23-Sep-2022

କଳାହାଣ୍ଡି,କୋକସରା( ତ୍ରିନାଥ ବେଶ୍ରା )
 ଖବର ସଂଗ୍ରହ କରିବା କୁ ଯାଇ ଥିବା ୨ ସାମ୍ବାଦିକ ଏବେ  ଖବର ହୋଇ ଯାଇଛନ୍ତି। ଏଭଳିକି ମାନବିକତା ଦେଖାଇ ଜଣେ ବୃଦ୍ଧ ଙ୍କ ଶବ କୁ ରାସ୍ତା ରୁ ଟେକି ନେଇ ମହାପ୍ରଣୟ ଗାଡ଼ି ଯୋଗେ ଡାକ୍ତର ଖାନl ଙ୍କୁ ପଠାଇ ଚର୍ଚ୍ଚା ବିଷୟ ହୋଇଛନ୍ତି। ଏଭଳି ଘଟଣା ଦେଖି  ବାକୁ ମିଳିଛି କୋକସରା ବ୍ଲକ ଆମ ପାଣି ଠାରେ ସୂଚନା ଅନୁସାରେ, କୋକସରା ବ୍ଲକ ଆମପାଣି ବସଷ୍ଟାଣ୍ଡ ରେ ଆଜି ସକାଳେ ହାଇଦ୍ରାବାଦ ବସ ରୁ ଜଣେ ଦାଦନ ଯାଇଥିବା ଶ୍ରମିକ ଘର କୁ ଫେରୁଥିବା ବେଳେ ଆମପାଣି ବସଷ୍ଟାଣ୍ଡ ରେ ଓଲ୍ଲେଇବା ପରେ ହଠାତ ରାସ୍ତା ଉପରେ ପଡି ମୃତ୍ୟୁ ହୋଇଛନ୍ତି। ଯାତ୍ରୀ ଜଣକ ଜୁନାଗଡ଼ ବ୍ଲକ ଦାସିଗା ତାଳପଦର ଜଳଧର ନିଆଲ (୫୫) ସେ ଗତ ଦେଢ଼ ମାସ ତଳେ ଦାଦନ ଖଟିବାକୁ ହାଇଦ୍ରାବାଦ ଯାଇ ଆଜି ସଂଗୀତା ନାମକ ଏକ ଯାତ୍ରୀବାହୀ ବସରେ ଘର କୁ ଫେରୁଥିଲେ, ହେଲେ ବସ ଟି ସିନାପାଲି ଯାଉଥିବା ବେଳେ ଆମପାଣି ବସଷ୍ଟାଣ୍ଡରେ ତାଙ୍କୁ ଓଲ୍ଲେଇ ଦେଇଥିଲେ।ତାଙ୍କ ସହ ତାଙ୍କ ସ୍ତ୍ରୀ ରହିଛନ୍ତି। ଶବ ଟି ବସଷ୍ଟାଣ୍ଡ ରେ ପଡି ରହିଥିଲା ତେବେ ଶବ ରାଜରାସ୍ତା ରେ ପଡି ଥିବା କାରଣ ରୁ ଗ୍ରାମବାସୀ ଙ୍କ ଅସନ୍ତୋଷ ଦେଖାଦେଇଛି। ଘଟଣା ପରେ ପୋଲିସ ପହଂଚି ତଦନ୍ତ ଆରମ୍ଭ କରିଛି ହେଲେ ଦୀର୍ଘ ସମୟ ରାସ୍ତାରେ ପଡି ରହିଥିବା ଦେଖି ଖବର ସଂଗ୍ରହ ପାଇଁ ଯାଇଥିବା ପ୍ରେରଣା ଖବର ସାମ୍ବାଦିକ ତ୍ରିନାଥ ବେଶ୍ରା ଓ ଫୋକସ୍ ପ୍ଲସ ର   ସାମ୍ବାଦିକ ତ୍ରିଲୋକ୍ୟ ଵେଶ୍ରା  ଦୁଇ ସାମ୍ବାଦିକ ରାସ୍ତା ରେ ପଡି ରହିଥିବା ମର ଶରୀରକୁ ଟ୍ରେଚର ସାହାଯ୍ୟା ରେ ବୋଝେଇ କରି ମହlପ୍ରଣୟ ଗାଡ଼ି ରେ କୋକସରା ଡାକ୍ତର ଖାନ। କୁ ପଠାଇ ଦେବା ମାନବିକତା ଦେଖାଇ ପ୍ରଶଂସା ଜନକ କାର୍ଯ୍ୟ କରି ଥିବା ଦେଖିବାକୁ ମିଳିଛି ।