17-Sep-2022

ବରଗଡ଼:-ବରଗଡ ଜିଲ୍ଲା ପଦ୍ମପୁର ଓ ବୁଡେନ ଅଞ୍ଚଳରେ ନକଲି ମଦ କାରବାର ହେଉଥିବା ବିଶେଷ ସୂତ୍ରରୁ ଖବର ପାଇ ବରଗଡ଼ ଅବକାରୀ ଅଧିକ୍ଷକ ସୁବର୍ଣ୍ଣ ନାଏକଙ୍କ ନିର୍ଦ୍ଦେଶ କ୍ରମେ ଅବକାରୀ ଇନ୍ସପେକ୍ଟର ସମରଜିତ ଦାଶ ଓ ଅବକାରୀ ଓ.ଆଇ.ସି ଏଚ. ଜଗାରାଓ ଙ୍କ ତତ୍ୱାବଧାନରେ ଏକ ଟିମ ଗଠନ କରାଯାଇ ବୁଡେନ ଥାନା ଅନ୍ତର୍ଗତ ଡ଼ଙ୍ଗାଛଞ୍ଚା ଗ୍ରାମର ପ୍ରଦୀପ କୁମାର ଅଗ୍ରୱାଲଙ୍କ ବୟସ ୩୩ ଘରେ ଚଢ଼ାଉ କରି ନକଲି ବିଦେଶୀ ମଦ୮.୧୦୦ ଲିଟର,୧୮.୨୦୦ ଲିଟର ବିଅର, ଗୋଟିଏ ଫ୍ରିଜ,୨୧୭ ଟି ଖାଲି ବୋତଲ, ନକଲି ଅପମିଶ୍ରିତ କେମିକାଲ ଜବତ କରିବା ସହ ପଦ୍ମପୁର ଅବକାରୀ ବିଭାଗମୁଖ୍ୟ ଅଭିଯୁକ୍ତକୁ ଗିରଫ କରିଛି ।ଏହା ବ୍ୟତିତ ପଦ୍ମପୁର ଥାନା ରେ ଯାଉଥିବା  ଲୁହୁରାପାଲି ଗ୍ରାମର କୁଞ୍ଜ ବରିହା ବୟସ-୪୦ ଙ୍କ ଘରେ ମଧ୍ୟ ହଠାତ ଚଢ଼ାଉ କରି ୪୨ ଲିଟର ଦେଶୀ ମହୁଲି ମଦ ଜବତ ସହ ଅଭିଯୁକ୍ତଙ୍କୁ ଗିରଫ କରିଛି । ଉଭୟ ଦୁଇ ଅଭିଯୁକ୍ତଙ୍କୁ ପଦ୍ମପୁର ଏସଡିଜିଏମ କୋର୍ଟ ହାଜର କରାଯାଇ କୋର୍ଟ ଚାଲାଣ କରାଯାଇଥିବା ଯାଇଛି ବୋଲି   ପଦ୍ମପୁର ଅବକାରୀ ଇନ୍ସପେକ୍ଟର ଏଚ. ଜଗାରାଓ ସୂଚନା ପ୍ରଦାନ କରିଛନ୍ତି । ଆଗକୁ ନକଲି ମଦ କାରବାର ଉପରେ ଜୋରଦାର ଚଢ଼ାଉ ଜାରି ରହିବ  ବୋଲି ଶ୍ରୀଯୁକ୍ତ ରାଓ ଙ୍କ ଠାରୁ ପ୍ରକାଶ ।