19-Sep-2022

ସିନ୍ଧେକେଲା (ଅନୀଲ କୁମାର ତ୍ରିପାଠୀ):ପ୍ରତିବର୍ଷ ଦଶହରା ମାସରେ ସିନ୍ଧେକେଲା ଅଞ୍ଚଳର ଅଧିଷ୍ଠାତ୍ରୀ ଦେବୀ ମାଁ ଦ୍ବାରସେହ୍ନୀ ଦେବୀଙ୍କ ଷୋଡଶ ଦିନାତ୍ମକ ଦଶହରା ଯାତ୍ରା ବେଶ ଧୁମଧାମରେ ପାଳିତ ହୋଇଥାଏ। ମୁଳାଷ୍ଟମୀ ଠାରୁ ଆରମ୍ଭ ହୋଇ ବିଜୟା ଦଶମୀ ପର୍ଯ୍ୟନ୍ତ ଷୋଡଶ ଉପଚାରରେ ମାଁଙ୍କ ପୁଜା ହେବାକୁ ଥିବାବେଳେ କାର୍ଯ୍ଯସୂଚୀ ଅନୁଯାଇ ୧୭ ତାରିଖ ଶନିବାର ମୁଳାଷ୍ଟମୀ ରେ ଖଣ୍ଡାବସା କାର୍ଯ୍ୟକ୍ରମ ରୁ ଆରମ୍ଭ ହୋଇଛି ସିନ୍ଧେକେଲା ଦଶହରା। ୨୫ ତାରିଖ ରବିବାର ଛତ୍ରଉଭା, ୨୬ ତାରିଖ କନିଆଅନା 

ବାଇଚଗାଁ ଯାତ୍ରା, ୦୨ ତାରିଖ ପୀଠେ ମହାଷ୍ଟମୀ ବା ବଡପୂଜା, ୪ ତାରିଖ ବିଜୟା ଦଶମୀ ବା ବୁଏଲ ଯାତ୍ରା, ୫ ତାରିଖ ରୁନିଘିଚା କାର୍ଯ୍ୟକ୍ରମ ଅନୁଷ୍ଠିତ ହେବା ପାଇଁ ସିନ୍ଧେକେଲା ରାଜ ପରିବାର ମୁଖ୍ଯ ଅରୁଣ ସିଂହଦେଓଙ୍କ କାର୍ଯ୍ଯସୂଚୀ ବାହାରି ସାରିଛି। ଏହାକୁ ନେଇ ପ୍ରଥମ ଦିନ ମୂଳାଷ୍ଟମୀ ତିଥିରେ ମନ୍ଦିରର ସମସ୍ତ ସେବାୟତ ମାନେ ରାଜା ଶ୍ରୀ ସିଂହଦେଓଙ୍କୁ ତାଙ୍କ ବାସଭବନ ରୁ ଦେବୀଙ୍କ ମନ୍ଦିର ପର୍ଯ୍ୟନ୍ତ ଢୋଲ, ନିଶାନ, ତାସା, ମହୁରୀ ବଜାଇ ପାଛୋଟି ନେଇଥିଲେ। ପରେ ମନ୍ଦିରରେ କାଳିସୀ ବିକ୍ରମ ଥନାପତୀଙ୍କ ଦେହରେ ଦେବୀ ସବାର ହୋଇ ଏ ବର୍ଷ ଦେବୀ ମନ୍ଦିର ବାହାରକୁ ବାହାରି ଦଶହରା ପର୍ବ ପାଳନ କରାଯିବାର ଆଦେଶ ଦେବାପରେ ସିନ୍ଧେକେଲା ଅଞ୍ଚଳରେ ଖୁସିର ଲହରି ଖେଳି ଯାଇଛି । ପ୍ରକାଶ ଥାଉକି କରୋନା ମହାମାରି ଯୋଗୁଁ ଦେବୀଙ୍କ ଯାତ୍ରା ଦୁଇବର୍ଷ ହେଲା ବନ୍ଦ ଥିଲା ତେଣୁ ଏ ବର୍ଷ ବହୁ ଦୂରଦୁରାନ୍ତରୁ ଭକ୍ତ, ଶ୍ରଦ୍ଧାଳୁ ଓ ମାନସିକ ଧାରି ପହଞ୍ଚିବାର ଆଶା ରହିଛି । ତେବେ ବିଶେଷକରି ଏହି

ଷୋଡଶ ଦିନାତ୍ମକ ପୁଜା ମଧ୍ୟରେ ଇଚଗାଁ ଯାତ୍ରା ବା କନିଆଅନା ଯାତ୍ରାର ବିଶେଷତ୍ବ ହେଲା ସିନ୍ଧେକେଲାରୁ ଇଚଗାଁ ପର୍ଯ୍ୟନ୍ତ ଦିର୍ଘ ୯ କିଲୋମିଟର ଧରି ଦେବୀ ଚାଳିଚାଳି ଯାଇ ଫେରିଥାନ୍ତି। ଏଥିରେ ୯ କିଲୋମିଟର ଧରି ରାସ୍ତା ଜନ ସମୁଦ୍ର ପାଳଟିଥାଏ। ଏଥିରେ ବହୁ ରାଜନୈତିକ ବ୍ୟକ୍ତିବିଶେଷ ବି ସାମିଲ ହୋଇ ମାଁଙ୍କ ଦର୍ଶନ କରିଥାନ୍ତି। ତେଣୁ ପୋଲିସ ପ୍ରଶାସନ ଏ ଉପରେ ବିଶେଷ ଦୃଷ୍ଟିଦେବା ଆବଶ୍ୟକ ଓ ଫୋର୍ସ ମୁତୟନ ଜରୁରୀ ବୋଳି ମତପ୍ରକାଶ ପାଇଛି।