31-Aug-2022

ବଲାଙ୍ଗିର (ପ୍ରେରଣା ଖବର): ଟିକ୍ରାପଡ଼ା ପୂଜା ମଣ୍ଡପ (ଗାନ୍ଧି ପାଠାଗାର ) ରେ ଚଳିତ ବର୍ଷ ମାଁ ଜଗତ ଜନନୀ ଦୂର୍ଗା ପୂଜା ଆୟୋଜନ ପାଇଁ ଏକ ପ୍ରସ୍ତୁତି ବୈଠକ ପାଠାଗାର ସଭାପତି ପ୍ରକାଶ ନେପାକ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ହୋଇଯାଇଛି l ଚଳିତ ବର୍ଷ ଆୟୋଜକ କମିଟି ର ସଭାପତି ପ୍ରକାଶ ନେପାକ, ଉପସଭାପତି ସନ୍ତକ ବହିଦାର, ସମ୍ପାଦକ ପ୍ରଦିପ ସାହୁ, କୋଷାଧ୍ୟକ୍ଷ ଜିତେନ୍ଦ୍ର ନାଗ ମନୋନୀତ ହୋଇଥିଲେ l କମିଟି ର ସଭ୍ୟ ରୂପେ ଭଗବାନ ବଗର୍ତି, କୃଷ୍ଣ ପ୍ରସାଦ ମିଶ୍ର, ଜାସବୀର ସିଂ,ଚିତ୍ତରଞ୍ଜନ ସାହୁ, ଶିବେନ୍ଦ୍ର ସାହୁ, ରାଜେନ୍ଦ୍ର ପାଣି, ମାନl ଖାନ , ଟୁନା ହୋତା, ଋଆଜ଼ ଖାନ, ବାଦଲ ସାହୁ, ଅଜୁ ପଣ୍ଡା, ସଂଗ୍ରାମ ବହିଦାର, ଟୁନୁ ସାହୁ, ବାବୁ ଶ୍ରୀଚନ୍ଦନ, ପ୍ରବୀଣ ଦର୍ଜୀ, ପ୍ରମୋଦ ସାହୁ  ପ୍ରମୁଖ ସଭ୍ୟ ଅଛନ୍ତି l ବିଗତ ଦୁଇ ବର୍ଷ କରୋନା କଟକଣା ରେ ପୂଜା ହୋଇଥିବା ବେଳେ ଚଳିତ ବର୍ଷ ମହା ଆଡମ୍ବର ରେ ପୂଜା କରିବା ପାଇଁ ମତ ପ୍ରକାଶ ପାଇ ଥିଲା l ବରିଷ୍ଠ ସଭ୍ୟ ଶ୍ରୀ ନୀଳମଣି ମିଶ୍ର, ଅଶୋକ ଚାନ୍ଦ, ଅନୁ ବେହେରା,ରାଜେନ୍ଦ୍ର ମିଶ୍ର,  ବନମାଳୀ ମିଶ୍ର  ଦୂର୍ଗା ପୂଜା ରେ ଶାନ୍ତି ଶୃଙ୍ଖଳା ବଜାୟ ରଖିବାକୁ ମତ ଦେଇଥିଲେ l ପାର୍ବଣ ଋତୁ ତଥା କାର୍ତ୍ତିକ, ମାର୍ଗଶିର ମାସ ଥିବା ବେଳେ ବଲାଙ୍ଗିର ପୌର ପରିଷଦ  ରାଣୀବନ୍ଧ ହୁଡ଼ା ରେ ଆବର୍ଜନା ଜମା କରି  ଦୁର୍ଗନ୍ଧମୟ ପରିବେଶ ସୃଷ୍ଟି କରୁଥିବାରୁ ଆସନ୍ତା ତିନି ଦିନ ଭିତରେ ରାଣୀବନ୍ଧ ର ସମସ୍ତ ରାସ୍ତା, ଗାଧୁଆ ତୁଠ, ବନ୍ଧ ହୁଡ଼ା ସଫା ନ କଲେ ପୌର ପରିଷଦ ଘେରାଓ କରିବା ସହ ଜିଲ୍ଲାପାଳ ଙ୍କ ଦୃଷ୍ଟି ଆକର୍ଷଣ କରାଯିବ ଏବଂ ଏହି ଅଂଚଳ ର ଜନସାଧାରଣ ଆନ୍ଦୋଳନାତ୍ମକ ଭୂମିକା ଗ୍ରହଣ କରାଯିବାକୁ ସିଦ୍ଧାନ୍ତ ଗ୍ରହଣ କରାଯାଇଥିଲା l ନୂତନ ଭାବେ ନିର୍ମିତ ସୁଲଭ ଶୌଚାଳୟ ରାଣୀ ବନ୍ଧ ତଥା ଜନସାଧାରଣ ରାସ୍ତା ଉପରେ ଦୁର୍ଗନ୍ଧମୟ ନର୍ଦମା ପାଣି ଛାଡୁଥିବାରୁ ମଧ୍ୟ ଉଦବେଗ ପ୍ରକାଶ ପାଇଥିଲା l ଆଗାମୀ ଦିନରେ ଏହି ଅଂଚଳ ର ନିବାସୀ ଙ୍କୁ ଏକଜୁଟ କରି ପ୍ରଶାସନ କୁ ଜଣାଇବା ପାଇଁ ସିଦ୍ଧାନ୍ତ ଗ୍ରହଣ କରାଗଲା lପାଠାଗାର ସଭ୍ୟ ଅନିଷ ସାହୁ, ବିଧୁ ଭୂଷଣ ତ୍ରିପାଠୀ, ପ୍ରମୋଦ ପ୍ରଧାନ , ଦିଲୀପ ସାହୁ, ନେପାଳ ମହାରଣା, ବିଶ୍ୱଜିତ ସାହୁ, ଧ୍ରୁବ ବେହେରା  ପ୍ରମୁଖ ଆଲୋଚନାରେ ଅଂଶ ଗ୍ରହଣ କରିଥିଲେ  ପରିଷେଶ ରେ ପାଠାଗାର ସଂପାଦକ ପ୍ରଦିପ ସାହୁ  ଧନ୍ୟବାଦ ଅର୍ପଣ କରିଥିଲେ l