23-Sep-2022

ବଲାଙ୍ଗୀର(ମଳୟ ମିଶ୍ରଙ୍କ ରିପୋର୍ଟ ) ଗତ ୧୬ ତାରିଖରେ କଣ୍ଟାବାଞ୍ଜି ସହରର ଶ୍ରୀ ଅନ୍ନପୂର୍ଣା ହୋଟେଲରେ କଣ୍ଟାବାଞ୍ଜି ପୁଲିସ୍ ଚଢାଉ କରି ୭ ଜଣ ଆନ୍ଧ୍ରର ଦାଦନସେଠଙ୍କୁ ଜୁଆଡି ସଜାଇ ଗିରଫ କରି ଥାନାରୁ ନୋଟିସ୍ ଦେଇ ସ୍ଥାନୀୟ ଦାଦନସର୍ଦ୍ଦାରଙ୍କ ମାର୍ଫତ୍ ରେ ଛାଡିଦେବା ଓ ସେମାନଙ୍କଠାରୁ ଲକ୍ଷାଧିକ ଟଙ୍କା ଜବତ କରିବା ଏବଂ ଏଥିରେ କୋଟିଏରୁ ଉର୍ଦ୍ଧ୍ବଟଙ୍କା ପୁଲିସ୍ ହଡପ କରିଥିବା ସହ ଥାନା ଓ ପୁଲିସ୍ ଠାରୁ ଆହୁରି ୨୦ ଲକ୍ଷ ଟଙ୍କା ଉଦ୍ଧାର କରାଯାଇଥିବା ଇତ୍ୟାଦି ଅଭିଯୋଗରେ ସମ୍ପୃକ୍ତ ଏସଡିପିଓଙ୍କୁ ବଦଳି ଘଟଣାରେ ଅଦ୍ୟାବଧି  ଆବଶ୍ୟକୀୟ ଆଇନଗତ ମାମଲା ଋଜୁ ଓ କା,ର୍ଯ୍ୟାନୁଷ୍ଠାନ ଗ୍ରହଣ କରାଗଲାଣି କି  ? ଏହାର ତଦନ୍ତ କାହାଦ୍ବାରା କେବେ ହେବ ଓ ଏସମ୍ପର୍କରେ ବିଭାଗୀୟ ଉଚ୍ଚ ପଦାଧିକାରୀ ତଥା ସରକାର ଏଯାଏଁ  କାର୍ଯ୍ୟାନୁଷ୍ଠାନରେ ତତ୍ପରତା ଦେଖାଇବାରେ ବିଳମ୍ବ କାହିଁକି ବୋଲି ଜନସାଧାରଣରେ ଜିଜ୍ଞାସା ସୃଷ୍ଟି ହୋଇଛି ।

ଇତିମଧ୍ୟରେ ପ୍ରଥମେ ଅଭିଯୁକ୍ତ ପୁଲିସ୍ କର୍ମଚାରୀଙ୍କ ଦ୍ବାରା ଜୁଆଖେଳ ଓ ଜବତ ୫୮ ଲକ୍ଷ ୫୨ ହଜାର ୨୫୦ ଟଙ୍କା କୋର୍ଟ ଆଦେଶକ୍ରମେ ବ୍ୟାଙ୍କ ରେ ଜମା କରାଯାଇଛି ।  ପରବର୍ତ୍ତୀ ସମୟରେ ଏହି ହୋଟେଲର ଚଢାଉରେ ହଡପ ହୋଇ ଥାନାରୁ ୧୩ ଲକ୍ଷ ଓ ଏସଡିପିଓଙ୍କ ଘରମାଲିକଠାରୁ ୭ ଲକ୍ଷ ଟଙ୍କା ଉଦ୍ଧାର କରାଯାଇଥିବା ପ୍ରକାଶ ପାଇଥିବାବେଳେ , ଏହା କେବେ କୋଉଠି ଜମା କରାଯିବ ? ଏତଦ୍‌ବ୍ୟତୀତ ଏହି ମାମଲାରେ ଆଉ କିଏ କିଏ ସମ୍ପୃକ୍ତ ରହିଛନ୍ତି ଓ  ଅଭିଯୁକ୍ତଙ୍କ ବିରୁଦ୍ଧରେ ଥାନାରେ ଚୋରି ବା ହଡପ ଦଫାରେ ମାମଲା ଋଜୁ କରାଯିବ କି ନାହିଁ  ? ଏସମ୍ପର୍କରେ ସରକାରଙ୍କ ବିଳମ୍ବର କାରଣ କ'ଣ  ? 

