07-Nov-2022

ବୀରମହାରାଜପୁର (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା   ବୀରମହାରାଜପୁର ମହାବିଦ୍ୟାଳୟରେ ଏନଏଏସି ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି।ମହାବିଦ୍ୟାଳୟର ଅଧ୍ୟକ୍ଷ ସୁଦାମଚରଣ ସାହୁଙ୍କ ଅଧ୍ୟକ୍ଷତାରେ ଏନଏଏସି( ଜାତୀୟ ମୂଲ୍ୟାଙ୍କନ ଓ ସ୍ୱୀକୃତି ପରିଷଦ) କମିଟିର ପରିଦର୍ଶନ ପାଇଁ ପ୍ରାରମ୍ଭିକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା l ଏହି ବୈଠକରେ ବୀରମହାରାଜପୁର ବିଧାୟକ  ପଦ୍ମନାଭ ବେହେରା ମୁଖ୍ୟ ଅତିଥି ଭାବରେ ଯୋଗ ଦେଇ  ବାକ୍ୟବୀର ନୁହେଁ କର୍ମବୀର ହେବା ଉଚିତ ବୋଲି ମତବ୍ୟକ୍ତ କରିଥିଲେ। ମହାବିଦ୍ୟାଳୟର ଉନ୍ନତି ପାଇଁ ସେ ସବୁପ୍ରକାର ସାହାଯ୍ୟ ସହଯୋଗ କରିବେ, ଏନଏଏସି ସ୍ୱୀକୃତି ପାଇଁ ସମନ୍ୱୟ ଏବଂ ସାମୁହିକ ପ୍ରୟାସ ଅପରିହାର୍ଯ୍ୟ l ସମ୍ମାନିତ ଅତିଥି ଭାବରେ ବୀରମହାରାଜପୁର ଉପଜିଲ୍ଲାପାଳ ଅଶୋକ କୁମାର ଭୋଇ ଯୋଗଦେଇ କହିଥିଲେ କଠିନ ପରିଶ୍ରମ ହିଁ ସଫଳତା ଆଣି ଦେଇଥାଏ l ମହାବିଦ୍ୟାଳୟର ପରିଚାଳନା ପରିଷଦର ସଭାପତି ସ୍ୱୟମ୍ଭୁ ନାଥ ଖଣ୍ଡଗିରି ମହାବିଦ୍ୟାଳୟର  ସମସ୍ୟା ଏବଂ ମହାବିଦ୍ୟାଳୟର ଉନ୍ନତି ପାଇଁ ବିଧାୟକଙ୍କ ଦୃଷ୍ଟି ଆକର୍ଷଣ କରିଥିଲେ l ମହାବିଦ୍ୟାଳୟର ପ୍ରାକ୍ତନ ଅଧ୍ୟକ୍ଷ ଡ଼କ୍ଟର ପ୍ରଫୁଲ୍ଲ କୁମାର ରଥ, ମୂରଲୀ ଧର ହୋତା, ଦୀନବନ୍ଧୁ ମେହେର  ଏନଏଏସି ମାନ୍ୟତା ପାଇବାକୁ ହେଲେ ଆତ୍ମବିଶ୍ୱାସ ସହ ଗୋଷ୍ଠୀବଦ୍ଧ ଭାବରେ କାର୍ଯ୍ୟ କରିବାକୁ ହେବ ବୋଲି ଦିଗଦର୍ଶନ ଦେଇଥିଲେ l ଏହି ସଭାରେ ହୃଷିକେଶ ପ୍ରଧାନ, ଅଧ୍ୟାପକ ପ୍ରକାଶ କୁମାର ସେଠ ନିଜର ମତ ଦେଇଥିଲେ l  ଅଧ୍ୟାପିକା ସୀମାରାଣୀ ବେହେରା ସ୍ୱାଗତ ଅଭିଭାଷଣ ଦେଇଥିଲେ l  ଅଧ୍ୟାପିକା ସୁପ୍ରଭା ନନ୍ଦ ଅତିଥି ପରିଚୟ ପ୍ରଦାନ

କରିଥିଲେ l ଅଧ୍ୟାପିକା ଯାମିନୀ ଦାଶ ସଭା ପରିଚାଳନା କରିଥିବାବେଳେ ଶିକ୍ଷା ବିଭାଗ ମୁଖ୍ୟ ବିଜୟ କୁମାର ପ୍ରଧାନ  ଧନ୍ୟବାଦ ଅର୍ପଣ କରିଥିଲେ  l ଏହିସଭାରେ ମହାବିଦ୍ୟାଳୟର ଅଧ୍ୟାପକ, ଅଧ୍ୟାପିକା, ମହାବିଦ୍ୟାଳୟ ପରିଚାଳନା ପରିଷଦର  ସଦସ୍ୟ ରଞ୍ଜିତ  କୁମାର ରଥ, ରାଧାକାନ୍ତ ବାଘ, ସୟଦ ମୁଜାଫର ଅଲ୍ଲୀ,ସଦସ୍ୟା ନୀଳିମା ପଣ୍ଡା ମହାବିଦ୍ୟାଳୟ ର ଅଣଶିକ୍ଷ କର୍ମଚାରୀ ମାନେ ସାମିଲ ହୋଇ ସହଯୋଗ କରିଥିଲେ।‌ ପ୍ରାରମ୍ଭରେ ଛାତ୍ର ଛାତ୍ରୀ ମାନଙ୍କ ଦ୍ବାରା ସ୍ବାଗତ ସଂଗୀତ ପରିବେଷଣ ହୋଇଥିଲା।