26-Oct-2022

ବିନିକା(ହିମାଂଶୁ ଶେଖର ପୁଟେଲ)ସୁବର୍ଣ୍ଣପୁର ଜିଲ୍ଲା ବିନିକା ପୁରୁଣା ବସଷ୍ଟାଣ୍ଡ ଦୁର୍ଗାପୂଜା କମିଟି ତରଫରୁ ଦୀର୍ଘ ୫୨ବର୍ଷ ଧରି ଜଗତ ଜନନୀ ଦୁର୍ଗତି ନାସିନୀ ମାଁ ଦୁର୍ଗାଙ୍କ ବାର୍ଷିକ ପୂ ମହାଆଡମ୍ବର ପୂର୍ଣ୍ଣ ଭାବେ ପାଳିତ ହେଉଥିଲା ଶ୍ରଦ୍ଧାଳୁ ଭକ୍ତ ବରଷକ ଥରେ ମାଁ ଙ୍କ ଦର୍ଶନ କରି ପୂଜା କରିବାର ସୁଯୋଗ ପାଉଥିଲେ ।ଏଣିକି ମାଁ ଙ୍କ ଭବ୍ୟ ମନ୍ଦିର ପ୍ରତିଷ୍ଠା ହେବ,ଦୈନନ୍ଦିନ ପୂଜାବିଧି ସହ ଭକ୍ତ ଦର୍ଶନ କରିପାରିବେ ।କମିଟି କର୍ମକର୍ତ୍ତାଙ୍କ ଅକ୍ଲାନ୍ତ ପରିଶ୍ରମ ଏବଂ ଅଞ୍ଚଳବାସୀଙ୍କ ସହଯୋଗ କ୍ରମେ ମାଁ ଦେବୀ ଦୁର୍ଗାଙ୍କ ମନ୍ଦିର ପ୍ରତିଷ୍ଠା ପାଇଁ ସମସ୍ତ ପ୍ରକାର ପ୍ରସ୍ତୁତି ଆରମ୍ଭ ହୋଇଯାଇଛି ।ଏହି ଅବସରରେ ବିନିକା ସହର ସମେତ ଆଖପାଖ ଅଞ୍ଚଳରେ ପୂଜା ପାଉଥିବା ବିଭିନ୍ନ ଦେବାଦେବୀଙ୍କ ମନ୍ଦିରକୁ ଯାଇ ଆଜ୍ଞାମାଳ ଅଣାଯାଇଛି ।ଦୁର୍ଗାପୂଜା କମିଟି ସଭାପତି ସନ୍ତୋଷ କୁମାର ପଣ୍ଡା,ଉପ ସଭାପତି ସୁଧାଂଶୁ ଶେଖର ଦାସ,ଦିଲ୍ଲୀପ ଅଗ୍ରୱାଲ,ଈଶ୍ୱର ମାହାଣା,ସମ୍ପାଦକ ଗନ୍ଦର୍ପ ମାହାର,ଗରିବ ସାଲମା,ସୋମନାଥ ମିଶ୍ର,ଭୀମସେନ ସାହୁ,ସୁନିଲ ପାତ୍ର,ମିନୁ ନାୟକ,ଅଶ୍ଵିନୀ ସୁବୁଦ୍ଧିଙ୍କ ସମେତ କମିଟି କର୍ମକର୍ତ୍ତା ଓ ଅଞ୍ଚଳର ଶ୍ରଦ୍ଧାଳୁ ଭକ୍ତମାନେ ସ୍ଥାନୀୟ ଦୁର୍ଗା ମନ୍ଦିରରେ ମାଁ ଙ୍କ ଠାରେ ପୂଜାର୍ଚ୍ଚନା କରି ତାଙ୍କର ଆଶିଷ ନେଇ ଘଣ୍ଟ,ଶଙ୍ଖ,ହୁଳହୁଳି ଓ ଜୟଧ୍ୱନିରେ ଏକ ବିରାଟ ଶୋଭାଯାତ୍ରାରେ ପ୍ରଥମେ ବିନିକାର ଇଷ୍ଟଦେବୀ ମା ନାରାୟଣୀ ମନ୍ଦିର,ଝାରି ମନ୍ଦିର,ସମଲେଇ ମନ୍ଦିର, ଶିତଲା

ମନ୍ଦିର,ପୁଣ୍ୟମାସି ମନ୍ଦିର,ଦ୍ୱାରୀ ମନ୍ଦିର,ପାର୍ବତୀ ମନ୍ଦିର,ଅଞ୍ଚଳର ପ୍ରସିଦ୍ଧ ଶୈବପୀଠ ଚରଦାର କପିଳେଶ୍ୱର ବାବା,ଚରଦେଇ ମନ୍ଦିର,ମହାନଦୀ ମଧ୍ୟମ ସ୍ଥଳରେ ଥିବା ବାଇକାନି ମନ୍ଦିର ଓ ପରେ ଉଲୁଣ୍ଡା ବ୍ଳକ ମେଟାକାନି ପୀଠକୁ ଯାଇ ଦେବାଦେବୀଙ୍କ ଠାରେ ପୂଜକ ସୁବାସ ବଡ଼ପଣ୍ଡା ଓ ମାନସ ରଞ୍ଜନ ପୂଜାରୀ ଯଥାରୀତି ପୂଜାର୍ଚ୍ଚନା କରି ମାଁ ଦୁର୍ଗାଙ୍କ ପାଇଁ ଆଜ୍ଞାମାଳ ବରଣ କରିଛନ୍ତି ।