14-Oct-2022

-ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ) ସୁବର୍ଣ୍ଣ ଲୋକ ମହୋତ୍ସବ ଉପଲକ୍ଷେ ଆଜି ସୁବର୍ଣ୍ଣପୁର କଲେକ୍ଟୋରେଟ କନଫରେନ୍ସ ହଲ ଠାରେ ଜ଼ିଲ୍ଲାପାଳ ଅବୋଲି ସୁନୀଲ ନର୍ଭଣେ ଙ୍କ ଅଧ୍ୟକ୍ଷତା ରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇ ଯାଇଛି l  ଏବର୍ଷ ଏହି ମହୋତ୍ସବ ଟି ମିନି ଷ୍ଟାଡିଅମ ଠାରେ ଆୟୋଜନ କରାଯିବାକୁ ସ୍ଥିର କରାଯାଇଥିବା ବେଳେ ଜାନୁଆରୀ 14 ତାରିଖ ରୁ  18 ତାରିଖ  ତିନି ଦିନ ଯାଏ  ଲୋକ ମହୋତ୍ସବ ଏବଂ ପରବର୍ତ୍ତୀ ଦୁଇ ଦିନ ଓରମାସ ର ପଲ୍ଲୀଶ୍ରୀ ମେଳା ସହିତ କିଛି ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯିବ l ଆସନ୍ତା ଜାନୁଆରୀ 20 ତାରିଖ ଠାରୁ 29 ତାରିଖ ଯାଏ  ଓଡିଶା ରେ ବିଶ୍ୱ କପ ହକି  ଅନୁଷ୍ଠିତ ହେବାକୁ ଥିବା ବେଳେ ଏହି ମେଗା ଉତ୍ସବ ପାଳନ ସମୟ ରେ ସମସ୍ତ ଜ଼ିଲ୍ଲା ର ମହୋତ୍ସବ ଗୁଡିକ ମଧ୍ୟ ପାଳନ ପାଇଁ ରାଜ୍ୟ ସରକାର ଙ୍କ ପରାମର୍ଶ  ରହିଥିବା ବିଷୟ ଜ଼ିଲ୍ଲାପାଳ ନର୍ଭଣେ ମତ ରଖିଥିଲେ l  ସମ୍ମାନିତ ଅତିଥି ଭାବେ ଏସପି ଅମରେଶ ପଣ୍ଡା, ଏଡିଏମ ସୂର୍ଯ୍ୟ ନାରାୟଣ ଦାଶ,  ଏଡିଏମ ଜେନେରାଲ ନିଶି ପୁନମ  ମିଞ୍ଜ, ଉପ ଜ଼ିଲ୍ଲାପାଳ  ଡ, ଈପସିତା ପ୍ରିୟଦର୍ଶନୀ ମିଶ୍ର, ସଂସ୍କୃତି ଅଧିକାରୀ , ତହସିଲଦାର, ଯୋଗ ଦେଇ ଥିଲେ l ଏହି ଅବସର ରେ  ବିଭିନ୍ନ ସ୍ତର ରେ  କମିଟି ଗୁଡିକ ଗଠନ  କରାଯାଇଛି l ଏହି ବୈଠକ ରେ ଜ଼ିଲ୍ଲା ସ୍ତରୀୟ ସମସ୍ତ   ଅଧିକାରୀ, କର୍ମଚାରୀ, ସହର ର ବୁଦ୍ଧିଜୀବୀ, ବରିଷ୍ଠ ନାଗରିକ, ମିଡ଼ିଆ, ସମସ୍ତ ବ୍ଲକ ର ବିଡ଼ିଓ, ତହସିଲଦାର, ଯୋଗ ଦେଇ ବିଭିନ୍ନ ମତାମତ ରଖିଥିଲେ l