08-Nov-2022

ବଲାଙ୍ଗିର (ପ୍ରେରଣା ଖବର) : ଗତ କିଛି ଦିନ ହେଲା ବଲାଙ୍ଗିର ସହରରେ ଅପରାଧିକ କାର୍ଯ୍ୟକଳାପ, ଗୁଣ୍ଡାଗିରି ଓ ନିଶା ଖୋର ମାନଙ୍କ ଉପସ୍ଥିତି ପୋଲିସ ପାଇଁ ମୁଣ୍ଡବ୍ୟଥାର କାରଣ ପାଲଟିଛି l ଏହି କ୍ରମରେ ଆଜି ଏପରି କିଛି ଅପରାଧିକ କାର୍ଯ୍ୟକଳାପରେ ସମ୍ପୃକ୍ତ ଥିବା ୬ ଜଣ ଯୁବକଙ୍କୁ ଗିରଫ କରିଛି ଟାଉନ୍ ଥାନା ପୋଲିସ l ଆଜି ବଲାଙ୍ଗିର ଟାଉନ୍ ଥାନା ପୋଲିସ ସ୍ଥାନୀୟ ମାଲଗୋଦାମ ପଡାରେ ଅତର୍କିତ ଭବରେ ଚଢାଉ କରି  ସେଠାରୁ ୬ଜଣ ଅପରାଧୀ ଙ୍କୁ ଗିରଫ କରିଛି l ଏମାନଙ୍କ ଠାରୁ ୫ ଟି ମୋବାଇଲ ଓ ୩ ଟି ବାଇକ୍ ଜବତ କରିଛି ଟାଉନ୍ ପୋଲିସ l ଏଥି ସହ ଡକାୟତି ଯୋଜନା କରୁଥିବା ଏହି ଯୁବକ ମାନଙ୍କ ଠାରୁ ଖଣ୍ଡା, ଭୁଜାଲି ଓ ଗୋଟିଏ ଏୟାର୍ ଗନ ଜବତ କରିଛି ପୋଲିସ l ଗତକାଲି  ଏହି ଯୁବକ ମାନେ ଡକାୟତି କରିବା ପାଇଁ ଯୋଜନା କରୁ ଥିବା ବେଳେ କୋଣସି ସୂତ୍ରରୁ ଖବର ପାଇ ଏହି ଯୁବକ ମାନଙ୍କ ଆଡ୍ଡାରେ ପୋଲିସ ପହଂଚି ଏମାନଂକୁ କାବୁ କରି ନେଇଥିଲା l   ଏମାନଙ୍କ ନାଁ ରେ ଟାଉନ ଥାନା କେସ୍ ନମ୍ବର୍ ୫୯୦, ଧାରା ୩୯୯, ୪୦୨ ଓ ୨୫ ଆର୍ମସ୍  ଏକ୍ଟ ରେ ଏକ କେଶ୍ ରୁଜୁ କରାଯାଇଛି l ପୂର୍ବରୁ ମଧ୍ୟ ଏକାଧିକ  ମାମଲରେ ଏମାନେ ସମ୍ପୃକ୍ତ ଥିବା ବଲାଙ୍ଗିର ଟାଉନ୍ ଥାନା ଅଧିକାରୀ ତୋଫାନ୍ ବାଗ୍ ସୂଚନା ଦେଇଛନ୍ତି