19-Sep-2022

ଟିଟିଲାଗଡ଼ ବ୍ଲକ୍ ଅନ୍ତର୍ଗତ ଅଦାବାହାଲ ପଞ୍ଚାୟତ ଅଧିନସ୍ଥ ଡୁଙ୍ଗୁରିଗୁଡା ଗାଁ ରେ ମାଟି ଅତଡା ଖସି ଦୁଇ ଜଣ ବ୍ୟକ୍ତି ଙ୍କ ମୃତ୍ୟୁ ହୋଇଛି, ମିଳିଥିବା ସୂଚନା ଅନୁସାରେ ଟିଟିଲାଗଡ଼ ଅଞ୍ଚଳ ରେ ବର୍ତ୍ତମାନ୍ ବର୍ଷା ଅଭାବରୁ ମରୁଡ଼ି ପରିସ୍ଥିତି ସ୍ରୁଷ୍ଟି ହୋଇଛି। ଡୁଙ୍ଗୁରିଗୁଡା ଗାଁ ର ଗଣେଶ ବାଗ (୫୦) ଓ

ପରଦେଶୀ ଭୋଇ (୩୦) ଗାଁ ପୋଖରି ର ହିଡ କାଟି ଜମିକୁ ପାଣି ନେବାପାଇଁ ଉଦ୍ୟମ କରୁଥିବା ସମୟରେ ହିଡ ଧସି ଯିବାରୁ ୨ ଜଣ ବ୍ୟକ୍ତି ଙ୍କ ଘଟଣା ସ୍ଥଳରେ ମୃତ୍ୟୁ ହୋଇଛି । ଖବର ପାଇବାପରେ ସ୍ଥାନୀୟ ଲୋକେ ଓ ଅଗ୍ନିଶ୍ରମ ବିଭାଗ ଘଟଣା ସ୍ଥଳରେ ପହଞ୍ଚି ଶବ ଉଦ୍ଧାର କରିବା ସହ ଟିଟିଲାଗଡ଼

ମୁଖ୍ୟ ଡାକ୍ତରଖାନାକୁ ନେଇଛନ୍ତି। ଅନ୍ୟମାନଙ୍କ ମଧ୍ୟରେ ଅଗ୍ନିସମ ବିଭାଗର ହାବିଲଦାର ଚୈତନ୍ୟ ମହାରଣା, ଦୁଃଖିରାମ ପ୍ରଧାନ, ଧରମ ସିଂ ମାଝୀ, ଭଗତରାମ ଶବର ପ୍ରମୁଖ ଉଦ୍ଧାର କାର୍ଯ୍ଯ କରିଥିଲେ । ଡୁଙ୍ଗୁରିଗୁଡା ସିନ୍ଧେକେଲା ଥାନା ଅଧିନରେ ଆସୁଥିବାରୁ  ଆଇଆଇସି ଆଲୋକ ବେହେରାଙ୍କୁ ମୋବାଇଲ ଯୋଗେ ଯୋଗାଯୋଗ କରାଯାଇ ଥିଲେହେଁ ସେ ଫୋନ ଉଠାଇ ନ ଥିବାରୁ ସବିଶେଷ ତଥ୍ଯ ମିଳି ପାରିନାହିଁ।

(ଅନୀଲ କୁମାର ତ୍ରିପାଠୀ ଙ୍କ ରିପୋର୍ଟ)