07-Oct-2022

ବଲାଙ୍ଗୀର ଜିଲ୍ଲା ସିନ୍ଧେକେଲା ଅଞ୍ଚଳର ଅଦ୍ଧିଷ୍ଠାତ୍ରୀ ଦେବୀ ମାଁ ଦ୍ବାରସେହ୍ନୀଙ୍କ ଷୋଡଶ ଦିନାତ୍ମକ ପୂଜାର ସବୁଠୁ ଗୁରୁତ୍ୱପୂର୍ଣ୍ଣ ବୁଏଲ ଯାତ୍ରା ଅନୁଷ୍ଠିତ ହୋଇଯାଇଛି । ମୁଳାଷ୍ଟମୀ ଠାରୁ ଆରମ୍ଭ ହୋଇଥିବା ଦଶହରା ପୂଜା ମଧ୍ଯରୁ ଅନ୍ୟତମ ହେଉଛି ବୁଏଲ ଯାତ୍ରା ।  ଦେବିଙ୍କ ଶୁକ୍ଲ ପୃଜା ଉପଚାର ଓ ରକ୍ତ ପୂଜା ଉପଚାର ର ଶେଷ ଦିନାତ୍ମକ ଓ ଗୁରୁତ୍ବପୂର୍ଣ୍ଣ ଦିବସ ହେଉଛି ବିଜୟାଦଶମୀ ତିଥି ଏହିଦିନ ଦେବୀ ମାଁ ଦ୍ବାରସେହ୍ନୀ ମନ୍ଦିର ରୁ ବାହାରକୁ ଆସିବା ସହ ନଗର ପରିକ୍ରମା କରି ଜନସାଧାରଣଙ୍କୁ ଦର୍ଶନ ଦେବାସହ  ସୁଃଖ ଦୁଃଖ ବୁଝି ଥାନ୍ତି । ଏହି ଦିନକୁ ଅଞ୍ଚଳ ବାସି ଚାତକ ପରି ଅପେକ୍ଷାକରି ରହିଥାନ୍ତି। ସେଥିପାଇଁତ ସିନ୍ଧେକେଲାର ସମସ୍ତ ଜନସାଧାରଣଙ୍କ ଘର ବାଟରେ ଝୁଟି କାଟି ପିଢା ପକାଇ ନିଜ ଘର ପାଖକୁ ଦେବୀ କେତେବେଳେ ପହଞ୍ଚିବେ ଅପେକ୍ଷା କରି ରହିଥାନ୍ତି। ଏହି ସମୟରେ ଗୋପୀନାଥ ସାହୁଙ୍କ ନେତୃତ୍ବରେ ସିନ୍ଧେକେଲା ଓ ଖୋଳାନ ର ଯୁବକ ମାନେ ଅସୁର, କଟପ୍ପା , କାଳୀ ଏମିତି ଅନେକ ବେଶରେ ବାହାରି ଲୋକଙ୍କ ମନୋରଞ୍ଜନ କରିଥିଲେ।  ଚଳିତ ବର୍ଷ ଦେବୀଙ୍କ ମନ୍ଦିରରେ ସମସ୍ତ ସେବାୟତ ପହଞ୍ଚିବା ପରେ କେଉଁଟ ସେବକ ମାନେ ଗଡତିଆ ପରିବାର ମୁଖ୍ଯ( ରାଜା ) ଅରୁଣ ସିଂଦେଓଙ୍କୁ ତରବାରି ଖେଳ ପ୍ରଦର୍ଶନ କରିକରି ତାଙ୍କ ବାସଭବନ ଠାରୁ ମନ୍ଦିର ପର୍ଯ୍ୟନ୍ତ ପାଛୋଟି ଆଣିଥିଲେ।

ପରେ କାଳିସୀ ବିକ୍ରମ ଥନାପତୀଙ୍କ ଦେହରେ ଦେବୀ ସବାର ହେବାପରେ ମାଳି ସେବକ ମାନେ ମନ୍ଦାରମାଳ ବନତୁଳସୀ, ପଦ୍ମଫୁଲ ସହ ଅନ୍ଯାନ୍ଯ ଫୁଳମାଳ ରେ ସୁସଜ୍ଜିତ କରିବାପରେ ଦେବୀ ଛତର ମନ୍ଦିର ଓ ରାଜାଙ୍କ ବାସଭବନ ସାମ୍ନାରେ ଦେବୀ ଆସିଥିବା ସିଦ୍ଧ କରିବାକୁ ତରବାରି କୁ ଜିଭରେ ବଙ୍କା କରି ଦେଖାଇଥିଲେ। ଓ ପାଟପୂଜା ପାଇବାପରେ ଦେବୀ ନଗରଭ୍ରମଣ ପାଇଁ ବାହାରି ସାଧାରଣ ଲୋକଙ୍କ ଗହଣରେ ପହଞ୍ଚି ଲୋକଙ୍କ ସୁଃଖ ଦୁଃଖ ବୁଝିଥିଲେ। ଏଥିରେ ମନ୍ଦିରର ସମସ୍ତ ସେବାୟତ ସହଯୋଗ କରିଥିଲେ। ବୁଏଲ ଯାତ୍ରାରେ ସିନ୍ଧେକେଲାରେ ବହୁଭିଡ ପରିଲକ୍ଷିତ ହୋଇଥିଲା। ଦେବୀ ମନ୍ଦିରରୁ ମଙ୍ଗଳବାର ଅପରାହ୍ନ ୫ ଟାରେ ବାହାରିଥିବା ବେଳେ ବୁଧବାର ମଧ୍ୟାହ୍ନ ୨ ଟା ପର୍ଯ୍ୟନ୍ତ ଅବିରତ ଭାବେ ଦେବୀ ଭକ୍ତଙ୍କୁ ଦର୍ଶନ ଦେଇଥିଲେ। ପରେ ଦଶହରା ପାଇଁ ଗାଁକୁ ଆସିଥିବା ସମସ୍ତ ଦେବୀ , ଦେବତା ଓ ଯୋଗିନୀ ମାନଙ୍କୁ ଗାଁର ଚତୁଦ୍ଦିଗରେ ଥିବା ଶେଷ ସିମାନ୍ତ କୁ ପହଞ୍ଚି ବିଦାୟ ଦେବାସହ ଗାଁ ବାନ୍ଧି ଥିଲେ ରୁନି ଘିଚା କରିଥିଲେ ।