15-Sep-2022

ବିନିକା(ହିମାଂଶୁ ଶେଖର ପୁଟେଲ)ବର୍ତ୍ତମାନର ଡିଜିଟାଲ ଦୁନିଆରେ ସବୁକିଛି ସମ୍ଭବ ହେଉଥିବାରୁ ମୋବାଇଲର ଚାହିଦା ବୃଦ୍ଧି ପାଇଛି ।ଜଣପିଛା ଗୋଟିଏ ଲେଖାଏଁ ମୋବାଇଲ ବ୍ୟବହାର କରୁଥିବା ଦେଖିବାକୁ ମିଳିଛି ।ପାଠପଢା,ଖେଳକୁଦ ଠାରୁ ଆରମ୍ଭ କରି ସବୁକିଛି ଏହି ମୋବାଇଲ ରୁ ହିଁ ଦେଖି ଜାଣି ହେଉଛି ।ଯାହା ଫଳରେ ଛୋଟ ଠାରୁ ବଡ ପର୍ଯ୍ୟନ୍ତ ସମସ୍ତେ ମୋବାଇଲ ଉପରେ ନିର୍ଭର କରିବାକୁ ବାଧ୍ୟ ହେଉଛନ୍ତି ।ହେଲେ ଆଜିକାଲିର ଯୁବ ପ୍ରେମୀ ମୋବାଇଲ ରୁ ବିଭିନ୍ନ ପ୍ରକାରର ଖେଲକୁ ମନପ୍ରାଣ ଦେଇ ଖେଳୁଥିବାରୁ ତାହା ବିପଦ ସୃଷ୍ଟି କରିବ କେହି ଚିନ୍ତା କରୁନାହାନ୍ତି । ଯାର ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ବିନିକା ବ୍ଳକ ଅଞ୍ଚଳରେ ।ଖବର ନେବାରୁ ଜଣାପଡିଛି ଯେ ବିନିକା ବ୍ଳକ ମହଦା ପଞ୍ଚାୟତ ଶିଆଳି ନିକଟ କେନପାଲି ଗ୍ରାମର ୨୨ବର୍ଷିଆ ଯୁବକ ପୁରଣ ଜାଲ ନିଜ ମୋବାଇଲ ରେ ଫ୍ରି ଫାୟାର ଗେମ ଖେଳୁଥିବା ବେଳେ ତାହା ଅତ୍ୟଧିକ ଗରମ ହେବାରୁ ସତର୍କତା ସ୍ୱରୂପ ମୋବାଇଲ କୁ ତଳେ ରଖି ଦେଇଥିଲେ ।ଫଳରେ ମୋବାଇଲ ଟି ଫୁଲି ଯାଇ କିଛି ସମୟ ପରେ ଫାଟି ଚୁରମାର ହୋଇ ଯାଇଥିଲା । ରଖେ ହରି ତ ମାରେ କିଏ ରୀତିରେ ଯୁବକ ଜଣକ ଏକ ବଡ଼ ବିପଦରୁ ବର୍ତ୍ତି ଯାଇଛନ୍ତି ।ଘଟଣାଟି ଅଞ୍ଚଳରେ ଭୟର ଆତଙ୍କ ସୃଷ୍ଟି କରିଛି ।