06-Nov-2022

ଲୋଇସିଂହା, (ବିନୋଦ କୁମାର ଦୀପ) ବଲାଙ୍ଗିର ଜିଲ୍ଲା ଲୋଇସିଂହା ବ୍ଲକ ବାଦୀବାହାଲ ପଞ୍ଚାୟତ  ଅନ୍ତର୍ଗତ ଭାଲୁପାଲି ଗ୍ରାମରେ ସଚେତନ ମହିଳା ମଞ୍ଚ  ଆନୁକୂଲ୍ୟରେ  କିଡ଼ନୀ ରୋଗୀ ପାଇଁ  ମାଗଣା ସ୍ୱାସ୍ଥ୍ୟ ଶିବିର  ଆୟୋଜିତ ହେଇଯାଇଛି  l ଭୀମଭୋଇ ମେଡିକାଲ କଲେଜ ର  ସୁପରିଟେଣ୍ଡେଣ୍ଟଙ୍କ  ତତ୍ତ୍ଵାବଧାନରେ ମେଡିକାଲ ଦଳ ଯାଇଥିଲେ, ଭେଷଜ ବିଶେଷଜ୍ଞ  ଡାକ୍ତର ଦେଶବନ୍ଧୁ ବେହେରା, ଡାକ୍ତର ମାଧବ ନାୟକ ଓ  ସହକର୍ମୀ ଉପସ୍ଥିତ ଥିଲେ l ଏଥିରେ  ପାଖାପାଖି  ୨ଶହ ଜଣ  ରୋଗୀଙ୍କୁ ମାଗଣା ଚିକିତ୍ସା ସେବା ଯୋଗାଇ ଦେବାସହ ଔଷଧ  ବଣ୍ଟନ କରାଯାଇଥିଲା l ସେଥିମଧ୍ୟରୁ 40 ଜଣ  କିଡ଼ନୀ ରୋଗୀଙ୍କ  ପରାମର୍ଶ ସହିତ  ସଚେତନତା ମଧ୍ୟ କରାଯାଇଥିଲା  l  ଡାଏବେଟିସ  ଓ  ଉଚ୍ଚ ରକ୍ତଚାପ  ରୋଗୀଙ୍କ ମଧ୍ୟ ରକ୍ତ  ନମୁନା ପରୀକ୍ଷା କରାଯାଇଥିଲା l ଏହାସହ  ଆବଶ୍ୟକ ମୁତାବକ  ଚିକିତ୍ସା ଓ  ଔଷଧ ପ୍ରଦାନ କରାଯାଇଥିଲା I ସଚେତନ ମହିଳା ମଞ୍ଚ ପକ୍ଷରୁ  ସଭାପତି  ସାଗରିକା ଗୁରୁ, ପ୍ରମିଳା ମିଶ୍ର,  ନିହାରିକା ମିଶ୍ର  ସହିତ ଗ୍ରାମର  ଆଶା  କର୍ମୀ ଓ  ଅଙ୍ଗନବାଡି  କର୍ମୀ ପ୍ରମୁଖ ଉକ୍ତ କାର୍ଯ୍ୟକ୍ରମରେ ସହଯୋଗ କରିଥିଲେ l