10-Nov-2022

ସିନ୍ଧେକେଲା (ଅନୀଲ କୁମାର ତ୍ରିପାଠୀ) ପ୍ରକୃତି ଓ ପରିବେଶକୁ ଅଣଦେଖା କରି ସବୁଠି ଚାଳିଛି ବେଆଇନ ବ୍ଲାଷ୍ଟିଂ। ଆଉ ପ୍ରକୃତିର ପ୍ରାକୃତିକ କୋଳରେ ଜନ୍ମ ନେଇଥିବା ସିନ୍ଧେକେଲା ଏବେ ପଥର ଓ ବାଳି ମାଫିଆଙ୍କ ଚରା ଭୁଇଁ ପାଳଟିଛି । ସରକାର ବାହାଦୁର ରାଜସ୍ବ ପାଇବା ଓ ଚୋରାଚାଲାଣ ରୋକିବା ଉଦ୍ଦେଶ୍ଯରେ ବାଳିଘାଟ ଓ ପାହାଡ ମାନଙ୍କରେ ପଥର

 ଫଟାଇବାକୁ ଲିଜ ଦେଇଛନ୍ତି। ଆଉ ଏହି କ୍ରମରେ ଶହଶହ ବର୍ଷ ଧରି ଲୋକଙ୍କ ଭାବଗତ ସମ୍ପର୍କ ରହିଥିବା ମୁଙ୍ଗେ ପାହାଡକୁ ବି ବଙ୍ଗୋମୁଣ୍ଡା ତହସିଲ ପକ୍ଷରୁ ଲିଜ ଦିଆଯାଇଛି। ତେବେ ଚଳିତବର୍ଷ ଜୁଲାଇ ୨୪ ତାରିଖ ଦିନ ଲିଜଧାରୀ ମନୋଜ ଗୋଏଲ ଅଲଣ୍ଡା ସ୍ଥିତ ମୁଙ୍ଗେ ପାହାଡ ଉପରେ ବ୍ଲାଷ୍ଟିଂ ପାଇଁ ବୋରୱେଳ ଗାଡି ପଠାଇ ଡ୍ରିଲିଂ କରୁଥିବା ଆଖପାଖ ଅଞ୍ଚଳର ଲୋକ ଜାଣିପାରି ପହଞ୍ଚିଥିଲେ ପାହାଡ ପାଖକୁ ଏବଂ ଜାଣିବାକୁ ପାଇଲେ ଯେ ତିନି ଚାରି ଦିନ ଧରି ପାହାଡରେ ବୋରୱେଳ ଗାଡି ସାହାଯ୍ଯରେ ଚାଲିଥିଲା ଡ୍ରିଲିଂ ଏବଂ ସେ ସମୟରେ ପାହାଡରେ ବେଆଇନ ଭାବେ ହେଉଥିବା ଡ୍ରିଲିଂ ବନ୍ଦ କରିବାକୁ ପ୍ରବଳ ଦାବି କରିଥିଲେ ସ୍ଥାନୀୟ ଲୋକେ l  ୩ ମାସ ଉପରେ ଚୁପ ରହିବା ପରେ ମଙ୍ଗଳବାର ପୁଣିଥରେ ମୁଙ୍ଗେ ପାହାଡକୁ ବୋରୱେଳ ଗାଡି ଲଗାଇ ଡ୍ରିଲିଂ କାମ ଆରମ୍ଭ କରାଯାଇଥିବା ଖବର ପାଇ ପୁଣିଥରେ ସ୍ଥାନୀୟ ଲୋକେ ଓ ବିଭିନ୍ନ ସଂଗଠନ ପହଞ୍ଚି ଡ୍ରିଲିଂ କାମ ବନ୍ଦ କରି ଆଇନ ଅନୁଯାଇ କାମ କରିବାସହ କାଗଜପତ୍ର ଦେଖିବାକୁ ଚାହିଁଥିଲେ। ହେଲେ ଡ୍ରିଲିଂ କରିବାକୁ ଆସିଥିବା ଲୋକେ କୌଣସିପ୍ରକାର କାଗଜପତ୍ର ଦେଖାଇ ପାରିନଥିବାରୁ କାମ ବନ୍ଦ କରି ଗାଡି ଧରି ଚାଳିଯିବାକୁ କହିଥିଲେ। ପରେ ସିନ୍ଧେକେଲା ପୋଲିସ ମଧ୍ଯ ଖବରପାଇ ମୁଙ୍ଗେ ପାହାଡକୁ ପହଞ୍ଚି ଉପସ୍ଥିତ ଥିବା ଲୋକଙ୍କୁ ଶାନ୍ତିଶୃଙ୍ଖଳାର ସହ ବିରୋଧ କରିବାକୁ ପରାମର୍ଶ ଦେଇଥିଲେ ଓ କାମ କରିବାକୁ ଆଦେଶ ଦେଇଥିବା ଅଧିକାରୀଙ୍କୁ ଭେଟି ଅବଗତ କରିବାକୁ କହିଥିଲେ। ଲିଜରଙ୍କ 

ଲୋକଙ୍କ କାଗଜପତ୍ର ଥାନାରେ ଆଣି ଦେଖାଇବା ପରେ କାମ କରିବାକୁ ଲିଜରର ଲୋକଙ୍କୁ କହି ଡ୍ରିଲିଂ ବନ୍ଦ କରି ଗାଡି ନେଇ ଚାଳିଯିବାକୁ କହିଥିବା ସିନ୍ଧେକେଲା ଆଇଆଇସି ଆଲୋକ ବେହେରା ସୁଚନା ଦେଇଛନ୍ତି। ତେବେ ବଙ୍ଗୋମୁଣ୍ଡା ତହସିଲଦାର ଗୁଣମଣି ସୁନାନୀଙ୍କୁ ଫୋନଯୋଗେ ଯୋଗାଯୋଗ କରାଯାଇ ଥିଲେହେଁ ସେ ବଙ୍ଗୋମୁଣ୍ଡା ଧନୁଯାତ୍ରା ପ୍ରୋଗ୍ରାମରେ ଥିବା ହ୍ବାଟସଅପ ମେସେଜ ଯୋଗେ କହିଛନ୍ତି।