10-Nov-2022

ଲୋଇସିଂହା, (ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ରନ୍ଧାଣି ସଂଘର କାର୍ଯକାରୀ ସଭାପତି ଶ୍ରୀ ଉଜ୍ବଳ ସେନାପତିଙ୍କ ନେତୃତ୍ୱରେ ଲୋଇସିଂହା ରନ୍ଧାଣି ସଂଘକୁ ନେଇ ଏକ ବିରାଟ କାର୍ଯକ୍ରମ ଅନୁଷ୍ଠିତ ହୋଇଯାଇଛି l ରନ୍ଧାଣି ସଂଘର ମହିଳାମାନେ ଏକ ଶୋଭାଯାତ୍ରା ମାଧ୍ୟମରେ ଲୋଇସିଂହା ଅଗ୍ରେସନ ରୁ ବାହାରି ଗୋଷ୍ଠୀ ଶିକ୍ଷା ଅଧିକାରୀ ଙ୍କ

କାର୍ଯ୍ୟଳୟ ସମ୍ମୁଖରେ ଧାରଣାରେ ବସିଥିଲେ l ଶୋଭାଯାତ୍ରା ରେ ବିଭିନ୍ନ ଦାବି ଉପସ୍ଥାପନ କରି , ନାରାବାଜି ଦେଇ ଏକ ବିରାଟ ରେଳି କରି ଗୋଷ୍ଠୀ ଶିକ୍ଷା ଅଧିକାରୀ ଙ୍କ କାର୍ଯ୍ୟାଳୟରେ ପହଂଚିଥିଲେ ଏବଂ ଗୋଷ୍ଠୀ ଶିକ୍ଷା ଅଧିକାରୀ ଙ୍କ ସହ ସାକ୍ଷାତ କରି ଆଲୋଚନା କରିବା ସହ ଏକ ଚାରି ଦଫା ଦାବି ସମ୍ବଳିତ ଏକ ଦାବିପତ୍ର ପ୍ରଦାନ କରିଥିଲେ l ବିଶେଷ କରି ରନ୍ଧାଣି ମାନେ କ୍ଷୋଭ ର ସହିତ କହିଥିଲେ ଯେ ସେମାନେ ବର୍ଷ ବର୍ଷ ଧରି ଏ ବିଷୟରେ ଜିଲ୍ଲା ଶିକ୍ଷା ଅଧିକାରୀ,ଗୋଷ୍ଠୀ ଶିକ୍ଷା ଅଧିକାରୀ,ଓ ଜିଲ୍ଲାପାଳ ଙ୍କୁ ଲିଖିତ ଆକାରରେ ଜଣାଇଥିଲେ ସୁଦ୍ଧା ଏପର୍ଯ୍ୟନ୍ତ କୌଣସି ସୁଫଳ ମିଳିନାହିଁ ତେଣୁ ସେମାନେ ତୀବ୍ର ଅସନ୍ତୋଷ ବ୍ୟକ୍ତ କରି ଆନ୍ଦୋଳନ ର ଡାକରା ଦେଇଛନ୍ତି। ମୁଖ୍ୟତଃ ତାଙ୍କର ଦାବି ହେଉଛି ମାସକୁ ସର୍ବ ନିମ୍ନ ମଜୁରୀ ଦଶ ହଜାର ଟଙ୍କା ଦିଆଯାଉ ଓ ଦଶ ମାସ ବଦଳରେ

ବାର ମାସର ଦରମା ଦିଆଯାଉ l ତୃତୀୟରେ ରନ୍ଧାଣି ମାନଙ୍କୁ ମାସକୁ ମାସ ପ୍ରାପ୍ୟ ପ୍ରଦାନ କରାଯାଉ ଓ ଶେଷ ଦାବି ହେଉଛି ସ୍କୁଲ ମାନଙ୍କରେ ପିଅନ ଥିଲେ ମଧ୍ୟ ଶିକ୍ଷକ ଶିକ୍ଷୟିତ୍ରୀ ମାନେ ଛୁଟି ଦିନ ମାନଙ୍କରେ ତାଙ୍କୁ କାର୍ଯ୍ୟ କରାଉଥିବା ବନ୍ଦ କରାଯାଉ ଏ ସବୁ ଦାବି ପୁରଣ ନ ହେଲେ ଆଜି ଠାରୁ ଏକ ମାସ ପର୍ଯ୍ୟନ୍ତ ସ୍କୁଲରେ ରାନ୍ଧିବା ବନ୍ଦ କରିବେ ବୋଲି ସରକାରଙ୍କୁ ଚେତାବନୀ ଦେଇଛନ୍ତି l