17-Sep-2022

ବିନିକା(ହିମାଂଶୁ ଶେଖର ପୁଟେଲ) ଆଜି ଶ୍ରାବଣ ମାସ ଶନିବାର ପୁଅ ଜୁଉଁତିଆ ପର୍ବ । ପୁଅର ଶୁଭ ମନାସି ପାଇଁ ଉତ୍ସାହିତ ମାଁ ।ଏଥିପାଇଁ ସାରା ବିନିକା ଅଞ୍ଚଳ ଚଳଚଞ୍ଚଳ ହୋଇଉଠିଛି l ପୁଅର ମଙ୍ଗଳ ପାଇଁ ମା ମାନେ ନିର୍ଜଳା ଉପବାସରେ ପୂଜାର୍ଚ୍ଚନା କରି ତାର ଦୀର୍ଘ ଜୀବନ ସକାଶେ ହାତରେ ଜୁଉଁତିଆ ବାନ୍ଧି ଆଶିର୍ବାଦ ଦେଇଥାନ୍ତି lସେହିପରି ପୁଅ ଝିଅ ମଧ୍ୟ ନିଜର ମାଁ ଙ୍କୁ ମୁଣ୍ଡିଆ ଓ ହାତ ଯୋଡ଼ି ପ୍ରାର୍ଥନା କରନ୍ତି l ଏହି ପୂଜା ପାଇଁ ବ୍ୟବହୃତ ବିଭିନ୍ନ ଡିଜାଇନର ଜୁଉଁତିଆ ସହ ୨୧ପ୍ରକାରର ଫଳମୂଳ ଆଜି ବିନିକା ଦୈନନ୍ଦିନ ବଜାରରେ  କିଣିବାକୁ ନାହିଁ ନଥିବା ଲୋକଙ୍କ ଭିଡ଼ ଲାଗିରହିଥିଲା ଠିକ ସେହିପରି ମାଁ ଓ ପୁଅର ଖୁସି ପାଇଁ ବିଭିନ୍ନ କପଡା ଦୋକାନ ମାନଙ୍କରେ ମଧ୍ୟ ଆକର୍ଷଣୀୟ ପୋଷାକ ଭେଳିକି ଭେଲି ମିଳୁ ଥିବା ଦେଖାଯାଇଛି ।
//////////////////00000000//////////////////

: ପୁଅ ହେଉ କି ଝିଅ ହେଉ ଜନ୍ମ ଗ୍ରହଣ ଠୁଁ ମୃତ୍ୟୁ ପର୍ଯ୍ୟନ୍ତ ମା ର ମମତାର ବନ୍ଧନରେ ବାନ୍ଧି ହୋଇଥିବା ପର୍ବ ପୁଅଜୁଇନ୍ତିଆ ସମସ୍ତ ମା ମାନଙ୍କ ପାଳନ ପାଇଁ ଅପରିହାର୍ଯ୍ୟ ।କାରଣ ଜନ୍ମଦାତ୍ରୀ ମା ଯେତେ ଝଡଝଂଜାର ସମ୍ଭୂଖିନ ହେଲେ ମଧ୍ୟ ଜୀବନ ସାରା ପୁଅଝିଅଙ୍କର ମଙ୍ଗଳ ପାଇଁ ଚେଷ୍ଟିତ ।ତେଣୁ ଏହି ମହାନପର୍ବ ପାଳନର ପ୍ରଚାର ପ୍ରସାର ଆବଶ୍ୟକ ହେଉଥିବାରୁ ସମାଜର ବିଭିନ୍ନ ବର୍ଗର ଲୋକଙ୍କ ମଧ୍ୟରେ ଏହା ଆଗାମୀ ଦିନରେ ଏକ ସ୍ବତନ୍ତ୍ର ସାମାଜିକ ଉତ୍ସବରେ ପରିଗଣିତ ହେବ ।    ବୈଜୟନ୍ତୀ ସାହୁ(ଅଧ୍ୟାପିକା) ବିନିକା ମହିଳା ଜୁନିଅର କଲେଜ

 ପୁଅଝିଅଙ୍କ ଉନ୍ନତି ପାଇଁ ଏହି ଓଷା ସାରା ପଶ୍ଚିମ ଓଡ଼ିଶାରେ ଘରେଘରେ ପାଳନ କରାଯାଏ l ପୁଅର ଶୁଭ କାମନା ପାଇଁ ମା ମାନେ ନିଷ୍ଠାପର ସହ ଦିନଯାକ ଉପବାସ ରହି ସନ୍ଧ୍ୟାରେ ପୂଜାର୍ଚ୍ଚନା କରିଥାନ୍ତି l ତା ଆର ଦିନ ସକାଳେ ପୁଅର ଦିଘାୟୁ ଜୀବନ ପାଇଁ ୧୦୮ ଦୁବ ଓ ଫୁଲ ଚଡାଇବା ପରେ ମା ପାଖରେ ପୁଅ ଆଶୀର୍ବାଦ ନେଇଥାଏ l ବାହାଘର ପରଠାରୁ ଅଦ୍ୟାବଧି ଏହି ଓଷା ପାଳନ କରି ଆସୁଥିବାରୁ ଏହି ପର୍ବକୁ ସମସ୍ତ ମା ମାନେ ପୁଅଝିଅଙ୍କ ମଙ୍ଗଳ ପାଇଁ ପାଳନ କରିବା ଉଚିତ l             

 ମମତା ମିଶ୍ର(ପୂର୍ବତନ ଅଧ୍ୟକ୍ଷା) ବିନିକା

: ପୁଅ ମାନଙ୍କ ଦୀର୍ଘ ଜୀବନ କାମନା କରି ଏହି ଓଷା ପାଳନ କରାଯାଏ l  ୧୦ବର୍ଷ ହେଲା ମୁଁ ଏହି ଓଷା ପାଳନ କରି ଆସୁଛି l ପୁଅଝିଅଙ୍କୁ ସ୍ନେହ,ଶ୍ରଦ୍ଧା ଓ ମା ର  ପଣତକାଣିରେ ବାନ୍ଧି ରଖିବାର ଏହି ପର୍ବକୁ ସମସ୍ତ ମାଁ ମାନେ ବିଧି ପରମ୍ପରା ଅନୁଯାୟୀ କରିବା ବିଧେୟ ।     

  ପୁଷ୍ପାଞ୍ଜଳୀ ପଣ୍ଡା (ଗୃହିଣୀ) ସିଂହିଯୁବା