23-Oct-2022

ବଲାଙ୍ଗୀର(ପ୍ରେରଣା ଖବର) କରୋନା ର ଆତଙ୍କରେ ଦୁଇ ବର୍ଷ ଦୀପାବଳୀ ଠିକ୍ ଭାବରେ ପାଳନ ହୋଇପାରି ନଥିଲା ।ଚଳିତ ବର୍ଷ ଲୋକେ ଉତ୍ସାହ ର ସହ ଦୀପାବଳୀ ପାଳନ କରୁଥିବା ପ୍ରତିତ ହୁଏ । ଏହି ବର୍ଷ ସମସ୍ତ ପର୍ବପର୍ବାଣୀ ଆନନ୍ଦ ଉଲ୍ଲାସ ରେ ପାଳନ ହୋଇଯାଇଛି ।ସେହିଭଳି ଦୀପାବଳୀ ଉତ୍ସବ ମଧ୍ୟ ଧୁମ୍ ଧାମରେ ପାଳନ ହେବ ବୋଲି ଆଶା କରାଯାଉଛି । ଛୋଟ ବଡ଼ ସଭିଏଁ ବାଣ ଫୁଟାଇବା ପାଇଁ ସମୟ କୁ ଜଗି ବସିଛନ୍ତି । ଏହାର ସୁଯୋଗ ନେଇ ବାଣ ବେପାରୀ ଭଲ ଦାମ ରେ ବ୍ୟବସାୟ ହେବାର ଆକଳନ କରି ସାରିଛି । ସହର ଭିତରେ ବାଣ ବିକ୍ରୟ ମନା ଅଛି । ଏଣୁ ବାଣ ବେପାରୀ ମାନେ ବିଯାଖମନ୍ ନିକଟସ୍ଥ ଏକ ପଡିଆ ରେ ଦୋକାନ ଖୋଲି ବ୍ୟବସାୟ ଆରମ୍ଭ କରିଦେଲେଣି । ଝରଝରି ଠାରୁ ଆରମ୍ଭ କରି ରକେଟ୍ ପର୍ଯ୍ୟନ୍ତ ଦାମ ଶହେ ଟଙ୍କା ରୁ ଅଧିକ ଥିବା ବେଳେ ଗ୍ରାହକ ମାନେ ନିଜ ଛୁଆ ମାନଙ୍କ ଜିଦ୍ ପାଇଁ ଖର୍ଚ୍ଚାନ୍ତ ହେଉଥିବା ଦେଖିବାକୁ ମିଳୁଛି।ବାଣ ର ମୂଲ୍ୟ ଆକାଶ ଛୁଆଁ ଥିବା ବେଳେ ଏହାର ପ୍ରକୃତ ମୂଲ୍ୟ ନିର୍ଧାରଣ କରିବାର କ୍ଷମତା କାହାର ଅଛି ବୋଲି ସାଧାରଣରେ ଚର୍ଚ୍ଚା ହେଉଛି।ବାଣ ର କ୍ରୟ ବିକ୍ରୟ ଉପରେ କଟକଣା ତଥା ବାଣ ଦର ରେ ଅଙ୍କୁଶ ଲଗାଇଲେ ଗ୍ରାହକ ମାନେ ଶୋଷଣ ମୁକ୍ତ ହେବେ ବୋଲି ବିଭିନ୍ନ ମହଲରେ ଅସନ୍ତୋଷ ଦେଖାଦେଇଛି ।