05-Nov-2022

ଆଜି ସନ୍ଧ୍ୟାରେ ସ୍ଥାନୀୟ ଆଇନ ମହାବିଦ୍ୟାଳୟ ଠାରେ ବଲାଙ୍ଗିର ନାଗରିକ କମିଟିର ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଯାଇଛି l କମିଟିର ସାଧାରଣ ସମ୍ପାଦକ ମନୋରଞ୍ଜନ ସାହୁ ଙ୍କ ପରିଚାଳନାରେ ଅନୁଷ୍ଟିତ ବୈଠକ ର ପ୍ରାରମ୍ଭ ରେ କମିଟିର ବରିଷ୍ଠ ସଦସ୍ୟ ଦିବଙ୍ଗତ ବୃନ୍ଦାବନ ବରାଳ ଓ ଅଧ୍ୟାପକ ରବି ଶଙ୍କର ପାଣ୍ଡିଆ ଙ୍କ ଅମର ଆତ୍ମାର ସଦ୍ ଗତି ପାଇଁ ଦୁଇ ମିନିଟ୍ ନୀରବ ପ୍ରାର୍ଥନା କରାଯାଇଥିଲା l

ପରେ ଅନୁଷ୍ଠିତ ସଭାରେ କମିଟିର ସଭାପତି ବେଳାର ସିଂ ଭୋଇ ସଭାପତିତ୍ଵ କରିଥିଲେ l ଏହି ବୈଠକରେ ବଲାଙ୍ଗିର ସହର ର ବିଭିନ୍ନ୍ ସମସ୍ୟା, ପରିମଳ ବ୍ୟବସ୍ଥା, ସହରର ସୌନ୍ଦର୍ଯ୍ୟକରଣ ଓ ବଣଭୋଜି ଆୟୋଜନ ବିଷୟ ଉପରେ ଆଲୋଚନା କରିଥିଲେ  l ଆଲୋଚନାରେ ଅନ୍ୟ ମାନଙ୍କ ମଧ୍ୟରେ  କମିଟିର କୋଷାଧକ୍ଷ ଗଜେନ୍ଦ୍ର ତ୍ରିଭୂବନ ଦାସ, ସହସମ୍ପାଦକ ଚକ୍ରପାଣି ଦାସ, ଗୋପବନ୍ଧୁ ପୁରୋହିତ, ବିକ୍ରମ ବହିଦାର, ରଘୁ ନନ୍ଦନ ସିଂହ, ଗୋପ ଭୂଷଣ ନାଥ, ଅଶୋକ ମିଶ୍ର, ନରେଶ ଦାସ ପ୍ରମୂଖ ସ୍ଵର୍ଗତ ବରାଳ ଙ୍କ ସ୍ମୃତିଚାରଣ କରିଥିଲେ l ଏହି ବୈଠକରେ ନାଗରିକ କମିଟିର ସମସ୍ତ ସଦସ୍ୟ ଯୋଗ ଦେଇ ଆଲୋଚନାରେ ଅଂଶଗ୍ରହଣ କରିଥିଲେ