23-Oct-2022

ବଲାଙ୍ଗୀର(ପ୍ରେରଣା ଖବର) - ବଲାଙ୍ଗୀର ଥାନା ରେ ଦୀର୍ଘ ବର୍ଷରୁ ଜବତ ହୋଇ ପଡ଼ି ରହିଥିବା ଗାଡ଼ି ଗୁଡ଼ିକୁ ବଲାଙ୍ଗୀର ପୋଲିସ ନିଲାମ ପ୍ରକ୍ରିୟା ଆରମ୍ଭ କରିଦେଇଛି । ଗାଡ଼ି କିଣିବା ପାଇଁ ଲୋକଙ୍କ ଭିଡ଼ ଜମି ରହୁଛି।ତେବେ ଏଠି ପ୍ରଶ୍ନ ଉଠେ ୧୫ ବର୍ଷରୁ ଉର୍ଦ୍ଧ୍ବ ଗାଡ଼ି ଗୁଡ଼ିକ ପୁନଃ ରେଜିଷ୍ଟ୍ରେସନ୍ ପ୍ରକ୍ରିୟା ରେ ହେଉଥିବା ଖର୍ଚ୍ଚ କିଏ ବହନ କରିବେ।ଯଦି ଛ ମାସ ମଧ୍ୟରେ ଜବତ ହୋଇଥିବା ଗାଡ଼ିର ଦାବେଦାର ନ ଆସନ୍ତି ତେବେ ସେହି ଗାଡ଼ି ନିଲାମ ହେବାର ନିୟମ ଅଛି । ତେବେ କେଉଁ କାରଣରୁ ବର୍ଷ ବର୍ଷ ପର୍ଯ୍ୟନ୍ତ ଗାଡ଼ି ଗୁଡ଼ିକୁ ପକାଇ କବାଡି କରିବାର କି ପ୍ରୟୋଜନ ରହିଥିଲା ବୋଲି ସାଧାରଣରେ ଚର୍ଚ୍ଚା ହେଉଛି। ଯେଉ ଗାଡ଼ି ଗୁଡ଼ିକ ଧରା ପଡ଼ିଥିଲା ଏବଂ ବର୍ତ୍ତମାନ ତାକୁ ନିଲାମ ପ୍ରକ୍ରିୟା ରେ ସାମିଲ କରାଯାଇଛି ସେହି ଗାଡ଼ି ଗୁଡ଼ିକ ର ମାଲିକ ମାନଙ୍କୁ ଧରିବାରେ ପୋଲିସ ର ଭୂମିକା ଆଜି ପର୍ଯ୍ୟନ୍ତ କଣ ଥିଲା ।ଯଦି ପୋଲିସ ର କାର୍ଯ୍ୟ ରେ ଅବହେଳା ହୋଇଛି ତେବେ କେତେ ଜଣ  ପୋଲିସ ଅଧିକାରୀ ଙ୍କୁ କାର୍ଯ୍ୟ ଅବହେଳା ପାଇଁ  କି ପ୍ରକାର ଦଣ୍ଡରେ ଦଣ୍ଡିତ କରାଯାଇଛି ବୋଲି ଚର୍ଚ୍ଚା ଜୋର୍ ଧରିଛି । ଯେଉଁ ଗାଡ଼ି ଗୁଡ଼ିକ ନିଲାମ ହେଉଛି ,ସେହି ଗାଡ଼ି ଗୁଡ଼ିକ ନାମରେ ଥିବା ଅପରାଧିକ ମାମଲା ରଫାଦଫା ହେବ ନା କେସ ଆଗକୁ ବଢିବ। ଯଦି କେସ ଆଗକୁ ବଢିବ ତେବେ ଅପରାଧିକ ମାମଲା ରେ ଲିପ୍ତ ଥିବା ଗାଡ଼ି କୁ ବିକ୍ରି କରି ପ୍ରମାଣ ନଷ୍ଟ ହେବନି ତ? ଚର୍ଚ୍ଚା ହୁଏ ଯେଉଁ ଗାଡ଼ି ଗୁଡ଼ିକ ର ରେଜିଷ୍ଟ୍ରେସନ୍ ନାହିଁ ସେହି ଗାଡ଼ି

ଗୁଡିକରେ ଅପରାଧ ଜନିତ କାର୍ଯ୍ୟ ହେବାର ସମ୍ଭାବନା କୁ ଏଡାଇ ଦିଆଯାଇନପାରେ। କାରଣ ବଲାଙ୍ଗୀର ବର୍ତ୍ତମାନ କ୍ରାଇମ୍ କ୍ୟାପିଟାଲ ଭାବରେ ପରିଗଣିତ ।ଖୁଲମଖୁଲା ଅପରାଧୀ ଙ୍କ ପୋଲିସ କୁ ଚ୍ୟାଲେଞ୍ଜ ଏବଂ ଦିନକୁ ଦିନ ବଢି ଚାଲିଥିବା ଅପରାଧ ନିୟନ୍ତ୍ରଣ ରେ ପୋଲିସ ର ବିଫଳତା ଶାନ୍ତ ବଲାଙ୍ଗୀର କୁ ଅଶାନ୍ତ କରିଦେଇଛି । ଏଣୁ ପୋଲିସ ଗାଡ଼ି ବିକ୍ରି କରିବା ସମୟରେ ସତର୍କତା ଅବଲମ୍ବନ କରିବା ଜରୁରୀ ବୋଲି ଚର୍ଚ୍ଚା ହୁଏ।