30-Nov-2020

(ପ୍ରେରଣା ଖବର) - ସମୟର ନା କେହି ଶତ୍ରୁ ଥାଏ ନା କେହି ମିତ୍ର ଥାଏ, ନା କେହି ନିଜର ନା କେହି ପର । ସମୟ ତ ବହିଯାଉଥିବା ନଦୀପରି ସ୍ୱଚ୍ଛ, ନିର୍ମଳ ଆଉ ଦ୍ରୃତଗାମୀ, ଯେଉଁବ୍ୟକ୍ତି ସମୟ ସହିତ ପାଦ ମିଳାଇ ଚାଲିପାରେନାହିଁ, ସମୟ ତାଙ୍କୁ ପଛରେ ପକାଇ ଆଗକୁ ଚାଲିଯାଏ । ତେଣୁକରି ତ କଥାରେ ଅଛି ସମୟ କାହାକୁ ବି ଅପେକ୍ଷା କରେନାହିଁ ଆଉ ସମୟ ସବୁଠାରୁ ବଳବାନ ମଧ୍ୟ ଅଟେ ।।

ବେଳେ ବେଳେ ପାଇବାର ସମସ୍ତ ଆଶା, ଭରଷା ଆଉ ସମ୍ଭାବନା ତୁଟିଗଲା ପରେ, ନିଜର କର୍ତ୍ତବ୍ୟ ଓ ଧର୍ମ ପାଳନ କରୁ କରୁ ଭଗବାନଙ୍କ କୃପାରୁ ସେ ବସ୍ତୁ ପ୍ରାପ୍ତି ହୋଇଯାଏ । ଏଇ ଯେମିତି ଦ୍ରୌପଦୀ ନିଜ ଲଜ୍ଜ୍ୟାକୁ ରକ୍ଷା କରିବାର ସମସ୍ତ ଚେଷ୍ଟା କରିସାରି ଶେଷରେ ସମ୍ଭାବନାର ଭରଷା ତୁଟିଗଲା ପରେ କୋଟି ବସ୍ତ୍ର ପାଇଗଲେ । ତେଣୁକରି ତ ଭଗବାନଙ୍କ ଆଶୀର୍ବାଦ ରହିଲେ ଅସମ୍ଭବ କାର୍ଯ୍ୟ ବି ସମ୍ଭବ ହୋଇପାରେ ଏଥିରେ ଜମାରୁ ସଂକୋଚ ନାହିଁ ।।

ସବୁଠୁ ବଡ଼ ସେବା ହିଁ ଜୀବନର ଖୁସିକୁ ଅନ୍ୟର ସାଥିରେ ବାଣ୍ଟିବା । ଯେତେ ପର୍ଯ୍ୟନ୍ତ ଆପଣ ନିଜର ସମସ୍ୟା ଓ ଦୁଃଖର କାରଣ ଅନ୍ୟକୁ ଦୋଷ ଦେଇଥାଅ, ତେବେ ଜାଣିନିଅ ଆପଣଙ୍କ ସମସ୍ୟା ଓ ଦୁଃଖ କେବେ ବି ଦୂର ହେବନାହିଁ ।।