08-Sep-2022

ବଲାଙ୍ଗିର (ପ୍ରେରଣା ଖବର) ସ୍ଥାନୀୟ ସହରାଞ୍ଚଳ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର, ଶାସ୍ତ୍ରୀ ନଗର ସଭାଗୃହ ମଧ୍ୟରେ "ନୀଳ ଆକାଶ ପାଇଁ ସ୍ୱଚ୍ଛ ବାୟୁ" ଦିବସ ପାଳନ କରାଯାଇଛି l
ଉକ୍ତ ଦିବସ ର ଆଭିମୁଖ୍ୟ ର ସ୍ପଷ୍ଟତା  ଆଣିବା ଉଦ୍ଦେଶ୍ଯରେ ବଲାଙ୍ଗିର ର ଜାତୀୟ ସ୍ୱାସ୍ଥ୍ୟ ମିଶନର ପ୍ରତକ୍ଷ ତତ୍ତ୍ୱବଧାନରେ ବିଷୟବସ୍ତୁ କୁ ନେଇ କିଛି  ବିଶିଷ୍ଟ ବିଷୟ ଉପରେ ଆଲୋଚନା କରାଯାଇଥିଲା ଯାହାର କିଂଚିତ ସମସ୍ୟା ମାନଙ୍କୁ ଏଡେଇ l

ଦିଆଯାଇପାରିଲେ ଆମେ ଏକ ସ୍ୱଚ୍ଛ-ବାୟୁ କୁ ଆବରଣ କରିବାରେ ସହାୟକ ହୋଇପାରିବା ବୋଲି ଜନସ୍ୱାସ୍ଥ୍ୟ ଅଧିକାରୀ ଡା ଦିବ୍ୟ କିଶୋର ପତି ଆଲୋଚନା କରିଥିବା ବେଳେ କିଛି ନୀତି ଗୁରୁତ୍ବ ପୂର୍ଣ୍ଣ ବିକଳ୍ପ ଦିଗ ଯଥା - ଅଳ୍ପ ଦୂର ଯାତ୍ରା ପାଇଁ ମୋଟର ଯାନ ବଦଳରେ ପାଦରେ ଚାଲି ଚାଲି ଯିବା କିମ୍ବା ଅତିବ ଜରୁରୀ ସମୟରେ ସାଇକେଲ ବ୍ୟବହାର କରିବା,ଜଙ୍ଗଲ ସୁରକ୍ଷା ଓ ଗଛ ଲଗାଇ ତାର ସୁରକ୍ଷା ଦେବା,ପରିବେଶ ଅନୁକୂଳ ଯାନ ମାନ ବ୍ୟବହାର କରିବା,ଶକ୍ତି ର ବିକଳ୍ପ ମାଧ୍ୟମ କୁ ଆପଣାଇବା,ନଷ୍ଟ ଆବର୍ଜନା ମାନଙ୍କୁ

ଅଯଥା ରେ ନ ପୋଡିବା କିମ୍ବା, ଜଙ୍ଗଲ କୁ ନିଆଁଦାଉରୁ ରକ୍ଷା କରିବା ଇତ୍ୟାଦି ମାନଙ୍କ ଉପରେ ଡା.କୁବେର ଚନ୍ଦ୍ର ମହନ୍ତ (ଅତିରିକ୍ତ ଜନସ୍ୱାସ୍ଥ୍ୟ ଅଧିକାରୀ) ଡା. ଅନିତା ମିଶ୍ର (ଅତିରିକ୍ତ ଜନସ୍ୱାସ୍ଥ୍ୟରୋଗ ନିୟନ୍ତ୍ରଣ ) ଯୋଗ ଦେଇ ଏହା ଉପରେ ସବିଶେଷ ଆଲୋଚନା କରି ଏହାଉପରେ ଏକ ଯୋଜନା ମୁତାବକ କାମକରିବାକୁ ଜିଲ୍ଲା ପ୍ରଶାସନ ତଥା ଓଡିଶା ସରକାର ଙ୍କ ସାହାଯ୍ୟ ଲୋଡ଼ିଥିଲେ l
ଉକ୍ତ ସଭାରେ ସ୍ୱାସ୍ଥ୍ୟ କ୍ଷେତ୍ରରେ କାର୍ଯ୍ୟରତ ପ୍ରାୟ ସତୁରି ଜଣ ମହିଳା ଆରୋଗ୍ୟ ସମିତି ସଭ୍ୟା , ଆଶା ମା ଗଣ,ସ୍ୱାସ୍ଥ୍ୟ ଅନୁଷ୍ଠାନ ର ସଭ୍ୟ-ସଭ୍ୟା ମାନ ଉପସ୍ଥିତ ରହି କାର୍ଯ୍ୟକ୍ରମ କୁ ସଫଳ କରାଇବାରେ ସହାୟକ ହୋଇଥିଲେ l
କାର୍ଯ୍ୟକ୍ରମ ଶେଷରେ ଜାତୀୟ ସ୍ୱାସ୍ଥ୍ୟ ମିଶନ ର ଅତିରିକ୍ତ ମେନେଜର ରାମାନୁଜ ପଣ୍ଡା ବିଷୟବସ୍ତୁକୁ ଗୁରୁତ୍ୱ ଦେଇ ଏହାଉପରେ ସଭିଏଁ କାମ କରିବାକୁ ଅନୁରୋଧ କରିବାସଙ୍ଗେ ସାଙ୍ଗେ ସଭିଙ୍କୁ ଧନ୍ୟବାଦ ଅର୍ପଣ କରିଥିଲେ