27-Oct-2022

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) --  ଭାରତର ଜ୍ଞାନ ର  ଗ୍ରନ୍ଥ ବେଦ ଓ ଯଜ୍ଞ ର ପ୍ରସାର ରେ ବ୍ୟକ୍ତି ଓ ବ୍ୟକ୍ତିତ୍ଵର  ବିକାଶ ଘଟେ ବୋଲି ସୁବର୍ଣ୍ଣପୁର ଜିଲ୍ଲା କୁ 6 ଦିନିଆଁ ଗସ୍ତ ରେ ଆସିଥିବା ବେଦ ପ୍ରଚାରକ ସ୍ୱାମୀ ସୁଧାନନ୍ଦ ସରସ୍ୱତୀ କହିଚନ୍ତି। ସୁବର୍ଣ୍ଣପୁର ଜିଲ୍ଲାର ବେଦ ପ୍ରଚାର ସମିତି ପକ୍ଷରୁ ବିଭିନ୍ନ କାର୍ଯକ୍ରମ ତଥା ହବନ୍ ଓ 11 କୁଣ୍ଡିୟ  ଯଜ୍ଞରେ ଭାଗ ନେବାକୁ ଆସିଥିବା

ସ୍ୱାମୀ ସୁଧାନନ୍ଦ ସରସ୍ଵତୀ ଗତ 6 ଦିନ ଧରି ସୁବର୍ଣ୍ଣପୁର ଜ଼ିଲ୍ଲା ର  ସରସ୍ବତୀ ଶିଶୁ ବିଦ୍ୟା ମନ୍ଦିର, ସାହାରା ଟ୍ରଷ୍ଟ, ପୋଲିସ ରିଜର୍ଭ କଲୋନୀ ସମେତ ସହର ତଥା ଜ଼ିଲ୍ଲା ର ବିଭିନ୍ନ ଶିକ୍ଷା ଅନୁଷ୍ଠାନ, ଅନୁଷ୍ଠାନ ଓ ବିଭିନ୍ନ କାର୍ଯକ୍ରମ ରେ ଯୋଗ ଦେଇ ପ୍ରବଚନ ପ୍ରଦାନ କରି ସାରା ଜ଼ିଲ୍ଲା ରେ ଏକ ଅଧ୍ୟାତ୍ମିକ ପରିବେଶ ସୃଷ୍ଟି କରିଥିଲେ । ଏହି କାର୍ଯକ୍ରମ କୁ ବେଦ ପ୍ରଚାରକ ସମିତି ର ପଙ୍କଜ ମେହେର, ମହାଜନ ଆର୍ଯ୍ୟ, ସୁଦାମ ମିଶ୍ର ତଥା ଜିଲ୍ଲା ବେଦ ପ୍ରଚାର ସମିତି ସଂଯୋଜନା କରିଥିଲେ । କର୍ମ ଫଳ ମୀମାଂସା ଉପରେ,  ଧନ  ସବୁବେଳେ କାମରେ ଆସେନି, ଧର୍ମ ସବୁ ଜନ୍ମ ରେ କାର୍ଯ୍ୟ ରେ ଆସେ, କୃତଜ୍ଞତା ହେଉଛି ବଡ଼ ଧର୍ମ, ପିଲାମାନଙ୍କୁ ସଂସ୍କାର ଶିଖାଇବା, ପିତା ମାତା ଙ୍କୁ ବଂଚିଥିଲା ବେଳେ ଶ୍ରଦ୍ଧା କରିବା ଉପରେ,  ଓମ ଉଚ୍ଚାରଣ ଓ ଗାୟତ୍ରୀ ମନ୍ତ୍ର ଉଚ୍ଚାରଣ ଦ୍ୱାରା ମନ ର ସ୍ଥିରତା,

ସନାତନ ଧର୍ମ  ଓ ତାରି ମୂଳ ଧର୍ମ ବେଦ ଉପରେ, ଆମ ଧର୍ମ ସଂସ୍କୃତି ଉପରେ ବୁଝାଇଥିଲେ l ଏବଂ ମଣିଷ ହେଉଛି ଶ୍ରେଷ୍ଟ ପ୍ରାଣୀ ସେଥିପାଇଁ ଆମେ ସବୁବେଳେ ସମାଜ ରେ ସମସ୍ତ ଙ୍କୁ ଶ୍ରେଷ୍ଠ ଆଚରଣ କରିବା ଆମ ଦାୟିତ୍ୱ ଓ କର୍ତ୍ତବ୍ୟ ହେବା ଉଚିତ ବୋଲି ଦୀର୍ଘ ସମୟ ଧରି ଅନେକ ବାଣୀ ପ୍ରଦାନ କରି ଛୋଟ ଛୋଟ ପିଲା ଙ୍କୁ ଓ ମା ମାନଙ୍କୁ ବିଭିନ୍ନ ପ୍ରଶ୍ନ ମାଧ୍ୟମ ରେ ସାମାଜିକ ସଂସ୍କାର ଶିଖାଇଥିଲେ l