06-Nov-2022

ବଲାଙ୍ଗିର(ପ୍ରେରଣା ଖବର)ସ୍ଥାନୀୟ ଆଇନ ମହାବିଦ୍ୟାଳୟ ର ସମ୍ମିଳନୀ କକ୍ଷ ଠାରେ ବଲାଙ୍ଗିର ନାଗରିକ କମିଟିର ସାଧାରଣ ପରିଷଦ ବୈଠକ ସଭାପତି ବେଲାରସିଂ ଭୋଇ ଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ସାଧାରଣ ସଂପାଦକ ମନୋରଂଜନ ସାହୁ ପୂର୍ବ ବିବରଣୀ ପାଠ କରି, ବିଭିନ୍ନ ନୂତନ ପ୍ରସ୍ତାବ ଗୃହରେ ଆଗତ କରି ସଭାକୁ ସଂଯୋଜନା କରିଥିଲେ । ସଭା ପ୍ରାରମ୍ଭରେ  କମିଟିର ପୂର୍ବତନ ଉପ-ସଭାପତି ତଥା କୋଷାଧ୍ୟକ୍ଷ ବୃନ୍ଦାବନ ବରାଳ ଓ ଶିକ୍ଷାବିଦ୍ ପ୍ରଫେସର ରବି ଶଙ୍କର ପାଣ୍ଡିଆଙ୍କ ଅମର ଆତ୍ମାର ସଦ୍‌ଗତି ପାଇଁ ନିରବ ପ୍ରାର୍ଥନା କରାଯାଇଥିଲା । ପରେ ପରେ ସଭ୍ୟମାନେ ବୃନ୍ଦାବନ ବରାଳ, ନାଗରିକ କମିଟିରେ ଥିବା ତାଙ୍କର ସଂପୃକ୍ତି ଓ ଜୀବନର

କେତେ ମହତ୍ୱପୂର୍ଣ୍ଣ ଭୂମିକା ଉପରେ ସ୍ମୃତି ଚାରଣ କରିଥିଲେ । ବଣଭୋଜିର ସ୍ଥାନ ଓ ତାରିଖ ନିର୍ଦ୍ଧାରଣ ତଥା ବଣଭୋଜିକୁ ପରିଚାଳନା କରିବା ପାଇଁ ଏକ ସବ୍ କମିଟି ଗଠନ କରାଯାଇଥିଲା । ଆସନ୍ତା ୧୩ ତାରିଖରେ କଦଳୀମୁଣ୍ଡା ନର୍ସରୀ ଠାରେ ଅନୁଷ୍ଠିତ ହେବାକୁ ଯାଉଥିବା ବନ୍ଧୁମିଳନରେ ଟିଟିଲାଗଡ, ପାଟଣାଗଡ, ତୁଷୁରା ର ନାଗରିକ କମିଟିର ପ୍ରତିନିଧିମାନଙ୍କୁ ଅତିଥି ରୂପେ ନିମନ୍ତ୍ରଣ କରି ନାଗରିକ କମିଟିକୁ ସଂପ୍ରସାରଣ କରିବା ପାଇଁ ନିଷ୍ପତ୍ତି

ଗ୍ରହଣ କରାଯାଇଥିଲା ।  ବିଭିନ୍ନ ସମସ୍ୟାକୁ ନେଇ ଆଲୋଚନାରେ ଅନ୍ୟାନ୍ୟମାନଙ୍କ ମଧ୍ୟରୁ ପୂର୍ବତନ ସଭାପତି ବିକ୍ରମ ବହିଦାର, ଉପ-ସଭାପତି ନିତ୍ୟାନନ୍ଦ ମିଶ୍ର, କୋଷାଧ୍ୟକ୍ଷ ଗଜେନ୍ଦ୍ର ଭମର, ଗୋପଭୂଷଣ ନାଥ, ଗୋପବନ୍ଧୁ ପୁରୋହିତ, ଅଶୋକ ମିଶ୍ର, କିଶୋର ମୋହନ ମିଶ୍ର, ନରେଶ ଦାଶ, ଆର୍ତ୍ତତ୍ରାଣ ମିଶ୍ର ଓ ଶରତ ହୋତା ପ୍ରମୁଖ ଅଂଶ ଗ୍ରହଣ କରିଥିଲେ । ଶେଷ ରେ କମିଟିର ଯୁଗ୍ମ ସମ୍ପାଦକ ଚକ୍ରପାଣି ଦାଶ ଧନ୍ୟବାଦ ଅର୍ପଣ କରିଥିଲେ l