08-Nov-2022

ବଲାଙ୍ଗିର- ସ୍ଥାନୀୟ ରେଲୱେ ଷ୍ଟେସନ ଛକ ସ୍ଥିତ କରାଟେ ସ୍କୁଲରେ ବଲାଙ୍ଗିର ଜିଲ୍ଲା ଯୁବ କୁଲୁତା ସମାଜର ଏକ ସାଧାରଣ ସଭା ଯୁବ ସଭାପତି ଅସୀମ କୁମାର ଭୋଇଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଆଗାମୀ ନଭେମ୍ବର ୨୭ ତାରିଖରେ ଅଗ୍ରେସନ ଭବନ ଠାରେ ଯୁବ କୁଲୁତା ସମାଜ ତରଫରୁ ନୂଆଁଖାଇ ଭେଟଘାଟ କରିବା ପାଇଁ ସ୍ଥିରିକୃତ କରାଗଲା । ଏଥିରେ ଦଶମ ଓ ଦ୍ୱାଦଶ ପରିକ୍ଷାରେ ସମାଜର ଯେଉଁ ଛାତ୍ର ଛାତ୍ରୀମାନେ ୮୦ ପ୍ରତିଶତ ତଥା ଉର୍ଦ୍ଧ୍ୱ ନମ୍ବର ରଖିଥିବେ ତାଙ୍କୁ ସମ୍ମାନିତ କରାଯିବା ପାଇଁ ସ୍ଥିରିକୃତ କରାଗଲା ତା ସହିତ ଜିଲ୍ଲା ତଥା ରାଜ୍ୟ ସ୍ତରରେ କ୍ରୀଡା, କୃଷି, କଳା, ବାଣିଜ୍ୟ କ୍ଷେତ୍ରରେ ସୁନାମ ଅର୍ଜନ କରିଥିବା ବ୍ୟକ୍ତି ବିଶେଷ ତଥା ରକ୍ତଦାନ କରିଥିବା ଯୁବ ଭାଇ ଭଉଣୀମାନଙ୍କୁ ମଧ୍ୟ ସମ୍ବର୍ଦ୍ଧିତ କରାଯିବା ପାଇଁ ସ୍ଥିରୀକୃତ କରାଗଲା । ଏହି ଅବସରରେ ବଲାଙ୍ଗିର ସହର ମଧ୍ୟରେ ଏକ କୁଲୁତା ଭବନ ନିର୍ମାଣ ସକାଶେ ଆଲୋଚନା ହୋଇଥିଲା । ଏହି ନୂଆଁଖାଇ ଭେଟଘାଟ ଦିନ ଏକ ରକ୍ତଦାନ ଶିବିର ଆୟୋଜନ କରାଯିବା ପାଇଁ ସ୍ଥିର କରାଯାଇଛି । ଉକ୍ତ ସଭାରେ ଅମିତ ବାରିକ, ଦିନେଶ ପ୍ରଧାନ, ଶିବ ବିଶ୍ୱାଲ, ଆକାଶ ବିଶ୍ୱାଲ, ପଞ୍ଚାନନ ସା, ଡାକ୍ତର ବିଶ୍ୱାଲ, ରିବ୍ୟା ପ୍ରଧାନ, ଦୈତାରୀ ସାହୁ, ସୀତାରାମ ପ୍ରଧାନ, ବିରେନ୍ଦ୍ର ବିଶ୍ୱାଲ, ମୁକେଶ ପ୍ରଧାନ, ପ୍ରକାଶ ସାହୁ, ସୁଧିର ପ୍ରଧାନ, ପ୍ରେମ ସାହୁ, ପ୍ରକାଶ ପ୍ରଧାନ, ଜିତେନ୍ଦ୍ର ବିଶ୍ୱାଲ, ସୁବୋଧ ବିଶ୍ୱାଲ, ଶିବ ଶଙ୍କର ପ୍ରଧାନ, ବିଶ୍ୱଜିତ ପ୍ରଧାନ, ବିଶ୍ୱନାଥ ବିଶ୍ୱାଲ ଓ ରାଜତ ବିଶ୍ୱାଲ ପ୍ରମୁଖ ଉପସ୍ଥିତ ଥିଲେ । ଶେଷରେ ଭୁବନେଶ୍ୱର ଭୋଇ ଧନ୍ୟବାଦ ଜ୍ଞାପନ କରିଥିଲେ ।