23-Sep-2022

ଲୋଇସିଂହା, (ବିନୋଦ କୁମାର ଦୀପ) ଆଜି ଲୋଇସିଂହା ବ୍ଲକ ପରିସରରେ ନୋଡାଲ ସାନିଟେସନ ଆଇସି ସିଦ୍ଧାର୍ଥ ପାଢ଼ୀଙ୍କ ତତ୍ୱାବଧାନରେ ସ୍ଵଛ ଭାରତ ମିଶନ ଗ୍ରାମୀଣ, ସ୍ୱଚ୍ଛତା ଶପଥ ପାଠର ଦ୍ଵିତୀୟ ପର୍ଯ୍ୟାୟ ଅନୁଷ୍ଠିତ ହୋଇଯାଇଛି l ଶପଥ ପାଠରେ ନିଜେ ସଫା ହେବାସହ ନିଜ ଘରର ଚତୁର୍ପାଶ୍ୱକୁ ସଫାରଖିବା, ବାହାରେ ନ କରି ନିଜ ଘର ପାଇଖାନାରେ ମଲତ୍ୟାଗ କରିବା, ଖାଇବା ପୂର୍ବରୁ ଓ ଶୌଚପରେ ସାବୁନରେ ହାତ ଧୋଇବା, ଆବର୍ଜନା ଏଣେତେଣେ ନ ପକାଇ ଆବର୍ଜନା

କୁଣ୍ଡରେ ପକାଇବା, ପ୍ଲାଷ୍ଟିକ ଓ ପଲିଥିନର ବ୍ୟବହାର କମ କରିବା ଭଳି ଶପଥ ପାଠ ହୋଇଥିଲା l ଏହି ସ୍ୱଚ୍ଛ ଭାରତ ଅଭିଯାନ କାର୍ଯ୍ୟକ୍ରମରେ ଉପସ୍ଥିତ ଥିଲେ ବିପିଏମ ମଧୁସ୍ମିତା ବିଶ୍ୱାଳ, ବିଆରସି ଛବିଳ କୁମାର ବେହେରା, ମାଷ୍ଟରଟେନର, ଜିପିଓ କିଶୋର ଚନ୍ଦ୍ର ମାନସିଂହ, ଇଓ ପ୍ରେମାନନ୍ଦ ମହାଲିଙ୍ଗ, ଲୋଇସିଂହା ସରପଞ୍ଚ ନବ କିଶୋର ନାଏକ, ବିଏଲଏଫ, ଜିପିଏଲଏଫ, କମ୍ୟୁନିଟି କେଡ଼ର ସହ ବ୍ଲକର ଅନ୍ୟାନ୍ୟ କର୍ମଚାରୀ ମାନେ ସହଯୋଗ କରିଥିଲେ l