03-Oct-2022

ଡୁଙ୍ଗୁରିପାଲି-ସୁବର୍ଣ୍ଣପୁର ଜିଲ୍ଲା  ଡୁଙ୍ଗୁରିପାଲିରେ ଆଜି କୋସଲ ସାମ୍ବାଦିକ ସଂଘର ଲଗୋ ଉନ୍ମୋଚିତ ହୋଇଯାଇଛି ।  କୋସଲାଞ୍ଚଳର ସଂସ୍କୃତି, ପର୍ବପର୍ବାଣି, ଚଳଣୀ, ଲୋକକଥା ତଥା ଏହି ଅଂଚଳର ଐତିହ ଓ ଇତିହାସ, କୋସଲାଞ୍ଚଳର ସାମ୍ବାଦିକମାନେ  ଅଲଗ କୋସଲ ପାଇଁ ଲେଖନୀ ଚଳାଇବା ଏହି ସଂଘର ଉଦ୍ଦେଶ୍ୟ । ଆଜି ସଂଘର ଲଗୋ ଉଦ୍ଘାଟନ ଅବସରରେ  ସଂଘର ସଭାପତି ବିପ୍ରଚରଣ ସାହୁଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଡୁଙ୍ଗୁରିପାଲି ସରପଞ୍ଚ ଚିତ୍ତରଞ୍ଜନ ମିଶ୍ର, ସମ୍ମାନିତ ଅତିଥି ଭାବେ ବଣିକ ସଂଘ ସଭାପତି ପ୍ରଦୀ ମିଶ୍ର, ସମାଜ ପାଠକ ମଞ୍ଚର ସଭାପତି ତଥା ପୂର୍ବତନ ସାମ୍ବାଦିକ ବିଜୟା ନନ୍ଦ ମିଶ୍ର ଯୋଗ ଦେଇଥିଲେ ।  ସ୍ଥାନୀୟ  ‘ସମାଜ’ଖବର କାଗଜର ପ୍ରତିନିଧି ରତ୍ନାକର ସେଠ ଅତିଥି ପରିଚୟ, ସ୍ୱାଗତ ଭାଷଣ ସହିତ କୋସଲାଞ୍ଚଳର ଜଣେ କାର୍ଯ୍ୟରତ ସାମ୍ବାଦିକ ଏହାର ସଭ୍ୟ ହୋଇ ପାରିବେ ବୋଲି  ପ୍ରକାଶ କରିଥିଲେ । ସଂପାଦକ ମୁକେଶ କୁମାର ଭୋଇ ସଂଘର ବୀବରଣୀ ପାଠ କରିଥିଲେ । ଖୁବ୍ କମ୍ ଦିନରେ ଏହି ସଂଘ ଆରମ୍ଭ ହୋଇ ଏହାର ପଞ୍ଜିକରଣ ମଧ୍ୟ ହୋଇଥିବା ସଂପାଦକ  ପ୍ରକାଶ କରିଥିଲେ ।  ଅଲଗ କୋସଲ ରାଏଜ, ଏହି ଅଂଚଳର ବିଭିନ୍ନ ସମସ୍ୟା ଉପରେ ସ୍ୱତନ୍ତ୍ର ଦୃଷ୍ଟି ଦେଇ ଖବର ଗୁଡିକ ମୂଖ୍ୟ ପୃଷ୍ଠା ଯେପରି ମଣ୍ଡନ କରିବ ସେ ଉପରେ  ଅତିଥିମାନେ ମତ ବ୍ୟକ୍ତ କରିଥିଲେ । ଉକ୍ତ କାର୍ଯ୍ୟକ୍ରମରେ  ଏହି ଅଂଚଳର ବିଭିନ୍ନ ସଂଗଠନର ସଭାପତି, ସଂପାଦକମାନଙ୍କ ମଧ୍ୟରେ ଏସସି କଲ୍ୟାଣ ସଂଘର ସଭାପତି ସୁରୁବାବୁ ନନ୍ଦ, ଡ୍ରଗିଷ୍ଟ ସଂଘ ପକ୍ଷରୁ ରବିନ୍ଦ୍ର ସାହୁ, ସାହିତ୍ୟ ଓ ସାଂସ୍କୃତିକ ସଂସଦର ସଂପାଦକ ଅମୁଲ୍ୟ ବେହେରା, ସମ୍ବାଦ ସାହିତ୍ୟ ଘରର ସଭାପତି ଗୋପାଳ ବାରିକ, ସେବା ଅନୁଷ୍ଠାନର ପ୍ରତିଷ୍ଠାତା ବିଭୁଦତ୍ତ ବିଶ୍ୱାଳ, କୋସଲ ପ୍ରେମୀ ନିତାଇ ପାଳ, ଲାୟନ୍ସ କ୍ଲବର ସଭାପତି ଦୁର୍ବାସା ବେହେରା, ଓକିଲ ସଂଘର ସଭାପତି ସୁବାଷ ଚନ୍ଦ୍ର ଭୋଇ, ଟ୍ରାକ୍ଟର ମାଲିକ ସଂଘର ନକୁଲ ସ୍ୱାଇଁ ଓ ହରିହର ଦାସ, ଡ୍ରାଇଭର ସଂଘର ପ୍ରମୋଦ ସାହୁ, କୋସଲ ସେନାର ସଭାପତି ସରୋଜ ପଧାନ,ମାରୱାଡି ଯୁବାମଞ୍ଚର ସଭାପତି ରାକେଶ ଅଗ୍ରୱାଲ, ସଂପାଦକ ମହେଶ ଅଗ୍ରୱାଲ, ଜୟଦେବ ମହାକୁର,ଅମୁଲ୍ୟ ପଣ୍ଡା ପ୍ରମୁଖ ସଂଘକୁ ମଜବୁତ କରି ଏହାର ଉତ୍ତରୋତ୍ତର କାମନା କରିଥିଲେ । ଏହି ଅବସରରେ ଅତିଥିମାନେ ଗାନ୍ଧି ଏବଂ ନେହେରୁଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ କରିଥିଲେ ।  କୋସଲ ସାମ୍ବାଦିକ ସଂଘର ଅରବିନ୍ଦ ମିଶ୍ର, ତୁଲସୀ ପ୍ରସାଦ ଦାଶ, ଦେବରାଜ ବେହେରା, କମଲ ମେହେର, ମହନ ମେହେର, ଘନଶ୍ୟାମ ମେହେର, ଲକ୍ଷ୍ମଣ ନାଏକ, ବିରାଜ ନନ୍ଦ ପାଢୀ, ପ୍ରେମାଲାଲ ସେଠ, ଶେଷରେ ସାମ୍ବାଦିକ ସାଗର ଜେନା ଧନ୍ୟବାଦ ଅର୍ପଣ କରିଥିଲେ ।