10-Oct-2022

ବରଗଡ:- ଉତ୍କଳମଣି ଗୋପନ୍ଧୁଙ୍କ ୧୪୫ ତମ  ଜୟନ୍ତୀ ଅବସରରେ ଅତାବିରା ବ୍ଲକ ଟାଙ୍ଗରପାଲି  ଶlନ୍ତିବନ ଗୁରୁକୂଳ ଆଶ୍ରମ ତଥା  ରାସ୍ତା କଡ଼ରେ  ପଞ୍ଚାୟତ ଉଚ୍ଚ ବିଦ୍ୟାଳୟ,ଟୋପ ର ବିଜ୍ଞାନ ଶିକ୍ଷୟିତ୍ରୀ ତଥା ପ୍ରକୃତି ବନ୍ଧୁ ଶ୍ରୀମତୀ ଅନୁସୁୟା ଦେବତା ଚାରାରୋପଣ  କରିଛନ୍ତି।  ସାମ୍ପ୍ରତିକ ପରିସ୍ଥିତିରେ  ସମାଜକୁ ସୁସ୍ଥ ରଖିବା  ପାଇଁ ସର୍ବୋତ୍କୃଷ୍ଟ ବ୍ୟବସ୍ଥା  ହେଉଛି ଲୋକଙ୍କୁ ସଚେତନ କରିବା ଓ ବୃକ୍ଷ ରୋପଣ କରିବା । କରୋନା ମହାମାରୀ ସମୟରେ  ଅନେକ ଲୋକଙ୍କ ଅମୂଲ୍ୟ ଜୀବନ  ଅମ୍ଳଜାନ  ଅଭାବରୁ ଚାଲିଯାଇଛି । ତେଣୁ ପରିବେଶରେ ଅମ୍ଳଜାନ ର ପରିମାଣ କୁ ବୃଦ୍ଧି କରିବାକୁ ହେଲେ ବୃକ୍ଷ ରୋପଣ ବ୍ୟତୀତ ଅନ୍ୟ କୌଣସି ବିକଳ୍ପ ନାହିଁ  ବୋଲି  ସେ କହନ୍ତି। ଏହା ବ୍ୟତୀତ ଗୋପବନ୍ଧୁ ଙ୍କ ଆଦର୍ଶ ନୀତି ଓ ନିଃସ୍ଵାର୍ଥପର ମାନବ ସେବା ରେ ଅନୁପ୍ରାଣିତ ହୋଇ ନିଜ ଜୀବନରେ ତାର କିଛି ପ୍ରତିଫଳନ ସୃଷ୍ଟି କରିବା ପାଇଁ ଆଜି ସେ ଏହି ବୃକ୍ଷ ରୋପଣ କରିଥିବା ସେ କହିଛନ୍ତି । ପ୍ରତି ବର୍ଷ ସେ ଏହି ଅବସରରେ ବୃକ୍ଷ ରୋପଣ କରିଥାନ୍ତି ।  ୨୦ ଟି ଅନେକ  ପ୍ରକାର ଫୁଲ  ଚାରା ସହ  କୃଷ୍ଣ ଚୂଡା,ନିମ୍ବ ଆଦି ଚାରା  ରୋପଣ କରି  ସେ ଜନସାଧାରଣଙ୍କୁ  ବାର୍ତ୍ତା  ଦେଇଛନ୍ତି  "ବୃକ୍ଷ ହିଁ ଜୀବନ  " ବୃକ୍ଷ ରୁ   ଅମ୍ଳଜାନ "। ଏହି ଚାରା ରୋପଣ କରିବା ସହ ସେ ଗୋପବନ୍ଧୁ ଙ୍କ ଏକ ବାଣୀ  କୁ ଜନମାନସରେ ପ୍ରତିଫଳିତ କରିବାର ପ୍ରୟାସ କରିଛନ୍ତି।