27-Oct-2022

ବୀରମହାରାଜପୁର,( ବିନୋଦ ପାଣ୍ଡେ) : ସୁବର୍ଣ୍ଣପୁର ଜିଲ୍ଲା             ବୀରମହାରାଜପୁର ମହାବିଦ୍ୟାଳୟ ଇତିହାସ ବିଭାଗର ବରିଷ୍ଠ ପ୍ରଧ୍ୟାପକ ତଥା ଆଠମଲ୍ଲିକ ମହାବିଦ୍ୟାଳୟ ଓ ସୋନପୁର ମହାବିଦ୍ୟାଳୟ ଇତିହାସ ବିଭାଗର ପୂର୍ବତନ ବିଭାଗ ମୁଖ୍ୟ ଡକ୍ଟର ହିମାଂଶୁ ଶେଖର ପାଢ଼ୀ ଆଜି  ଆଠମଲ୍ଲିକ ମହାବିଦ୍ୟାଳୟରେ ଯୋଗ ଦେଇଛନ୍ତି । ଗତବର୍ଷ ଡ଼ିସେମ୍ବର ମାସ ୩୦ ତାରିଖ ଦିନ ସେ ସୋନପୁର ମହାବିଦ୍ୟାଳୟରୁ ସରକାରଙ୍କ ବଦଳି ନିର୍ଦ୍ଦେଶନାମା ଯୋଗୁଁ ଅବ୍ୟାହତି ନେଇଥିଲେ ମଧ୍ୟ ତାଙ୍କର ନୂତନ କଲେଜରେ ଯୋଗ ଦେଇ ନଥିଲେ । ସ୍ଵାସ୍ଥ୍ୟଗତ କାରଣରୁ ସେ ଛୁଟିରେ ଥିବା ଜଣା ଯାଇଛି ।ପ୍ରକାଶ ଥାଉ କି ଡ. ପାଢ଼ୀ ସର୍ବପ୍ରଥମେ ମାଧପୁର ସ୍ଥିତ ସତ୍ୟବାଦୀ ମେହେର ମହାବିଦ୍ୟାଳୟରେ ୧୯୯୦ ମସିହାରେ ଅଧ୍ୟାପନା ଆରମ୍ଭ କରିଥିଲେ । ଏହାପରେ ୧୯୯୧ ରୁ ୨୦୧୩ ପର୍ଯ୍ୟନ୍ତ ଆଠମଲ୍ଲିକ ମହାବିଦ୍ୟାଳୟ, ୨୦୧୩ ରୁ ୨୦୨୧ ପର୍ଯ୍ୟନ୍ତ  ବୀରମହାରାଜପୁର ମହାବିଦ୍ୟାଳୟ, ୨୦୨୧ ଏପ୍ରିଲ ୧୫ ତାରିଖରୁ ଡିସେମ୍ବର ୩୦ ତାରିଖ ପର୍ଯ୍ୟନ୍ତ ସୋନପୁର ମହାବିଦ୍ୟାଳୟରେ ଅଧ୍ୟାପନା କରିଛନ୍ତି ।ଡ. ପାଢ଼ୀ ଜଣେ ଜଣାଶୁଣା ଲେଖକ, ସଂସ୍କୃତି ଗବେଷକ, ସୁବକ୍ତା ଓ ଜାତୀୟ ସ୍ତରରେ ପରିଚିତ ପରିଭ୍ରମଣ ଲେଖକ । ତାଙ୍କର ଏକ ଗବେଷଣାତ୍ମକ ପୁସ୍ତକ ସହିତ ଇଂରାଜୀ ଓ ଓଡ଼ିଆ ଭାଷାରେ ଶତାଧିକ ଲେଖା ଜାତୀୟ ଓ ରାଜ୍ୟ ସ୍ତରୀୟ ସମ୍ବାଦପତ୍ର ଓ ପତ୍ରିକା ମାନଙ୍କରେ ପ୍ରକାଶିତ ହୋଇଅଛି ।