16-Sep-2022

ନୟାଗଡ଼, (ପ୍ରଦୀପ କୁମାର ପଣ୍ଡା) ଗତ ମଙ୍ଗଳବାର ଦିନ ଅପରାହ୍ନ ସମୟରେ ସୋନାଲିଙ୍କୁ ଅତି ବିଭତ୍ସ ଭାବେ ହତ୍ୟା କରିବା ଘଟଣାରେ ପୁଲିସ ୪ଜଣଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଛି। ଘଟଣାର ମୁଖ୍ୟ ଅଭିଯୁକ୍ତ ସ୍ବାମୀ ଓ ମାମୁ ଶ୍ବଶୁର ଫେରାର ଥିବା ଜଣାପଡିଛି। ସୂଚନାଯୋଗ୍ୟ, ଓଡ଼ଗାଁ ଦଲକ ରୋଡ଼ସ୍ଥିତ ଦେବାଶିଷ ମିଶ୍ରଙ୍କ ସ୍ତ୍ରୀ ଜ୍ୟୋତିର୍ମୟୀ ପଣ୍ତା (ସୋନାଲି)କୁ ମାରି ପରିବାର ଲୋକେ ଫ୍ୟାନରେ ଟାଙ୍ଗି ଦେଇଥିଲେ। ଏବଂ ଏହାକୁ ଆତ୍ମହତ୍ୟାର ରୂପ ଦେବାକୁ ଚେଷ୍ଟା କରିଥିଲେ। ଏହି ଖବର ପ୍ରଘଟିତ ହେବା ପରେ ଘଟଣା ସ୍ଥଳରୁ ସ୍ବାମୀ ଦେବାଶିଷ ମିଶ୍ର (ରାକା) ଚତୁରତାର ସହିତ ଫେରାର୍ ହୋଇଯାଇଛି। ସୋନାଲିର ଶ୍ବଶୁର ଲୁଲିଆ ମିଶ୍ର, ଶାଶୁ ଝରଣା ମିଶ୍ର ଓ ଦୁଇଜଣ ଯୁବକ ଗଂଜାମ ଜିଲ୍ଲା ଭଂଜନଗର ଅଞ୍ଚଳର ଜଗନ ଗୈୖାଡ଼ (୨୦) ଓ ଦିଲିପ କୁମାର ସାହୁ (୩୦)ଙ୍କୁ ପୁଲିସ ଗିରଫ କରିଛି। ଏହି ଦୁଇଜଣ ଦେବାଶିଷଙ୍କ ଘରେ ରହି କାମ କରୁଥିବାରୁ ସେମାନଙ୍କ ସହାୟତାରେ ହତ୍ୟାକାଣ୍ତ ଘଟିଥିବା ପୁଲିସ ଜାଣିବାକୁ ପାଇଛି। ଆଜି ସମସ୍ତ ୪ଜଣଙ୍କୁ କୋର୍ଟ

ଚାଲାଣ କରାଯାଇଥିବା ବେଳେ ଦେବାଶିଷ ମିଶ୍ରଙ୍କ ଆଈକୁ ପୁଲିସ ନିଜ ହେପାଜତକୁ ଆଣିଥିଲେ ମଧ୍ୟ ଛାଡି ଦେଇଛି। ଏପଟେ ସୋନାଲିର ବାପା ପ୍ରକାଶ ପଣ୍ତା ଯୈୖାତୁକ ବାବଦକୁ ଦେଇଥିବା ସମସ୍ତ ଆସବାବପତ୍ର ଫେରାଇ ନେବାକୁ ପୁଲିସ ପାଖରେ ଆବେଦନ କରିଛନ୍ତି। ଗତକାଲି ଠାରୁ ପୁଲିସ ଘରକୁ ସିଲ କରି ନିଜ କପ୍ଳାରେ ରଖିଛି। ଘଟଣାର ମୁଖ୍ୟ ଅଭିଯୁକ୍ତ ଦେବାଶିଷ ମିଶ୍ର ଏବଂ ମାମୁକୁ ପୁଲିସ ଖୁବଶ୍ରୀଘ୍ର ଗିରଫ କରାଯିବ ବୋଲି ପୁଲିସ କହିଛି।