18-Sep-2022

ନବରଂଗପୁର/ଡାବୁଗାଁ/ (ମିହିର ଶଙ୍କର ପାତ୍ର) ନବରଙ୍ଗପୁର ଜିଲ୍ଲା ଡାବୁଗାଁ ବ୍ଲକ ନୋଡାଲ ଅଧିକାରୀ ତଥା ଡେପୁଟି କଲେକ୍ଟର ମୌସୁମୀ ନାୟକ ଗତ ୦୨ ସେପ୍ଟେମ୍ବର ଶୁକ୍ରବାର ଦିନ ଡାବୁଗାଁ ଗସ୍ତ କରି ବିଭିନ୍ନ ଅଙ୍ଗନୱାଡ଼ି କେନ୍ଦ୍ର ପରିଦର୍ଶନ କରିବା ସହ ଡାବୁଗାଁ ର( ମା ମୁତ୍ୟାଲୁ) ଏସଏଚଜି ଦ୍ଵାରା ପ୍ରସ୍ତୁତ ଛତୁଆ କେନ୍ଦ୍ର ପରିଦର୍ଶନ କରିଥିଲେ . ଛତୁଆ କେନ୍ଦ୍ରରେ ପ୍ରସ୍ତୁତ ଛତୁଆ ର ମାନ ନେଇ ଅସନ୍ତୋଷ ବ୍ୟକ୍ତ କରିବା ସହ ଛତୁଆ କେନ୍ଦ୍ର ପରିସର ଅପରିଷ୍କାର  ରହିବା ସହ ପୂର୍ତ୍ତି ଗନ୍ଧମୟ ଥିବା ଜାଣିଥିଲେ ଏହାପରେ ଡାବୁଗାଁ ସିଡିପିଓ ଙ୍କୁ ରିପୋର୍ଟ ତଲବ କରିଥିଲେ . ନୋଡାଲ ଅଧିକାରୀଙ୍କ ନିର୍ଦ୍ଦେଶ ପରେ ଡାବୁଗାଁ ସିଡ଼ିପିଓ ଗୀତାଞ୍ଜଳି ମହାରଣା ଅଧିକାରୀଙ୍କୁ ରିପୋର୍ଟ ପ୍ରଦାନ କରିଥିବା କହିଛନ୍ତି . ତେବେ ରିପୋର୍ଟ ରେ କଣ ସୂଚିତ କରିଛନ୍ତି ସେ ନେଇ କିଛି କହିବାକୁ ମନା କରିଛନ୍ତି . ତେବେ ରିପୋର୍ଟ ପ୍ରଦାନ ପରେ ଡାବୁଗାଁ  ନୋଡାଲ ଅଧିକାରୀ ତଥା ଡେପୁଟି କଲେକ୍ଟର ମୌସୁମୀ ନାୟକ କଣ ପଦକ୍ଷେପ ଗ୍ରହଣ କରୁଛନ୍ତି ତାହା ଦେଖିବାକୁ ବାକି ରହିଲା . ସୂଚନା ଥାଉ କି ଡାବୁଗାଁ ହାଟପଦା ରେ ଥିବା ମା ମୁତ୍ୟାଲୁ ସ୍ୱୟଂ ସହାୟକ ଗୋଷ୍ଠୀ କୁ ଡାବୁଗାଁ ବ୍ଲକ ରେ ସମସ୍ତ ଅଙ୍ଗନୱାଡ଼ି କେନ୍ଦ୍ରକୁ ଛତୁଆ ପ୍ରଦାନ ପାଇଁ ସ୍ଵୀକୃତି ଦିଆ ଯାଇଛି .  ତେବେ ମା ମୃତ୍ୟୁଲା ସ୍ଵୟଂ ସହାୟକ ଗୋଷ୍ଠୀ ଦ୍ଵାରା ପ୍ରସ୍ତୁତ ଛତୁଆ ନିମ୍ନ ମାନର ବୋଲି ବାରମ୍ବାର ଅଭିଯୋଗ ହୋଇ ଆସୁଥିଲେ ସୁଦ୍ଧା କିଛି ଅଧିକାରୀଙ୍କ ସଲା ସୁତୁରା ପରେ ତାହାକୁ ଚପାଇ ଦିଆ ଯାଉଥିଲା.  