10-Oct-2022

ବଲାଙ୍ଗୀର, - ସାମାଜିକ ଅନୁଷ୍ଠାନ ନେତାଜୀ ସଂଗ୍ରାମୀ ପରିଷଦ ଆନୁକୂଲ୍ୟରେ ସ୍ଥାନୀୟ ସାମ୍ବାଦିକ ଭବନ ଠାରେ  ସାହିତ୍ୟଦର୍ଶୀ ବ୍ରଜବିହାରୀଙ୍କ ୧ଠ୩ ତମ ଜୟନ୍ତୀ ଏବଂ ବଲାଙ୍ଗୀର ଦିବସ ପାଳିତ ହୋଇଯାଇଛି । ଏହି ସାରସ୍ୱତ କାର୍ଯ୍ୟକ୍ରମରେ ଅତିଥି ବକ୍ତା ଭାବେ ଶିକ୍ଷାବିତ୍ ସନାତନ ଠାକୁର ଏବଂ ସାହିତ୍ୟିକ ପ୍ରଦୀପ ମିଶ୍ର ବ୍ରଜବିହାରୀଙ୍କ ସାହିତ୍ୟଦର୍ଶନର ବିଭିନ୍ନ ସୋପାନକୁ ଅନୁଶୀଳନ କରିଥିଲେ । ଏହି କାର୍ଯ୍ୟକ୍ରମକୁ  ନେତାଜୀ ସଂଗ୍ରାମୀ ପରିଷଦର ଆବାହକ  ବୀରେନ୍ଦ୍ର କୁମାର ବନ୍‌ଛୋର୍ ସଂଯୋଜନା କରିଥିଲେ । ସଭା ପ୍ରାରମ୍ଭରେ ବ୍ରଜବିହରାୀଙ୍କ ଚିତ୍ରପଟରେ ଅତିଥି ଏବଂ  ଶ୍ରୋତା ସମୂହ ପୁଷ୍ପମାଲ୍ୟ ଅର୍ପଣ କରି ପ୍ରଦୀପ ପ୍ରଜ୍ୱଳନ କରିଥିଲେ । ପରିଷଦର ସଭାପତି ଲକ୍ଷ୍ମୀନାରାୟଣ ପଟ୍ଟନାୟକ ବେଦବିଦ୍ୱାନଙ୍କ ଜୟନ୍ତୀ ଓ ବଲାଙ୍ଗୀର ଦିବସର ଅନୁଚିନ୍ତା ବିଷୟରେ ଆଲୋକପାତ କରିଥିଲେ । ଏହି କାର୍ଯ୍ୟକ୍ରମରେ ଉଦିତ ଚନ୍ଦ୍ର ପଣ୍ଡା, ରାଜକିଶୋର ଦାଶ, ଗେ।।ପଲଜୀ ପାଣିଗ୍ରାହୀ, ବଲାଙ୍ଗୀର ମୁସଲମାନ ସଂପ୍ରଦାୟର ସାମାଜିକ ଅନୁଷ୍ଠାନ ଖିଦ୍‌ମତେ ରସୁଲ୍ ର କର୍ମକର୍ତ୍ତା ସମୂହ, ରାମଶଙ୍କର ଶତପଥୀ,  କୁନୁ ପଣ୍ଡା, ଅଶ୍ୱିନୀ ପଟେଲ, ଜଗମୋହନ ପଟ୍ଟନାୟକ, ସଂଜୟ ଭୋଇ, ନାରାୟଣ ଆଚାର୍ଯ୍ୟ, ସ୍ମାଇଲ୍ ଫର୍ ଅଲ୍ ର ସଂଜୀବ ସାହୁ, ସାମ୍ବାଦିକ ରଘୁ ନନ୍ଦନ ସିଂହ, ସଂଦୀପ କୁଅଁର ପ୍ରମୁଖ ବହୁ ସାହିତ୍ୟିକ, ବୁଦ୍ଧିଜୀବୀ କାର୍ଯ୍ୟକ୍ରମରେ ଉପସ୍ଥିତ ରହି ଦାର୍ଶନିକ ବ୍ରଜବିହରୀଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ଶେଷରେ ପରିଷଦର ଅନ୍ୟତମ ସଭ୍ୟ ମୋହନ ଗୋପାଳ ପଣ୍ଡା ଧନ୍ୟବାଦ ଅର୍ପଣ କରିଥିଲେ ।୍ର ବ୍ରଜବିହାରୀଙ୍କ ପାଣ୍ଡୁଲିପିରୁ ଏକ ଅମୂଲ୍ୟ ସାହିତ୍ୟକୁ ନେତାଜୀ ସଂଗ୍ରାମୀ ପରିଷଦ ତରଫରୁ  ମୂଦ୍ରଣ  କରିବାକ ୁଶ୍ରୋତା ମହଲରେ ମତପ୍ରକାଶ ପାଇଥିଲା ।