଠୀ ତରଫରୁ ଘୋର ନିନ୍ଦା କରାଯାଇଛି । ଯେ କୌଣସି ପୋଖରୀ ନିଲାମ କରିବାକୁ ହେଲେ ୧୫ ଦିନ ପୂର୍ବରୁ ପଞ୍ଚାୟତ ଜରିଆରେ ଏକ ବିଂଜ୍ଞପ୍ତି ପ୍ରକାଶ ପାଇଥାଏ । ବିଂଜ୍ଞପ୍ତିର ଏକଦିନ ପରେ ଜଣେ ଲୋକଙ୍କୁ ଡାକି ନିଲାମ ଦେଇଥିବାରୁ ସରକାରୀ ନିୟମକୁ ଉଲଂଘନ କରାଯାଉଛି ବୋଲି ଗ୍ରାମବାସୀ ଓ ଜୟଦୁର୍ଗା ମହିଳା ସ୍ୱୟଂ ସହାୟକ ଗୋଷ୍ଠୀ ପକ୍ଷରୁ କୁହାଯାଇଛି ।

ପଞ୍ଚାୟତ ସରପଞ୍ଚ, ପିଇଓ ଓ ଲିଜ ନେଇଥିବା ସହଦେଵ ମାଝୀଙ୍କ ମଧ୍ୟରେ ମଧୁଚନ୍ଦ୍ରିକା ଥାଇପାରେ କି ବୋଲି ସନ୍ଧେହ କରାଯାଉଛି । ଏହି ଲିଜକୁ ଖାରଜ କରିବାକୁ ଗ୍ରାମବାସୀ ଓଜୟ ଦୁର୍ଗା ସ୍ୱୟଂ ସହାୟକ ଗୋଷ୍ଠୀର ସଭାପତି ମାଧୁରୀ ମାଝୀ,ଖିରମଣି ମାଝୀ, ସୁରେଖା ମାଝୀ, ସରୋଜିନ ମାଝୀ, ମାଲଟିନାଗ, ଉର୍ମିଳା ନାଗ, ଯମୁନା ନାଗ, ଘେନୁମାଝୀ ପ୍ରମୁଖ ପକ୍ଷରୁ ଧର୍ମଗଡ଼ ଉପ ଜିଲ୍ଲାପାଳ ବେଦ ଭୂଷଣ ଙ୍କୁ ଏକ ଲିଖିତ ଅଭିଯୋଗ କରିଛନ୍ତି ।ଅଭିଯୋଗ ପତ୍ରକୁ ଭିତି କରି ନିୟମ ଅନୁଯାୟୀ ଆବଶ୍ୟକ ପଦକ୍ଷେପ ଗ୍ରହଣ କରାଯିବ ବୋଲି ଉପ ଜିଲ୍ଲାପାଳ ବେଦ ଭୂଷଣ କହିଥିବା କଥା ମହିଳା ସ୍ୱୟଂ ସହାୟକ ଗୋଷ୍ଠୀ ପକ୍ଷରୁ କୁହାଯାଇଛି ।ଦେଖିବାକୁ ବାକି ରହିଲା ଉପଜିଲ୍ଲାପାଳ ଙ୍କ ପ୍ରତିଶ୍ରୁତି