ଆଶ୍ଚର୍ଯ୍ୟର ବିଷୟ ଯେ ଏଥିରେ ଜଡିତ କଣ୍ଟାବାଞ୍ଜି ଏସଡିପିଓ ଡ. ହୃଷିକେଶ ମେହେରଙ୍କ ବ୍ୟତୀତ ଥାନାଧିକାରୀ ବାମଦେବ ଶଙ୍ଖୁଆଳ ଓ ଅନ୍ୟ ପୁଲିସ୍ କର୍ମଚାରୀଙ୍କ ସମେତ ଜିଲ୍ଲା ପୁଲିସର ମୁଖିଆ ଏସ ପି ନୀତିନ କୁଶଳକରଙ୍କୁ ନିର୍ଦ୍ଦୋଷ ଚିତ୍ରଣ କରାଯିବାରେ କେତେକ ଗଣମାଧ୍ୟମ ଓ  କିଛିବର୍ଷତଳେ ଏପରି ଏକ ହୋଟେଲରୁ ଆନ୍ଧ୍ରଦାଦନସେଠଙ୍କୁ ଗିରଫ ଘଟଣାରେ  ଥାନାରେ ଯାଇ ଧାରଣାଦେଇଥିବା  କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜାଙ୍କର ସଫେଇ ଉଦ୍ଦେଶ୍ୟମୂଳକ ନୁହେଁ ତ ବୋଲି ସନ୍ଦେହ ପ୍ରକାଶ ପାଉଛି । ଅଭିଯୁକ୍ତ ଡିଏସପି ଡ.ମେହେର ତାଙ୍କ ମୁଣ୍ଡରେ ଅଠା ବୋଳି ଦିଆଯାଇଛି ବୋଲି ସଫେଇ ଦେଉଥିଲାବେଳେ , କେତେକ ଗଣମାଧ୍ୟମରେ ତାଙ୍କୁ ତାଙ୍କର ପୂର୍ବ କାର୍ଯ୍ୟକଳାପକୁ ଉଲ୍ଲେଖ କରାଯାଇ ତାଙ୍କୁ ଚୋରଚଣ୍ଡାଳ ଆଖ୍ୟା ଦିଆଯାଇସାରିଥିବା  ବଲାଙ୍ଗୀର ପୁଲିସ୍ ପ୍ରଶାସନର ଚିତ୍ରକୁ ବିବଦମାନ କରିପକାଇଛି । ଏଣୁ ସରକାର ତୁରନ୍ତ ଏହି ମାମଲାର ଉଚ୍ଚସ୍ତରୀୟ ଉଚିତ୍ ତଦନ୍ତ କରାଇ ସମସ୍ତ ଜଡିତ ବା ସମ୍ପୃକ୍ତ ଦୋଷୀଙ୍କ ବିରୁଦ୍ଧରେ ଶୀଘ୍ର ଦୃଷ୍ଟ୍ବାନ୍ତମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜିଲ୍ଲାର ନିର୍ବାଚିତ ସାଂସଦ , ମନ୍ତ୍ରୀ , ବିଧାୟକ ଓ ଲୋକପ୍ରତିନିଧିମାନେ ସରକାରଙ୍କ ନିକଟରେ ଦାବିକରିବା ଆବଶ୍ୟକ ବୋଲି ମତପ୍ରକାଶ ପାଉଛି ।