23-Sep-2022

ବିନିକା(ହିମାଂଶୁ ଶେଖର ପୁଟେଲ) ବିନିକା ବ୍ଳକ ଅନ୍ତର୍ଗତ ମହଦା ପଞ୍ଚାୟତ ଅଫିସ ପ୍ରାଙ୍ଗଣରେ ଡାକ ବିଭାଗ ପକ୍ଷରୁ ଡାକ ମେଳା ଓ ଆର୍ଥିକ ସଚେତନତା କାର୍ଯ୍ୟକ୍ରମ ସରପଞ୍ଚ ଭୀମସେନ ସିଂଦେଓଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା l ଏଥିରେ ବଲାଙ୍ଗୀର ଡିଭିଜନ ଡାକ ବିଭାଗର ସୁପରିଷ୍ଟେଣ୍ଡଣ୍ଟ ରାଜେନ୍ଦ୍ର କୁମାର ପଟ୍ଟନାୟକ, ସୋନପୁର ଡାକ ବିଭାଗର ଇନ୍ସପେକ୍ଟର ବାଳମୁକୁନ୍ଦ ବାରିକ,ମ୍ୟାନେଜର କୃଷ୍ଣଚନ୍ଦ୍ର ନାଏକ,ଡେଭଲପମେଣ୍ଟ ଅଫିସର ରାହୁଲ କୁମାର ଯୋଗଦେଇ ଭାରତୀୟ ଡାକ ସେବାର ଉପକାରିତା ସଂପର୍କରେ ଏବଂ ଆର୍ଥିକ ସଚେତନତା କାର୍ଯ୍ୟକ୍ରମ ଉପରେ ଉପସ୍ଥିତ ଲୋକଙ୍କୁ ପ୍ରାଞ୍ଜଳ ଭାବେ କହିଥିଲେ ।ଏହି ଅବସରରେ ଶଙ୍କରା ପୋଷ୍ଟ ମାଷ୍ଟର ନିତୁରାନୀ ଦାଶ ଗୋଟିଏ ଦିନରେ ୭୬ଗୋଟି ପଲିସି ଖୋଲି ଦେଡ କୋଟି ଟଙ୍କା ଡାକ ବିଭାଗରେ ଜମା କରିଥିବାରୁ ଅତିଥି ମାନେ ତାଙ୍କୁ ସମ୍ମାନୀତ କରିଥିଲେ ।ଶେଷରେ  ମହଦା ପୋଷ୍ଟ ମ୍ୟାନ ଗାୟତ୍ରୀ ଭୋଇ ଧନ୍ୟବାଦ ଅର୍ପଣ କରିଥିଲେ l କାର୍ଯ୍ୟକ୍ରମରେ ପୋଷ୍ଟାଳ ବିଭାଗର ସମସ୍ତ କର୍ମଚାରୀ ଯୋଗଦେଇଥିଲେ ।