08-Sep-2022

ନବରଙ୍ଗପୁର : ଆଜି ଗୁରୁବାର ୮ ତାରିଖ ମଧ୍ୟାହ୍ନ ସମୟରେ ଡାବୁଗାଁ ସାପ୍ତାହିକ ହାଟ ରେ ଜଣ କ୍ଷୀଣ ଶରୀର ର ଅସହାୟ ମାଁ ତାର ତିନି ମାସର ଶିଶୁ ପୁତ୍ରକୁ ଧରି ଘୁରି ବୁଲୁଥିଲା। ହିନ୍ଦୁ ମହାସଂଘର କାର୍ଯ୍ୟକର୍ତ୍ତା ମାନେ ମହାସଂଘ ପ୍ରମୁଖ ଜୟନ୍ତ କୁମାର ପାତ୍ରଙ୍କୁ ସୂଚିତ କରିବା ପରେ, ସେ ଘଟଣା ସ୍ଥଳରେ ଆସି ମହିଳା ହେଲ୍ପଲାଇନ ୧୦୯୧ ଓ ୧୮୧କୁ କଲ କଲେ କିନ୍ତୁ ନମ୍ବର ଗୁଡ଼ିକ ବୈଧ ନୁହେଁ ବୋଲି ଜଣା ପଡ଼ିଲା। ଏହାପରେ ଚାଇଲ୍ଡ ହେଲ୍ପଲାଇନ ନମ୍ବର କୁ ଫୋନ କରି ସମସ୍ତ ବିଷୟରେ ଜଣାଇଲେ। ସେମାନେ ସହଯୋଗ ର ପ୍ରତିଶ୍ରୁତି

ଦେଇଛନ୍ତି। ସୂଚନା ପ୍ରକାରେ ରୁନୀ ବେହେରା (ଛଦ୍ମ ନାମ) ନାମକ ଜଣେ ଯୁବତୀ ତାଙ୍କ କହିବା ପ୍ରକାରେ ରାଜେଶ ଖୋରା ନାମକ ବ୍ୟକ୍ତି କୁ ବିବାହ କରିଥିଲେ। ବର୍ତ୍ତମାନ ତିନି ମାସ ର ଶିଶୁ ସହ ତା ସ୍ବାମୀ ତାକୁ ଛାଡ଼ିଦେଇଚି। ବର୍ତ୍ତମାନ ସେ ଉମରକୋଟ ଅଞ୍ଚଳରେ ରହୁଛି । ତାର ସୁବ୍ୟବସ୍ଥା ଓ ଶିଶୁ ର ବିଷୟ ରେ ସଂପୂର୍ଣ୍ଣ କଥା କରିବା ପାଇଁ ଉମରକୋଟ ଶିଶୁ ବିକାଶ ପ୍ରକଳ୍ପ ଅଧିକାରୀ ଙ୍କୁ ବାରମ୍ବାର ଫୋନ କରିବା ସତ୍ବେ ସେ ଫୋନ ଗ୍ରହଣ କରି ନ ଥିଲେ। ବର୍ତ୍ତମାନ ଭଗବାନ ଭରସାରେ ମାଁ ଓ ଶିଶୁ କିଛି ସାହାଯ୍ୟ ସହଯୋଗ ସହ ଉମରକୋଟ ଫେରି ଯାଇଛନ୍ତି। ରାଜ୍ୟ ଓ କେନ୍ଦ୍ର ସରକାରଙ୍କ ପକ୍ଷରୁ ମିଳୁଥିବା ସମସ୍ତ ସାହାଯ୍ୟ  ସହଯୋଗ ଯୋଗାଇ ଦେବା ପାଇଁ ହିନ୍ଦୁ ମହାସଂଘ ପ୍ରଶାସନିକ ଅଧିକାରୀ ମାନଙ୍କୁ ଅନୁରୋଧ କରିଛି।

(ରିପୋର୍ଟ : ମିହିର ଶଙ୍କର ପାତ୍ର,ନବରଙ୍ଗପୁର)