ବାରମ୍ବାର ଛତୁଆ ର ମାନ ନେଇ ଅଭିଯୋଗ ପରେ ମଧ୍ୟ ସଂପୃକ୍ତ ଛତୁଆ ପ୍ରଦାନ କାରି ଏସ ଏଚ ଜି ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରା ନ ଯିବା ସମସ୍ତଙ୍କୁ ଚକିତ କରୁଥିଲା . ଏଥି ପୂର୍ବରୁ ଛତୁଆ ନିମ୍ନ ମାନର ପ୍ରଦାନ ହେଉଥିବା ନେଇ ଡାବୁଗାଁ ବ୍ଲକ ର ମେଣ୍ଡରା ଗ୍ରାମବାସୀ ପୂର୍ବରୁ ଅଭିଯୋଗ କରିଥିଲେ. ଗତ ପଞ୍ଚାୟତ ସମିତି ବୈଠକ ରେ ମଧ୍ୟ ଅନୁରୂପ ଜନ ପ୍ରତିନିଧି ମାନେ ଡାବୁଗାଁ ବ୍ଲକ ରେ ଛତୁଆ ନିମ୍ନ ମାନର ପ୍ରଦାନ କରାଯାଉଥିବା ନେଇ ଅଭିଯୋଗ କରିଥିଲେ .ଏହା ପରେ ଦୁଇ ଥର ଛତୁଆ ର ମାନ ନେଇ ତଦନ୍ତ ହୋଇଥିଲା . ଗର୍ଭବତୀ ମହିଳା , ଶିଶୁ ଓ କିଶୋରୀ ମାନଙ୍କୁ ସରକାର ପୁଷ୍ଟିକର ଖାଦ୍ୟ ଦେବାକୁ କୋଟି କୋଟି ଟଙ୍କା ବ୍ୟେୟଙ୍କରୁଥିବା ବେଳେ ଡାବୁଗାଁ ବ୍ଲକ ରେ ଛତୁଆ ପ୍ରଦାନ କାରି ମା ମୁତ୍ୟାଲୁ ଏସ ଏଚ ଜି  ଛତୁଆ ମସୃଣ ବଦଳ ରେ ବହୁତ କଦ ରଖୁଛନ୍ତି , ଛତୁଆ ପ୍ରଦାନ ସମୟରେ ସେଥିରେ ଆସୁଥିବା ତେଲ ଦେଉ ନାହାନ୍ତି,

ଛତୁଆ ରେ ଚିନିର ପରିମାଣ କମ୍ କରୁଛନ୍ତି, ଏପରିକି ଛତୁଆ ପେକିଂ ଜରି ମଧ୍ୟ ବହୁତ ହାଲୁକା କରୁଛନ୍ତି . ତେବେ ଡାବୁଗାଁ ନୋଡାଲ ଅଧିକାରୀ ତଥା ଡେପୁଟି କଲେକ୍ଟର ଅଚାନକ ଡାବୁଗାଁ ରେ ମା ମୁତ୍ୟାଲୁ ସ୍ଵୟଂ ସହାୟକ ଦଳ ଦ୍ଵାରା ପ୍ରସ୍ତୁତ ହେଉଥିବା ଛତିଆ କେନ୍ଦ୍ର ପରିଦର୍ଶନ ପରେ ଏଥିରେ ସତ୍ୟତା ଥିବା ଜାଣିବା ସହ ଛତୁଆର ମାନ ନେଇ ଅସନ୍ତୋଷ ବ୍ୟେକ୍ତ କରିଥିଲେ . ଏବଂ ତଦନ୍ତ ସମୟରେ ଯାଇଥିବା ଡାବୁଗାଁ ର ନୂତନ ଭାବେ ଯୋଗ ଦେଇଥିବା ସିଡିପିଓ ଗୀତାଞ୍ଜଳି ମହାରଣାଙ୍କୁ  ଯଥା ଶୀଘ୍ର ଏହାର ରିପୋର୍ଟ ପ୍ରଦାନ କରିବାକୁ କହିଥିଲେ . ତେବେ ଡାବୁଗାଁ ନୋଡାଲ ଅଧିକାରୀ ସିଡିପିଓ ଙ୍କ ରିପୋର୍ଟ ପାଇବା ପରେ କି ପ୍ରକାର ପଦକ୍ଷେପ ଗ୍ରହଣ କରୁଛନ୍ତି ତାହା ଡାବୁଗାଁ ବାସି ଉତ୍ସୁକତାର ସହ ଅପେକ୍ଷା କରିଛନ୍ତି .