15-Oct-2022

ବଲାଙ୍ଗୀର(ପ୍ରେରଣା ଖବର) ଆସନ୍ତା ନଭେମ୍ବର ୧ ତାରିଖ ଦିନ ବଲାଙ୍ଗୀର ସହର ଠିକାଦାରପଡା ସ୍ଥିତ ଗୋଶାଳା ଠାରେ ଗୋପାଷ୍ଠମୀ ମହାସମାରୋହରେ ପାଳନ ହେବା ପାଇଁ ସ୍ଥିରୀକୃତ ହୋଇଛ଼ି । ଏହି ଅବସରରେ ଆଜି ସ୍ଥାନୀୟ ଗୋଶାଳା ପରିସରରେ କାର୍ଯ୍ୟକ୍ରମର ସୁପରିଚାଳନା ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ଗୋଶାଳାର ଅଧ୍ୟକ୍ଷ ନରେନ୍ଦ୍ର ଜୈନ ଓ ପ୍ରଫୁଲ୍ଲ ଜୈନଙ୍କ ଆବାହକତ୍ୱରେ ଅନୁଷ୍ଠିତ ଏହି ପ୍ରସ୍ତୁତି ବୈଠକରେ ଗୋଶାଳାର ରକ୍ଷଣାବେକ୍ଷଣ, ସଫାସୁତୁରା ଉପରେ ଆଲୋଚନା ହେବା ସହ ଗୋପାଷ୍ଠମୀ ଉତ୍ସବର ସଫଳ ଆୟୋଜନ ପାଇଁ ସମସ୍ତଙ୍କ ସହଯୋଗ କାମନା କରାଯାଇଥିଲା । ଏହି ବୈଠକରେ ସନ୍ତୋଷ ମୋଦୀ, ରବି ଅଗ୍ରୱାଲ,ବିକାଶ ଅଗ୍ରୱାଲ, ଶଙ୍କର ଅଗ୍ରୱାଲ, ମନୋଜ ଜୈନ, କୁନୁ ଅଗ୍ରୱାଲ, ନାରାୟଣ ମିଶ୍ର,  ବଜରଙ୍ଗ ଅଗ୍ରୱାଲ, ଓଁପ୍ରକାଶ କାଉଁଟିଆ ପ୍ରମୁଖ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ ।