26-Oct-2022

ମୁରିବାହାଲ,- ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକ ଡଙ୍ଗରପଡା ପଞ୍ଚାୟତ କୋକଡୁଙ୍ଗରି ଠାରେ ସାର୍ବଜନୀନ ଗିରିଗୋବର୍ଧନ ପୂଜା କମିଟି ର  ପଞ୍ଚସଖା ସତସଙ୍ଗ କମିଟି ପକ୍ଷରୁ ସ୍ମୃତି ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଏହି ଅବସର ରେ ଆୟୋଜିତ କାର୍ଯ୍ୟକ୍ରମରେ ପ୍ରଥମେ ପଞ୍ଚସଖା ସତସଙ୍ଗ କମିଟି ର ପ୍ରତିଷ୍ଠାତା ସତ୍ୟନାରାୟଣ ଭୋଇ ଓ ଚମ୍ପେଶ୍ୱର ନାଗ ଙ୍କ ବିୟୋଗ ରେ ଫଟୋ ଚିତ୍ର ରେ ପୂଜାର୍ଚ୍ଚନା କରିବା ସହ ସ୍ମୃତି ଚାରଣ କରିବା ସହ ଅମର  ଆତ୍ମା ର ସଦଗତି ପାଇଁ ଦୁଇ ମିନିଟ ନିରବ ପ୍ରାର୍ଥନା କରିଥିଲେ । ପରେ ସଭାକାର୍ଯ୍ୟ ଆରମ୍ଭ ହୋଇଥିଲା । ଆୟୋଜିତ କାର୍ଯ୍ୟକ୍ରମରେ ପଞ୍ଚସଖା ସତସଙ୍ଗ କମିଟି ର ସଭାପତି ବଳିୟାର ସିଂ ମାଝୀ ଙ୍କ ଅଧ୍ୟକ୍ଷତାରେ  ମୁଖ୍ୟ ଅତିଥି ଭାବେ ବଲାଙ୍ଗୀର ସାଂସଦ ଙ୍କ ମୁରିବାହାଲ ବ୍ଲକ ପ୍ରତିନିଧି ଶ୍ରୀବତ୍ସ ବେହେରା, ସମ୍ମାନୀୟ ଅତିଥି ଭାବେ ଜିଲ୍ଲା କନ୍ଧ ସମାଜ ଯୁବ ସଂଗଠନ ର ଜିଲ୍ଲା ସଭାପତି ସୁରେଶ ଭୋଇ,ଡଙ୍ଗର ପଡା ପଞ୍ଚାୟତ ର ସମିତି ସଭ୍ୟ ବିରଞ୍ଚି ନାରାୟଣ ବହିଦାର, ଆଦିବାସୀ ନାରୀନେତ୍ରୀ କିରଣ ଭୋଇ, ନାରୀନେତ୍ରୀ ଦେବକୀ ହଂସ,ଅବସର ପ୍ରାପ୍ତ ସୈନିକ ଧନେଶ୍ୱର ମାଝୀ, କଣ୍ଠଶିଳ୍ପୀ ରେଣୁ ରଞ୍ଜନ ବାଗ ପ୍ରମୁଖ ଅତିଥି ଭାବେ ଯୋଗ ଦେଇ ଜାତି,ଧର୍ମ, ବର୍ଣ୍ଣ ନିର୍ବିଶେଷରେ ସମସ୍ତେ ଏକଜୁଟ ସାର୍ବଜନୀନ ଗିରି ଗୋବର୍ଦ୍ଧନ ପୂଜା କରିବା ସହ ମାନବ ଜାତି ର କଲ୍ୟାଣ ନିମିତ୍ତ ଜଳ, ଜଙ୍ଗଲ, ଜମି ର ସୁରକ୍ଷା, ନାରୀର ସୁରକ୍ଷା,ସମାଜ ରେ ଶିକ୍ଷା ହି ଏକମାତ୍ର ବାଟ ଯିଏକି ପ୍ରଗତି ପଥ କୁ ନେଇଯିବ । ପୁରୁଷ ପ୍ରଧାନ ଦେଶ ରେ ନାରୀ ମାନଙ୍କ ଭୂମିକା ଗୁରୁତ୍ତ୍ୱପୂର୍ଣ୍ଣ ବହନ କରି ସୁସ୍ଥ ସମାଜ ଗଠନ ନାରୀ ର ମହତ୍ତ୍ୱପୂର୍ଣ୍ଣ ଭୂମିକା ବୋଲି ମତବ୍ୟକ୍ତ କରିବା ସହିତ ପୁରୁଷ ଓ ମହିଳା ଉଭୟେ ମିଶି କାନ୍ଧ କୁ କାନ୍ଧ  ପ୍ରଗତି ପଥ କୁ ଆଗେଇ ନେବା ପାଇଁ ଆହ୍ୱାନ କରିଥିଲେ । କୋକ ଡୁଙ୍ଗରି ପୀଠ କୁ ପର୍ଯ୍ୟଟନ ସ୍ଥଳୀ କରିବା ପାଇଁ ମଧ୍ୟ ସଭାରେ ଦାବି ଉଠିଥିଲା । ଏହି ଅବସର ରେ କଣ୍ଟାବାଞ୍ଜି ଅଞ୍ଚଳ ରେ ସାମ୍ବାଦିକ କ୍ଷେତ୍ରରେ ଉଲ୍ଲେଖନୀୟ ଅବଦାନ ରଖିଥିବା କଣ୍ଟାବାଞ୍ଜି ଅର୍ଗସ ଟିଭି ର ପ୍ରତିନିଧି ହୁଲେଶ୍ୱର ହଂସ ଙ୍କୁ ଉପଢୌକନ ସହ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା । ସେହିପରି ସାଲେପଡା ଗାଁ ର ଆଶାକର୍ମୀ ଜାନକୀ ପରଭୋଇ, ବାହାଡୁକି ଅଙ୍ଗନବାଡ଼ି କର୍ମୀ ରେଣୁକା ପଧାନ, ମାଟ୍ରିକ ପରୀକ୍ଷା ରେ ଅଧିକ ମାର୍କ ରଖିଥିବା ଛାତ୍ରୀ ଅହଲ୍ୟା ଭୋଇ ଓ ପ୍ରତିମା ନାଗ ଙ୍କୁ ଉପଢୌକନ ସହ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା ।ସମ୍ପାଦକ ମାଲିକ ମହାକୁର  ସମ୍ପାଦକୀୟ ବିବରଣୀ ପାଠ କରିଥିଲେ ।  ବରିଷ୍ଠ ସମାଜସେବୀ ତେଜୁରାମ ବାଗ ସଭା ସଂଯୋଜନା କରିଥିଲେ ।  ଉପ ସଭାପତି ମହାଦେବ ଟାହାଣୀ  ଧନ୍ୟବାଦ ଅର୍ପଣ କରିଥିଲେ । ପରେ ବିଳମ୍ବିତ ରାତ୍ରି ପର୍ଯ୍ୟନ୍ତ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା । ଦର୍ଶକ ମାନେ ବିଳମ୍ବିତ ରାତ୍ରି ପର୍ଯ୍ୟନ୍ତ ଉପଭୋଗ କରିଥିଲେ । ଏଥିରେ ଆୟୋଜକ କମିଟି ର ସମସ୍ତ କର୍ମକର୍ତ୍ତା ମାନେ ସହ ଯୋଗ କରିଥିଲେ ।