25-Oct-2022

ବଲାଙ୍ଗିର (ପ୍ରେରଣା ଖବର) ଆସନ୍ତା ନଭେମ୍ବର୍  ୧ ତାରିଖ ଦିନ ବଲାଙ୍ଗିର କୋଶଳ କଳା ମଣ୍ଡଳ ପଡିଆ ଠାରେ ବଲାଙ୍ଗିର ଦିନ  ଉତ୍ସବ ପାଳନ ହେବାକୁ ଯାଉଛି ବଲାଙ୍ଗିର ଦିନ୍ କୁ ଜାକଜମକ ସହ ପାଳନ କରିବା ପାଇଁ ପ୍ରସ୍ତୁତି ଚାଲିଛି l ଆଜି ବଲାଙ୍ଗୀର ଦିନ୍ କମିଟି ପକ୍ଷରୁ ସ୍ଥାନୀୟ ଅମଲା ଭବନ ଠାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି l କାର୍ଯ୍ୟକ୍ରମ ର ସୁପରିଚାଳନା ପାଇଁ କାମର କଣ କଣ ଅଗ୍ରଗତି ହୋଇଛି ଓ ଆସନ୍ତା ଦିନ କଣ କରିବାର ବାକି ରହିଛି ସେ ସମ୍ପର୍କରେ ସମସ୍ତେ ମତ ରଖିଥିଲେ l ଆସନ୍ତା ଦିନରେ ଅନୁଷ୍ଠିତ ହେବାକୁ ଥିବା ପିନ୍ଧନ୍ ଉଡ଼ନ୍ ପ୍ରତିଯୋଗିତା, ହୁଳହୁଳି ପ୍ରତିଯୋଗିତା ଓ ପିଠା ପନl ପ୍ରତିଯୋଗିତା ର ଆୟୋଜନ ସମ୍ପର୍କରେ ଆଲୋଚନା ହୋଇଥିଲା l  ପ୍ରସ୍ତୁତି ବୈଠକର ଆଲୋଚନା ପରେ ବଲାଙ୍ଗିର ଡିନ୍ କମିଟିର ମୁଖ୍ୟ ସଂଯୋଯକ ଗୋପlଲଜୀ ପାଣିଗ୍ରାହୀଙ୍କ ନେତୃତ୍ଵରେ କମିଟିର ସମସ୍ତ ସଭ୍ୟ ମାନେ ମାନ୍ୟବର ରାଜ୍ୟ ସଭା ସାଂସଦ ନିରଞ୍ଜନ ବିଶିଙ୍କୁ 

ସ୍ଥାନୀୟ ସlର୍କିଟ ହାଉସ୍ ଠାରେ ସାକ୍ଷାତ କରି କାର୍ଯ୍ୟକ୍ରମରେ ଅତିଥି ମର୍ଯ୍ୟାଦାରେ ରହିବାକୁ ଆମନ୍ତ୍ରଣ କରିଥିଲେ l ବଲାଙ୍ଗିର ଦିନ୍ ଉତ୍ସବରେ ଅତିଥି ଭାବେ ଯୋଗ ଦେବା ପାଇଁ ଶ୍ରୀ ବିଶି ସହମତି ପ୍ରଦାନ କରିଥିଲେ l ଅନ୍ୟ ପକ୍ଷରେ ଅନ୍ୟତମ ଅତିଥି ଭବରେ ଟିଟିଲାଗଡ଼ ବିଧାୟିକା ଟୁକୁନି ସାହୁ, ପାଟଣାଗଡ ବିଧାୟକ ସରୋଜ ମେହେର, ଲୋଇସିଂହା ବିଧାୟକ ଡ଼. ମୁକେଶ ମହାଲିଙ୍ଗ ମଧ୍ୟ ଉତ୍ସବରେ ଯୋଗ ଦେବା ପାଇଁ ସ୍ୱୀକୃତି ପ୍ରଦାନ କରି ସାରିଛନ୍ତି l