08-Nov-2022

(ପ୍ରଦିପ କୁମାର ସାହୁ)
ପ୍ରତି ବର୍ଷ ଭଳି ଚଳିତ ବର୍ଷ ଶ୍ରୀ ଜଗନ୍ନାଥ ମନ୍ଦିର ରେ କମିଟି ତରଫରୁ ଶ୍ରୀ ଜଗନ୍ନାଥ ଓ ଲକ୍ଷ୍ମୀ ମନ୍ଦିର ରେ ଦୀପ ଯଜ୍ଞ ଅନୁଷ୍ଠିତ ହୋଇଯାଇଛି। ଗ୍ରହଣ ପାଇଁ ପ୍ରାତଃ ୪ ରୁ ବହୁ ଶ୍ରଦ୍ଧାଳୁ ଓ ଭକ୍ତ ମାନେ ଦୀପ     ଜ।ଳିବାରୁ ବଞ୍ଚିତ ହୋଇଥିଲେ। ଶ୍ରୀ ପ୍ରକାଶ ଚନ୍ଦ୍ର ସାହୁ ଓ ଶ୍ରୀ କେଦାର ମହାରଣା ଙ୍କ ପ୍ରତ୍ୟକ୍ଷ ତତ୍ୱାଭନା ରେ  ଦୀପ ସଜଡ଼ା ହୋଇ ରାତ୍ର ୧ ଘଣ୍ଟା ସମୟ ରେ ଘଣ୍ଟ, ଶଙ୍ଖ ଓ କୀର୍ତ୍ତନ ସହିତ ମନ୍ଦିର ପରିକ୍ରମା କରି ମହା ଦୀପ ଶ୍ରୀ ଜଗନ୍ନାଥ ମନ୍ଦିର ଶୀର୍ଷ ରେ ସ୍ଥାପନ ହୋଇଥିଲା। ମନ୍ଦିର ପୂଜକ ଶ୍ରୀ ଅଶୋକ ତ୍ରିପାଠୀ ଙ୍କ ଦ୍ଵାରା ମହା ପ୍ରଭୁ ଙ୍କ ନୀତି ଓ ପୂଜା ପରେ ନୀତି କାନ୍ତି ସହିତ ଦୀପ ଯଜ୍ଞ ଆରମ୍ଭ ହୋଇଥିଲା। ଜଗନ୍ନାଥ ପରିବାର ସମେତ ରାଧା କୃଷ୍ଣ ମନ୍ଦିର ସଙ୍କୀର୍ତ୍ତନ ଦଳ, ହବିଶିଆଲି ଓ ଶ୍ରୀ ଜଗନ୍ନାଥ ଘଣ୍ଟ ସେବା ଦଳ ସମ୍ପୂର୍ଣ ସହଯୋଗ କରିଥିଲେ। ଜୟ ଜୟ ଜଗନ୍ନାଥ ଧ୍ବନି ରେ ମନ୍ଦିର ପରିସର ମୁଖରିତ ହୋଇ ଉଠିଥିଲା। ଶୃଙ୍ଖଳା ଓ ସଫଳତା ର ସହିତ ସମସ୍ତ କାର୍ଯ୍ୟ କ୍ରମ ସମାପନ ହୋଇଥିବାରୁ ପ୍ରକାଶ ଚନ୍ଦ୍ର ସାହୁ ସମସ୍ତଙ୍କୁ ଆନ୍ତରିକ ଧନ୍ୟବାଦ ଦେଇଥିଲେ।