15-Oct-2022

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ଆଜି ସୁବର୍ଣ୍ଣପୁର ଜିଲ୍ଲା ଚିତ୍ରଗୁପ୍ତ କଲ୍ୟାଣ ସମିତି ଗୃହ ଠାରେ ଚିତ୍ରଗୁପ୍ତ ପୂଜା ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି l ବିଗତ ଦୁଇ ବର୍ଷ କରୋନା କଟକଣା ଯୋଗୁଁ ପୂଜା କଟକଣା ଭିତରେ ପାଳନ କରାଯାଇଥିଲା l ତେଣୁ ଚଳିତ ବର୍ଷ ପୂଜା ଭଲ ଭାବରେ କିପରି ହୋଇପାରିବ ସେ ନେଇ ଆଲୋଚନା କରାଯାଇଥିଲା l ସୁବର୍ଣ୍ଣପୁର ଜିଲ୍ଲା ଚିତ୍ରଗୁପ୍ତ କଲ୍ୟାଣ ସମିତି ସଭାପତି ପ୍ରକାଶ ଚନ୍ଦ୍ର ବେବର୍ତ୍ତା ଙ୍କ ସଭାପତିତ୍ବ ରେ ଅନୁଷ୍ଠିତ ବୈଠକରେ ସମ୍ପାଦକ ଦେବ କିଶୋର ଦାନୀ, କୋଷାଧ୍ୟକ୍ଷ ଜ୍ୟୋତି ପଟ୍ଟନାୟକ, ଉପଦେଷ୍ଟା ଜ୍ୟୋତି ରଞ୍ଜନ ବହିଦାର, ମଦନ ମୋହନ ଦାନୀ, ନିଶିକାନ୍ତ ପଟନାୟକ, ରାଜେଶ ପଟ୍ଟନାୟକ, ରଜତ ପଟ୍ଟନାୟକ, ତାପସ ମହାନ୍ତି, ଆଶିଷ ମହାପାତ୍ର, ବଳରାମ ପଟ୍ଟନାୟକ, ଅବକାଶ ବିଦ୍ୟାଧର, ଦିବ୍ୟ ରଞ୍ଜନ ପଟ୍ଟନାୟକ ଓ ଚନ୍ଦନ ବହିଦାର ପ୍ରମୁଖ ଯୋଗ ଦେଇ ନିଜର ମତ ସାବ୍ୟସ୍ତ କରିଥିଲେ l ପୂଜା ତଥା  ପ୍ରତିଯୋଗିତା, ସାଂସ୍କୃତିକ କାର୍ଯ୍ୟକ୍ରମ ଗୁଡ଼ିକ ସୁରୁଖୁରୁରେ ହେବା ପାଇଁ ବିଭିନ୍ନ କମିଟି ଗଠନ କରାଯାଇ ଥିଲା l ଆସନ୍ତା ୨୭ ତାରିଖ ରେ ଚିତ୍ରଗୁପ୍ତ ପୂଜା କରାଯାଉ ଥିବା ବେଳେ ୨୬ ତାରିଖ ଅପରାହ୍ନ ରେ ମହିଳା ମାନଙ୍କ ଦ୍ବାରା ମହାନଦୀ ରୁ ଏକ କଳସ ଶୋଭାଯାତ୍ରା ରେ ଆସି ପୂଜା ସ୍ଥାପନ କରାଯିବ ଓ ୨୮ ତାରିଖ ଅପରାହ୍ନ ରେ ଚିତ୍ର ଗୁପ୍ତ ମହାପ୍ରଭୁ ଙ୍କୁ ଏକ ଶୋଭାଯାତ୍ରାରେ ବାହାରି ମହାନଦୀ ରେ ବିସର୍ଜନ କରିବା ପାଇଁ ବୈଠକ ରେ ସ୍ଥିର କରାଯାଇଛି l