15-Oct-2022

କଣ୍ଟାବାଞ୍ଜି:(ପ୍ରେରଣା ଖବର)ତୁରେକେଲା ବ୍ଳକ ମାନ୍ଦଲା କ୍ଲଷ୍ଟର ଅଧିନସ୍ଥ ପଖନମୁଣ୍ଡା ଉଚ୍ଚ ପ୍ରାଥମିକ ବିଦ୍ୟାଳୟରେ ବିଶ୍ବ ହାତଧୁଆ ଦିବସ ଓ ବିଶ୍ବ ବିଦ୍ୟାର୍ଥୀ ଦିବସ ପାଳିତ ହୋଇଥିଲା।ବିଦ୍ୟାଳୟର ପ୍ରଧାନ ଶିକ୍ଷକ ତଥା ଜୁନିୟର ରେଡକ୍ରସ ପରାମର୍ଶ ଦାତା ଶ୍ରୀ ବିରଂଚି ନାରାୟଣ ଦାଶଙ୍କ ତତ୍ତ୍ୱାବଧାନରେ ଅନୁଷ୍ଠିତ ସଭାରେ ଶ୍ରୀ କୈବଲ୍ୟ ମାଝୀ, ସଭାପତି ବିଦ୍ୟାଳୟ ପରିଚାଳନା କମିଟି, ସଭ୍ୟ ମଙ୍ଗଳା ଭୋଇ, ଶିକ୍ଷକ ମନୋଜ କୁମାର ତାଣ୍ଡି ଓ ଶ୍ରୀ ବିଶେଶ୍ୱର ମୁଦୁଲି ଉପସ୍ଥିତ ଥିଲେ।ସର୍ବ ପ୍ରଥମେ ଶ୍ରୀ ଦାଶ ସଭାର ଉଦ୍ଦେଶ୍ୟ ଜ୍ଞାପନ ଓ ଅତିଥି ପରିଚୟ କରିଥିଲେ।ଛାତ୍ରଛାତ୍ରୀ ମାନେ ଅତିଥି ମାନଙ୍କୁ ପୁଷ୍ପଗଛ୍ଛ ଦେଇ ସ୍ୱ।ଗତ କରିଥିଲେ।ପ୍ରାକ୍ତନ ରାଷ୍ଟ୍ରପତି ଏପିଜେ ଅବଦୁଲ କାଲାମଙ୍କ ଜନ୍ମ ଜୟନ୍ତୀ ତଥା ବିଶ୍ବ ବିଦ୍ୟାର୍ଥୀ ଦିବସ ଅବସରରେ ତାଙ୍କ ଫଟୋଚିତ୍ରରେ ପୁଷ୍ପମାଲ୍ୟ ପ୍ରଦାନ କରାଯାଇଥିଲା।ତାପର ଛାତ୍ରୀମାନେ ସଂଗୀତ ପରିବେଷଣ କରିଥିଲେ।ଶ୍ରୀ ଦାଶ କାଲାମଙ୍କ ବିଷୟରେ ଆଲୋକପାତ କରିଥିଲେ।ତାପରେ ଆଜିର ଦିନକୁ ବିଶ୍ବ ହାତଧୁଆ ଦିବସ ରୂପେ ପାଳନ କରାଯାଉଥିବାରୁ ତାର ମହତ୍ତ୍ଵ ବର୍ଣ୍ଣନା କରିବା ସହିତ ଛାତ୍ରଛାତ୍ରୀ ମାନଙ୍କୁ ହାତ ଧୋଇବାର ସୋପାନ ବତେଇବା ସହିତ ସମସ୍ତେ ମିଶି ହାତ ଧୋଇଥିଲେ।