10-Sep-2022

ବଲାଙ୍ଗୀର, (ପ୍ରେରଣା ଖବର ବ୍ୟୁରୋ ) ଗତ ସେପ୍ଟେମ୍ବର ୪ ତାରିଖ ରବିବାର ଦିନ ପୁନେସ୍ଥିତ ପାଷାଣ ର  ଆରୋମି ଠାରେ ନୁଆଁଖାଇ ଭେଟଘାଟ-୨୦୨୨ ଧୁମଧାମରେ ପାଳିତ ହୋଇଯାଇଛି l ଏହି ଅବସରରେ ରଙ୍ଗବେରଙ୍ଗର ପାରମ୍ପରିକ ସମ୍ବଲପୁରୀ ବସ୍ତ୍ର ପରିଧାନ କରି ସହରରେ ଥିବା ପ୍ରବାସୀ ଓଡିଶାବାସୀ ଏକତ୍ରହୋଇ  ବହୁତ ଆନନ୍ଦ ଉଲ୍ଲାସର ସହ ନୁଆଁଖାଇ ପାଳନ କରିଥିଲେ 
ଏହି ପରିପ୍ରେକ୍ଷୀରେ ଅଧିଷ୍ଠାତ୍ରୀ ଦେବୀ ମା ସମଲେଶ୍ୱରୀଙ୍କୁ ପୂଜାର୍ଚନା କରିଥିଲେ ଓ  ଦିନ ୧୦ ଟାରୁ କାର୍ଯ୍ୟକ୍ରମର ଶୁଭାରମ୍ଭ କରାଯାଇଥିଲା l
ଏହାପରେ  ମହିଳା ମାନେ ଭଜନ ପରିବେଷଣ କରିଥିଲେ  ଏବଂ କୁନିକୁନି ପିଲା ମାନଙ୍କ ନାଚ, ଗୀତ, ସଙ୍ଗୀତ ଏହି ପର୍ବକୁ ଉତ୍ସବମୁଖର କରିଥିଲା l ଏହି ମଞ୍ଚରେ ଯୋଗଦାନ କରିଥିବା ବ୍ୟକ୍ତି ବିଶେଷ ନିଜ ନିଜ ମଧ୍ୟରେ ଭାବର ଆଦାନପ୍ରଦାନ କରିଥିଲେ l କୁନିକୁନି ପିଲାମାନଙ୍କୁ ନେଇ ଅନୁଷ୍ଠିତ ହୋଇଥିବା  ଚିତ୍ର, ନାଚ, ସଂଗୀତ ପ୍ରତିଯୋଗିତାରେ ଯେଉଁମାନେ ଅଂଶଗ୍ରହଣ କରିଥିଲେ l କୁନି ପିଲାଙ୍କୁ 
ପୁରସ୍କାର ବିତରଣ କରାଯାଇଥିଲା l ମଧ୍ୟାହ୍ନ  ଅବସରରେ ସସ୍ୱାଧିଷ୍ଟ ଶୁଦ୍ଧ ଓଡିଆ ଖାଦ୍ୟ ଯଥା ଖିରି, ପୁରୀ, ପିଠା, ଲେଥା, (କରଡି ଆମ୍ବିଳ), ଆରିଷା,ରସଗୁଲା, ଚାଉଳ ଓ ବିରିବରା, (ଘୁଗୁନି),ସାରୁ ତରକାରୀ, ଡାଲି, ପୋଟଳ ସହ ବିଭିନ୍ନ କିସମର ଓଡ଼ିଆ ଖାଦ୍ୟ ଲୋକଙ୍କ ମନକୁ ମୋହିତ କରିଦେଲା 

ଓଡିଶା ବାହାରେ ନୁଆଁଖାଇ ପାଳନ କରିବାରେ ପୁନେ ହେଉଛି ଦିଲ୍ଲୀ ପରେ  ଦ୍ୱତୀୟ ସ୍ଥାନରେ, ଏହି ପରମ୍ପରା  ୨୦୦୭ ରୁ ଆରମ୍ଭ ହୋଇ ଦୀର୍ଘ ୧୫ ବର୍ଷ ହେବ ଏହି ପର୍ବ ପାଳନ କରି ଆସୁଛନ୍ତି ପୁନେରେ ରହୁଥିବା ଓଡ଼ିଆବାସୀ l କୋରୋନା ମହାମାରୀ ଓ ଅନ୍ୟାନ୍ୟ କାରଣରୁ ଗତ ୨ ବର୍ଷ ହେଲା ପାଳନ
ହୋଇ ପାରୁନଥିଲା l ନୁଆଁଖାଇ ଭେଟଘାଟକୁ ଏହିବର୍ଷ ନୁଆଁଖାଇର ପ୍ରତିଷ୍ଠାତା ନରେନ୍ଦ୍ର ପଣ୍ଡା, ଦିଲୀପ ସାହୁ, ଉମାକାନ୍ତ ପ୍ରଧାନ, ବସନ୍ତ ପଢିଆରୀ, ସରୋଜ କୁମାର ସାହୁ ନୁଆଁଖାଇକୁ ପୂର୍ଣ୍ଣଜୀବିତ  କରିଥିଲେ l ଏହି ଅବସରରେ ପୂର୍ବ ବର୍ଷ ମାନଙ୍କ ଅପେକ୍ଷା ଏହି ବର୍ଷ ଅତି ଜାକଜମକ ସହ ହୋଇଥିଲା l ପରିଶେଷରେ  ପକୋଡ଼ି ଓ ଚା ସହ ସମ୍ବଲପୁରୀ ନାଚ, ସଂଗୀତର ଧୂନ ସହ ଜନସାଧାରଣ  ଝୁମି ଯାଇଥଲେ l
ପଶ୍ଚିମ ଓଡିଶାର ଏହି ନୁଆଁଖାଇ ପର୍ବ ବନ୍ଧୁତା ଓ ଭାଇଚାରାର ବନ୍ଧନରେ ବାନ୍ଧି ରଖିଥାଏ l  ପୁନେରେ ଏହି ପର୍ବକୁ ନରେନ୍ଦ୍ର ମେହେର, ପ୍ରତୁଷ ପାଢୀ ଏବଂ ସ୍ୱାଧୀନ ବହିଦାର ପ୍ରମୁଖ ସଫଳତାର ସହ ପରିଚାଳନା କରିଥିଲେ l