15-Oct-2022

ବଲାଙ୍ଗିର(ପ୍ରେରଣା ଖବର): ବଲାଙ୍ଗିର ପତିତପାବନ ଏକାଡେମୀ ସଭାଗୃହରେ ଆଜିଠାରୁ ୧୫ ଦିନ ବ୍ୟାପୀ ସଂସ୍କୃତ ସମ୍ଭାସଣ ଶିବିରର ଆନୁଷ୍ଠାନିକ ଉଦଘାଟନ ହୋଇ ଯାଇଛି। ସଂସ୍କୃତ ଭାରତୀ ଉତ୍କଳ ପ୍ରାନ୍ତ ପକ୍ଷରୁ ଅନୁଷ୍ଠିତ ହେଉଥିବା ଏହି କାର୍ଯ୍ୟକ୍ରମକୁ ବରିଷ୍ଠ ସାମ୍ବାଦିକ ତଥା ଅଖିଳ ଭାରତୀୟ ଗ୍ରାହକ ପଞ୍ଚାୟତ ବଲାଙ୍ଗିର ଜିଲ୍ଲା ସଭାପତି ଗୋପବନ୍ଧୁ

ଶତପଥୀ ମୁଖ୍ୟ ଅତିଥି ଭାବରେ ଯୋଗଦେଇ ଉଦଘାଟନ କରିଥିଲେ। ସଂସ୍କୃତ ଭାରତୀ ଓଡିଶା ସମ୍ପାଦକ ଅଜିତ କୁମାର ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ କାହ୍ନା ବାରିକ, ବିସ୍ତାରକ ପ୍ରାରମ୍ଭିକ ସୂଚନା ପରିଚୟ ପ୍ରଦାନ କରିଥିଲେ। ପ୍ରଦୀପ ପ୍ରଜ୍ଜ୍ଵଳନ ପ୍ରାର୍ଥନା ପରେ କାର୍ଯ୍ୟକ୍ରମ ଆରମ୍ଭ

ହୋଇଥିଲା। ସଂସ୍କୃତର ପ୍ରଚର ପ୍ରସାର କରି ନିତ୍ୟ ଜୀବନର ବ୍ୟବହାରରେ ଆଣିବା ପାଇଁ ସଂସ୍କୃତ ଭାରତୀ ଓଡିଶା ଏହି ଶିବିରକୁ ଆରମ୍ଭ କରିଛି ୧୫ ରୁ ୨୯ ତାରିଖ ପର୍ଯ୍ୟନ୍ତ ପ୍ରତ୍ୟେହ ସକାଳ ୮ ଘଣ୍ଟାରୁ ୯.୩୦ ପର୍ଯ୍ୟନ୍ତ ଏହି ଶିବିରରେ ଆଜି ପ୍ରଥମ ଦିନରେ ପ୍ରାୟ ୭୦ ଜଣ ଶିକ୍ଷାର୍ଥୀ ଯୋଗଦେଇ ଥିଲେ। କାର୍ଯ୍ୟକ୍ରମରେ ବିଦ୍ୟାଭୂଷଣ ସଂସ୍କୃତ ମହାବିଦ୍ୟାଳୟର ଅଧ୍ୟାପକ ଧର୍ମରାଜ ବାଗ ମଞ୍ଚାସୀନ ଥିଲାବେଳେ ସଂସ୍କୃତ ଭାରତୀ ବଲାଙ୍ଗିର ଜିଲ୍ଲା ସଂଯୋଜକ ଶେଷଦେବ ମିଶ୍ର ପଣ୍ଡିତ ଟିକେସ୍ଵର ଗୁରୁ, ବାଲ କିଷାନ ଅଗ୍ରୱାଲ, ସ୍ଵାଧୀନ କୁମାର ପଣ୍ଡା, ସାବିତ୍ରୀ ସେଠ,ସାରିକା ପୁରୋହିତ ପ୍ରମୂଖ ଯୋଗଦେଇ ଥିଲେ। ପ୍ରଶିକ୍ଷଣ ନେବାକୁ ବିଦ୍ୟାଭୂଷଣ ସଂସ୍କୃତ ବିଦ୍ୟାଳୟ, ଶିକ୍ଷକ ଶିକ୍ଷା ମହାବିଦ୍ୟାଳୟର ଛାତ୍ରଛାତ୍ରୀ ମାନଙ୍କ ବ୍ୟତୀତ ଅନ୍ୟାନ୍ୟ ସଂସ୍କୃତ ଭାଷା ପ୍ରତି ଆଗ୍ରହୀ ବିଭିନ୍ନ ବର୍ଗର ଲୋକଙ୍କ ଉପସ୍ଥିତିରେ ଶିକ୍ଷା ଦାନ ଆରମ୍ଭ କରଯାଇଥିଲା।