27-Oct-2022

ବଲାଙ୍ଗୀର(ପ୍ରେରଣା ଖବର): ଜିଲ୍ଲାପାଳ ହେବ ଏମିତି । ବଲାଙ୍ଗୀର ଜିଲ୍ଲାପାଳ ଚଞ୍ଚଳ ରାଣା ଆଜି ସକାଳୁ ବଲାଙ୍ଗୀର ସହରର ବିଭିନ୍ନ ସ୍ଥାନ ବୁଲି ଉନ୍ନତିମୂଳକ ପଦକ୍ଷେପ ନେଇଛନ୍ତି । ବଲାଙ୍ଗୀର ଜନତା କିଭଳି ସ୍ୱଚ୍ଛରେ ରହିବେ ସେ ନେଇ ଆଜି ରାଣୀ ବନ୍ଧ ପରିଦର୍ଶନ କରି ସ୍ବଚ୍ଛତା ଅବଲମ୍ବନ

କରିବା ପାଇଁ ପୌର ପରିଷଦର ନିର୍ବାହୀ ଅଧିକାରୀଙ୍କୁ ଆଦେଶ ଦେଇଥିଲେ । ରାଣୀ ବନ୍ଧ ର ଚତୁଃପାର୍ଶ୍ଵ ବୁଲି ବନ୍ଧ ହୁଡା ଚାରିପଟେ ପଡ଼ିଥିବା ଆବର୍ଜନା ଏବଂ ପୋଖରୀକୁ ଜବରଦଖଲ କରିଥିବା ସ୍ଥାନ ତୁରନ୍ତ ଖାଲି କରିବା ପାଇଁ ଆଦେଶ ଦେଇଥିଲେ।ବନ୍ଧ ହୁଡାରେ ବସବାସ କରୁଥିବା ଲୋକଙ୍କୁ ସେଠାରୁ ଉଚ୍ଛେଦ କରି ଅନ୍ୟତ୍ର ଥଇଥାନ କରିବା ପାଇଁ ନିର୍ଦ୍ଦେଶ ଦେଇଥିଲେ ଜିଲ୍ଲାପାଳ ଶ୍ରୀ ରlଣା ।ସେଠାରେ ବସବାସ କରୁଥିବା ଲୋକଙ୍କୁ ବୁଝାଇ ଅନ୍ୟତ୍ର ଆଶ୍ରୟ ଦେଇ ଶୃଙ୍ଖଳିତ ଭାବେ ରହିବା ପାଇଁ କହିଥିଲେ ।ପୋଖରୀ ତୁଠ ଅଳିଆ ଆବର୍ଜ୍ଜନା କରୁଥିବା ତଥା ପୋଖରୀ ହୁଡ଼ାରେ ଝାଡା ବସୁଥିବା ବ୍ୟକ୍ତି ଙ୍କ ଫଟୋ ଉଠାଇ ତାଙ୍କ ଉପରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ  ଜିଲ୍ଲାପାଳ ନିର୍ଦ୍ଦେଶ ଦେଇ ଛନ୍ତି ।ପୋଖରୀକୁ ଯିବା ପାଇଁ ଅନେକ ରାସ୍ତା ଥିବା ବେଳେ କେବଳ ଗୋଟିଏ ମୁଖ୍ୟ ରାସ୍ତା ରଖି ସମସ୍ତ ରାସ୍ତା କୁ ବନ୍ଦ କରିବା ପାଇଁ ନିର୍ଦ୍ଦେଶ ଦେଇଥିଲେ।ଆଜି ସକାଳୁ  ଜିଲ୍ଲାପାଳ ସହର ର ଅନେକ  ସ୍ଥାନ ବୁଲି ଉନ୍ନତିମୂଳକ ପଦକ୍ଷେପ ନେଇଛନ୍ତି।ପରିଦର୍ଶନ ସମୟରେ

ବଲାଙ୍ଗୀର ପୌର ପରିଷଦ ନିର୍ବାହୀ ଅଧିକାରୀ,ମୁକ୍ତା ଯୋଜନା ଅଧିକାରୀ ଏବଂ  ଡୁଡ଼ା ଅଧିକାରୀ ଙ୍କ ସହ ଅନ୍ୟ ମାନେ ଉପସ୍ଥିତ ଥିଲେ।

ସୂଚନାଯୋଗ୍ୟ ଯେ, ଜିଲ୍ଲାପାଳ ଚଞ୍ଚଳ ରାଣା ଜଣେ ଦକ୍ଷ ନିର୍ଭୀକ ପ୍ରଶାସନିକ ଅଧିକାରୀ ଭାବେ ବେଶ୍ ଜଣାଶୁଣା।ତାଙ୍କର ପ୍ରତ୍ୟେକ ପଦକ୍ଷେପ ଜିଲ୍ଲା ପାଇଁ ଶୁଭଙ୍କର।

ସବୁଠାରୁ ବଡ କଥା ହେଲା, ବଲାଙ୍ଗୀର ଜିଲ୍ଲାବାସୀ ପ୍ରଶାସନ ନେଉଥିବା ପଦକ୍ଷେପକୁ ସମ୍ମାନ ପୂର୍ବକ ପାଳନ କଲେ ଜିଲ୍ଲା ପ୍ରଦୂଷଣ ମୁକ୍ତ ହେବ ।