16-Sep-2022

ଲୋଇସିଂହା (ବିନୋଦ କୁମାର ଦୀପ) ନିଖିଳ ଓଡିଶା ଆଶା କର୍ମୀ ସଂଘ ଏ. ଆଇ. ଟି. ୟୁ.ସି.  ସହ ସହବନ୍ଧିତ ଲୋଇସିଂହା ବ୍ଲକ କମିଟିର ବୈଠକ ସ୍ଥାନୀୟ ରାମ ମନ୍ଦିର ପରିସରରେ ବ୍ଲକ ସଂଘର ସଭାନେତ୍ରୀ ମାଧବୀ ବେହେରାଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି l ଉକ୍ତ ସଭାରେ

ସଂଘର ଜିଲ୍ଲା ସଭାପତି ସାଥୀ ତୀର୍ଥ ପଧାନ ଅତିଥି ଭାବେ ଯୋଗ ଦେଇ ଦିବଂଗତ ଆଶାକର୍ମୀ ଦ୍ବୟ ସୁରଭି ନନ୍ଦ, ଦେଓଗାଁ ବ୍ଲକ ଏବଂ ଉମା ପଧାନ ବେଲପଡା ବ୍ଲକଙ୍କ ଅକାଳ ବିୟୋଗରେ ସଭାରେ ଶୋକ ପ୍ରସ୍ତାବ ଆଗତ କରାଇ ତାଙ୍କ ଅମର ଆତ୍ମାର ସଦଗତି ନିମନ୍ତେ ନିରବ ପ୍ରାର୍ଥନା କରାଯାଇଥିଲା l ସମ୍ମାନିତ ଅତିଥି ଭାବେ ଜିଲ୍ଲା ସମ୍ପାଦିକା ଓମୀ ଗୁପ୍ତା ଯୋଗ ଦେଇ ଆଶାକର୍ମୀଙ୍କୁ ତୃଣମୂଳ ସ୍ତରରୁ ସୁଦୃଢ ଭାବେ ନିଜର ସର୍ବନିମ୍ନ ମଜୁରୀ ପାଇବା ପାଇଁ 
ସରକାରଙ୍କ ଠାରେ ବିକ୍ଷୋଭ ପ୍ରଦର୍ଶନ କରିବାକୁ ଆହ୍ୱାନ ଦେଇଥିଲେ l ଉପଦେଷ୍ଟା ସାଏବୁ ନନ୍ଦ ସଂଗଠନକୁ ବ୍ଲକ ସ୍ତରରୁ ସୁ ସୁସଂଗଠିତ ହୋଇ ଶକ୍ତିଶାଲି ଭାବେ ସରକାରଙ୍କ ପାଖରେ

ନିଜର ସର୍ବନିମ୍ନ ଦାବୀ ଗୁଡିକ ପୂରଣ କରିବା ସଙ୍ଗେ ସଂଗେ ଆଶାକର୍ମୀଙ୍କୁ ସରକାରୀ ମାନ୍ୟତା ଦେବା ପାଇଁ  ଲଢେଇ କରିବାକୁ ପଡିବ ବୋଲି ଆହ୍ୱାନ ଦେଇଥିଲେ l ସଭାରେ କଲ୍ୟାଣୀ ସାହୁ, ମୁକ୍ତା ଉଦୁର କୁଳିଆ ଆଶା ଦୀପ, ସୁନନ୍ଦା ସାହୁ, ପୁଷ୍ପାଞ୍ଜଳି ରଣା, ସୁବର୍ଣ୍ଣ ଦୀପ, ଉପାସି ପଧାନ, ଜଗିତା ନାଏକ, ଯାମିନୀ ଦଣ୍ଡସେନା, ସୁବାସିନୀ ସାହୁ, ମନୋରମା ରାଉତ, ସ୍ୱରୂପା ସୁନା ପୁର୍ଣ୍ୟତୟା ପଟେଲ, ସନ୍ଧ୍ୟାରାଣୀ ଥାଟି, ଜୟନ୍ତି ସ୍ବାଇଁ, ସନ୍ତୋଷିନୀ ନାଏକ, ପ୍ରଭାସିନୀ ମେହେର ପ୍ରମୁଖ ନିଜ ନିଜର ବକ୍ତବ୍ୟ ରଖିଥିଲେ l ଶେଷରେ ବିଳାସିନୀ ବାରିକ ଅତିଥି ଏବଂ ସମସ୍ତ ଆଶାକର୍ମୀ ମାନଙ୍କୁ ଧନ୍ୟବାଦ ଅର୍ପଣ କରିଥିଲେ l